ಮೈಸೂರು ಮೂಲದ ಟೆಕ್ಕಿ ಅಮೆರಿಕದಲ್ಲಿ ಸಾವು
ಮೈಸೂರು, ಮಾರ್ಚ್ 04; ಅಮೆರಿಕದಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಮೈಸೂರು ಮೂಲದ ಟೆಕ್ಕಿಯೊಬ್ಬರು ಮೃತಪಟ್ಟಿದ್ದಾರೆ. ಶುಕ್ರವಾರ ಮೃತದೇಹವನ್ನು ಮೈಸೂರಿಗೆ ತರಲಾಗುತ್ತದೆ.
ಮೈಸೂರು ನಗರದ ನಿವಾಸಿಯಾದ ನಿವೃತ್ತ ಇಂಜಿನಿಯರ್ ತುಕಾರಾಮ್ ಎಂಬುವರ ಪುತ್ರ ಪ್ರತೀಕ್ ತೇಲ್ಕರ್ (28) ಮೃತಪಟ್ಟವರು. ಅಮೆರಿಕದ ಅಯೋವಾದಲ್ಲಿ ಫೆಬ್ರವರಿ 26ರಂದು ಹೃದಯಾಘಾತದಿಂದ ಅವರು ಮೃತಪಟ್ಟಿದ್ದಾರೆ.
ಪ್ರತೀಕ್ ಉನ್ನತ ಶಿಕ್ಷಣ ಪಡೆಯಲು ಅಮೆರಿಕಕ್ಕೆ ತೆರಳಿದ್ದರು. ವಿದ್ಯಾಭ್ಯಾಸ ಮುಗಿದ ಬಳಿಕ ಅಲ್ಲಿಯೇ ಸಾಫ್ಟ್ವೇರ್ ಇಂಜಿನಿಯರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಮಾರ್ಚ್ 5ರಂದು ಪ್ರತೀಕ್ ತೇಲ್ಕರ್ ಪಾರ್ಥಿವ ಶರೀರವನ್ನು ಮೈಸೂರಿಗೆ ತರಲಾಗುತ್ತದೆ ಎಂದು ಕುಟುಂಬದವರು ಹೇಳಿದ್ದಾರೆ.
ಮಾರ್ಚ್ನಲ್ಲಿ ಭಾರತಕ್ಕೆ ವಾಪಸ್ ಆಗಿ ಇಲ್ಲಿಯೇ ಉದ್ಯೋಗ ಹುಡುಕುವುದಾಗಿ ಪ್ರತೀಕ್ ಹೇಳಿದ್ದರು. ಕುಟುಂಬದವರು ಅವರ ಮದುವೆಗಾಗಿ ಚಿಂತನೆಯನ್ನು ಸಹ ನಡೆಸಿದ್ದರು. ಆದರೆ, ಪ್ರತೀಕ್ ಹೃದಯಾಘಾತದಿಂದಾಗಿ ಮೃತಪಟ್ಟಿದ್ದಾರೆ.
ಪ್ರತೀಕ್ ತೇಲ್ಕರ್ ತಂದೆ ಎನ್. ಬಿ. ತುಕಾರಾಮ್ ಕಾಡಾ ಕಚೇರಿಯಲ್ಲಿ ಸಹಾಯಕ ಕಾರ್ಯಪಾಲಕ ಅಭಿಯಂತರರಾಗಿ ಕಾರ್ಯ ನಿರ್ವಹಣೆ ಮಾಡಿ ನಿವೃತ್ತರಾಗಿದ್ದಾರೆ. ಎನ್. ಬಿ. ತುಕಾರಾಮ್ ಪತ್ನಿ ಎನ್. ಶಾಲಿನಿ ಜೊತೆ ಶಾರದದೇವಿ ನಗರದಲ್ಲಿ ವಾಸಿಸುತ್ತಿದ್ದಾರೆ.
Click it and Unblock the Notifications
Sign in with Google