ಹೊಸ ಅತಿಥಿಗಳು ಬಂದಿದ್ದಾರೆ, ಮೈಸೂರು ಝೂಗೆ ಬನ್ನಿ!
ಮೈಸೂರು, ಜೂನ್ 20 : ನಗರದ ಶ್ರೀ ಚಾಮರಾಜೇಂದ್ರ ಮೃಗಾಲಯಕ್ಕೆ ಹೊಸ ಅತಿಥಿಗಳ ಆಗಮನವಾಗಿದೆ. ಈ ಹಿನ್ನಲೆಯಲ್ಲಿ ಮೃಗಾಲಯಕ್ಕೆ ಮತ್ತಷ್ಟು ಕಳೆ ಬಂದಂತಾಗಿದೆ.
ಚೆನ್ನೈನ ಅಗಿರ್ನಾರ್ ಅಣ್ಣಾ ಮೃಗಾಲಯದಿಂದ ರಾಮ ಮತ್ತು ಅನಿತಾ ಎಂಬ ಹೆಸರಿನ ಎರಡು ಸಿಂಗಳೀಕಗಳನ್ನು ಪ್ರಾಣಿ ವಿನಿಮಯ ಯೋಜನೆಯಡಿ ಜೂನ್ 17 ರಂದು ಶ್ರೀ ಚಾಮರಾಜೇಂದ್ರ ಮೃಗಾಲಯಕ್ಕೆ ಬರಮಾಡಿ ಕೊಳ್ಳಲಾಗಿದೆ.
ಇದರೊಂದಿಗೆ ವಿರಾಜಪೇಟೆ ಮತ್ತು ಕುಶಾಲನಗರ ವಲಯದ ಗಂಡು ಮತ್ತು ಹೆಣ್ಣು ಚಿರತೆ ಬೆಕ್ಕುಗಳು ಬಂದಿವೆ. ಮೃಗಾಲಯದಲ್ಲಿ ಕ್ಯಾಪುಚಿನ್ ಮಂಗದ ಮರಿ, 2 ಜಿಂಕೆ ಮರಿಗಳು, ಗೌರು ಕರುಗಳು ಜನಿಸಿದ್ದು, ಈ ಪ್ರಾಣಿಗಳೆಲ್ಲವೂ ಸಾರ್ವಜನಿಕರ ವೀಕ್ಷಣೆಗೆ ಲಭ್ಯವಿದ್ದು, ಪ್ರವಾಸಿಗರ ಸಂತಸ ಹೆಚ್ಚಿಸಲಿವೆ.
Click it and Unblock the Notifications
Sign in with Google