ದಡದಹಳ್ಳಿಯಲ್ಲಿ ಏಕಾಏಕಿ 80ಕ್ಕೂ ಹೆಚ್ಚು ಕುರಿಗಳ ದಾರುಣ ಸಾವು
ಮೈಸೂರು, ಅಕ್ಟೋಬರ್. 05: ಏಕ ಕಾಲದಲ್ಲಿ 80ಕ್ಕೂ ಹೆಚ್ಚು ಕುರಿಗಳು ಒಂದೊಂದಾಗಿ ಸಾವನ್ನಪ್ಪಿರುವ ಘಟನೆ ಮೈಸೂರಿನ ದಡದಳ್ಳಿಯಲ್ಲಿ ಗುರುವಾರ ನಡೆದಿದೆ.
ಈ ಕುರಿಗಳು ತುಮಕೂರು ಶಿರಾ ಮೂಲದ ಮಾಲೀಕರಿಗೆ ಸೇರಿವೆ. ಮಾಲೀಕರು ಕುರಿ ಮೇಯಿಸುವುದಕ್ಕಾಗಿ ತುಮಕೂರಿನಿಂದ ಮೈಸೂರಿಗೆ ಬಂದಿದ್ದಾರೆ. ಎಂದಿನಂತೆ ಕುರಿಗಳು ಊರು ಊರಿನ ಮೇಲೆ ಮೇಯುತ್ತಾ ಸಾಗಿವೆ. ಅಂತೆಯೇ ಗುರುವಾರ ದಡದಳ್ಳಿಯಲ್ಲಿ ಮೇಯಲು ಬಿಟ್ಟಿದ್ದಾಗ ಈ ಘಟನೆ ನಡೆದಿದೆ.
ಕುರಿ ಮೇವಿನಲ್ಲಿ ವಿಷ ಸೇವನೆ ಶಂಕೆ ವ್ಯಕ್ತವಾಗಿದೆ. ಇದ್ದಕ್ಕಿದ್ದಂತೆ ಬೆಳಗ್ಗೆಯಿಂದಲೇ ಕುರಿಗಳೆಲ್ಲಾ ಒಂದೊಂದಾಗಿ ಸತ್ತಿವೆ. ಇದನ್ನು ಗಮನಿಸಿದ ಮಾಲೀಕರು ದಿಗ್ಭ್ರಾಂತರಾಗಿದ್ದಾರೆ. ದಿಕ್ಕೇ ತೋಚದಂತಾದ ಅವರು, ಗ್ರಾಮಸ್ಥರ ಸಹಾಯದಿಂದ ಕೂಡಲೇ ವೈದ್ಯರನ್ನು ಸಂಪರ್ಕಿಸಿದ್ದಾರೆ.
ಈ ವೇಳೆ ಸ್ಥಳಕ್ಕೆ ಆಗಮಿಸಿ ತಪಾಸಣೆ ನಡೆಸಿದರು. ಆದರೆ, ಕುರಿಗಳ ಸಾವಿಗೆ ನಿಖರ ಕಾರಣ ಏನೂ ಎಂಬುದು ತಿಳಿದು ಬಂದಿಲ್ಲ.
ಮಟನ್ ಸ್ಟಾಲ್ ಸೇರಿದ ಕುರಿಗಳು
ಈ ನಡುವೆ ಬೆಳಗ್ಗೆಯಿಂದಲೇ ಒಂದಾದ ಮೇಲೊಂದರಂತೆ ಕುರಿಗಳು ಸಾವನ್ನಪ್ಪುತ್ತಿದ್ದಂತೆಯೇ ಮಟನ್ ಸ್ಟಾಲ್ ಮಾಲೀಕರು ಸತ್ತ ಕುರಿಗಳನ್ನು ಅಂಗಡಿಗೆ ಹೊತ್ತೊಯ್ದರು. ಕುರಿ ಮಾಂಸ ಖರೀದಿಸುವವರು ಕೊಳ್ಳುವ ಮುಂಚೆ ಎಚ್ಚರವಹಿಸಬೇಕು ಎಂದು ಕುರಿಗಾಹಿಗಳು ಮನವಿ ಮಾಡಿದರು. ಈ ಸಂಬಂಧ ವಿದ್ಯಾರಣ್ಯಪುರಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Click it and Unblock the Notifications
Sign in with Google