KRS Reservoir Level Today: ಇಂದು 552 ಕ್ಯೂಸೆಕ್ಸ್ ನೀರು ಬಿಡುಗಡೆ, ಒಳ ಹರಿವು-ಸಂಗ್ರಹಣೆ ಮಾಹಿತಿ

ಬೆಂಗಳೂರು, ಜೂನ್ 07: ಕರ್ನಾಟಕ ರಾಜ್ಯದಲ್ಲಿ ಹಲವು ದಿನಗಳಿಂದ ಉತ್ತಮ ಮಳೆ ಆಗುತ್ತಿದೆ. ಇದರಿಂದ ರೈತರ ಮೊಗದಲ್ಲಿ ಮಂದಹಾಸ ಮೂಡಿದೆ. ಕಾವೇರಿ ಕೊಳ್ಳದ ಸುತ್ತಮುತ್ತಲಿನ ರೈತರಿಗೆ ಆಧಾರವಾದ ಕೆಆರ್‌ಎಸ್ ಜಲಾಶಯದ ನೀರಿನ ಒಳಹರಿವು ಹೆಚ್ಚಾಗಿದೆ. ಇನ್ನೂ ಮುಂದಿನ ಬೇಸಿಗೆ ವರೆಗೆ ನಿಶ್ಚಿಂತರಾಗಿ ರೈತರು ವ್ಯವಸಾಯ ಮಾಡಬಹುದು.

ರಾಜ್ಯದ ನದಿಗಳು ಮೈದುಂಬಿ ಹರಿಯುತ್ತಿವೆ. ಎರಡು ರಾಜ್ಯಗಳಿಗೆ ಆಧಾರವಾಗಿರುವ ಕಾವೇರಿ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾಗುತ್ತಿದೆ. ಮಂಡ್ಯದಲ್ಲಿ ಕಾವೇರಿ ನದಿಗೆ ಅಡ್ಡಲಾಗಿ ಕಟ್ಟಲಾಗಿರುವ 'ಕೃಷ್ಣ ರಾಜ ಸಾಗರ' (KRS Dam) ಆಣೆಕಟ್ಟಿನಲ್ಲಿ ಇಂದು ಜೂನ್ 7ರಂದು ನೀರು ಸಂಗ್ರಹ ಹೆಚ್ಚಾಗಿದೆ. ಒಳಹರಿವು ಸಹ ಏರಿಕೆ ಆಗಿದೆ.

KRS ಡ್ಯಾಮ್ ಒಟ್ಟು ಸಾಮರ್ಥ್ಯ 49.452 ಟಿಎಂಸಿ

ಕೆ.ಆರ್‌ಎಸ್ ಜಲಾಶಯದ ಒಟ್ಟು ನೀರು ಸಂಗ್ರಹಣೆ ಸಾಮರ್ಥ್ಯ 49.452 ಟಿಎಂಸಿ. ಇನ್ನೂ ಜಲಾಶಯ ಪೂರ್ಣ ಭರ್ತಿಯಾಗಲು (FRL) 124.80 ಅಡಿ ಬೇಕಿದೆ. ಅದರಲ್ಲಿ ಇಂದಿಗೆ ಪ್ರಸೆಂಟ್ ಸಂಗ್ರಹಣಾ ಮಟ್ಟ (PSL) 84.80 ಅಡಿಯಷ್ಟು ಆಗಿದೆ. ಮಂಡ್ಯ ಜಿಲ್ಲೆ ವ್ಯಾಪ್ತಿಯಲ್ಲಿ ಕೆಲವು ದಿನಗಳಿಂದ ಸಾಧಾರಣದಿಂದ ಭಾರೀ ಮಳೆ ಆಗಿದೆ. ಮುಂದಿನ ಇನ್ನೋ ಒಂದು ವಾರ ಮಳೆ ಆಗಲಿದ್ದು, ಇನ್ನಷ್ಟು ಒಳ ಹರಿವು, ನೀರಿನ ಸಂಗ್ರಹಣೆ ಹೆಚ್ಚಾಗಲಿದೆ.

KRS ಜಲಾಶಯದ ಇಂದಿನ ಒಳ-ಹೊರ ಹರಿವು

ಇಂದು ಶುಕ್ರವಾರ ಕೆಆರ್‌ಎಸ್ ಜಲಾಶಯದ ಒಳಹರಿವು 1823 ಕ್ಯೂಸೆಕ್ ಹಾಗೂ ಜಲಾಶಯದಿಂದ ನದಿಗೆ 502 ಕ್ಯೂಸೆಕ್ ನೀರು ಹರಿಸಲಾಗುತ್ತದೆ. ಇನ್ನೂ ಆಣೆಕಟ್ಟಿನಿಂದ ಕಾಲುವೆಗಳಿಗೆ 50 ಕ್ಯೂಸೆಕ್ ನೀರು ಬಿಡಲಾಗುತ್ತಿದೆ. ಇದೆಲ್ಲ ಜಲ ಮೂಗಳಿಗೆ ಆಣೆಕಟ್ಟಿನಿಂದ ಒಟ್ಟು 552 ಕ್ಯೂಸೆಕ್ಸ್ ನೀರು ಹೊರ ಹರಿವಿನ ಮೂಲಕ ಬಿಡಲಾಗುತ್ತದೆ.

ಕೆಆರ್‌ಎಸ್ ಜಲಾಶಯದಲ್ಲಿ ಇಂದು ಶೇಕಡಾ 26.42 ರಷ್ಟು ಸಂಗ್ರಹಣೆ ಆಗಿದೆ. ಮುಂದಿನ ದಿನಗಳಲ್ಲಿ ಕಾವೇರಿ ಕೊಳ್ಳದಲ್ಲಿ ಮತ್ತಷ್ಟು ಮಳೆ ಆಗುವ ಸಾಧ್ಯತೆಗಳು ಇವೆ. ಕೆವಲ ಕೆಆರ್‌ಎಸ್ ಮಾತ್ರವಲ್ಲದೇ, ಕಬಿನಿ, ಹಾರಂಗಿ, ಭದ್ರಾ ಆಣೆಕಟ್ಟುಗಳಲ್ಲಿ ಸಹ ನೀರಿನ ಒಳಹರಿವು ಹೆಚ್ಚಾಗಿದೆ. ರಾಜ್ಯದ ಪ್ರಮುಖ ಆಣೆಕಟ್ಟುಗಳಲ್ಲಿ ನೀರಿನ ಸಂಗ್ರಹಣೆ ಹೆಚ್ಚಾಗಿದೆ.

#KRS Dam - Mandya
7th June 2024 , 8 AM

FRL - 124.80 ft
PRL - 84.80 ft
Storage - 13.067 / 49.452 TMC
Inflow - 1823 cusecs
Outflow - River : 502 cusecs
Canal : 50 cusecs
Total Outflow - 552 cusecs
Storage - 26.42%

— ರವಿ ಕೀರ್ತಿ ಗೌಡ (@ravikeerthi22) June 7, 2024

ಭಾರೀ ಮಳೆ ಮುನ್ಸೂಚನೆ

ರಾಜ್ಯದಲ್ಲಿ ಮುಂಗಾರು ಮಳೆ ಸಕ್ರಿಯವಾಗಿದೆ. ಮುಂದಿನ ಇನ್ನೂ ಕೆಲವು ದಿನಗಳ ಕಾಲ ಭಾರೀ ಮಳೆ ಆಗಲಿದೆ ಎಂದು ಐಎಂಡಿ ತಿಳಿಸಿದೆ. ರಾಜ್ಯದಲ್ಲಿ ಭಾರೀ ಮಳೆಗೆ ನೆನ್ನೆ 2 ಸಾವಾಗಿದೆ. ಉತ್ತರ ಕರ್ನಾಟಕದಲ್ಲೂ ಭಾರೀ ಮಳೆ ಮುನ್ಸೂಚನೆ ಇದೆ. ಹೀಗಾಗಿ, ಕೃಷ್ಣೆ, ವರದಾ, ತುಂಗಭದ್ರಾ ಸೇರಿದಂತೆ ಇನ್ನಿತರ ನದಿಗಳ ಸಂಗ್ರಹದಲ್ಲಿ ಹೆಚ್ಚಾಗುವ ಸಾಧ್ಯತೆ ಇದೆ.

English summary

KRS Dam Water Level today update news kannada: Kaveri river inflow and outflow water level, KRS Total Capacity, KRS reservoir level