• search
  • Live TV
ಮುಂಬೈ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಮೋದಿ ಸೋಲಿಸಲು ಶಿವಸೇನೆಯ ಹೊಸ ಆಯುಧ- ಹಿಂದುತ್ವ, ಅಯೋಧ್ಯೆ!

|

ಮುಂಬೈ, ಜುಲೈ 26: ಶಿವಸೇನೆ ಮುಖ್ಯಸ್ಥ ಉದ್ಧವ್ ಠಾಕ್ರೆ ವಾರಾಣಾಸಿ ಮತ್ತು ಅಯೋಧ್ಯಗೆ ಭೇಟಿ ನೀಡುತ್ತಿದ್ದಾರೆ ಎಂಬ ಸುದ್ದಿ ಬಿಜೆಪಿ ವಲಯದಲ್ಲಿ ಕೊಂಚ ತಲ್ಲಣ ಎಬ್ಬಿಸಿದೆ. 'ಹಿಂದುತ್ವ'ದ ದಾಳವನ್ನು ಸಮರ್ಥವಾಗಿ ಬಳಸಿಕೊಳ್ಳುವ ಮೂಲಕ 2019 ರ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯನ್ನು ಮಣಿಸುವ ಯತ್ನದ ಮಹತ್ವದ ಭಾಗ ಈ ಭೇಟಿ ಎಂದು ವಿಶ್ಲೇಷಿಸಲಾಗುತ್ತಿದೆ.

2014 ರಲ್ಲಿ ಬಿಜೆಪಿ ನೇತೃತ್ವದ ಎನ್ ಡಿಎ ಮೈತ್ರಿಕೂಟ ಅಧಿಕಾರಕ್ಕೆ ಬಂದಾಗಿನಿಂದಲೂ, ಮೈತ್ರಿಪಕ್ಷವಾಗಿದ್ದ ಶಿವಸೇನೆ ಮೋದಿ ವಿರುದ್ಧ ಕತ್ತಿಮಸೆಯುತ್ತಲೇ ಇದೆ.

ಬಿಜೆಪಿ, ನರೇಂದ್ರ ಮೋದಿ ವಿರುದ್ಧ ಮುನಿಸಿಕೊಂಡ ಶಿವಸೇನೆ?

ಎನ್ ಡಿಎ ಮೈತ್ರಿಕೂಟ ಅಧಿಕಾರಕ್ಕೆ ಬಂದ ಮೇಲೆ ಶಿವ ಸೇನೆಯ ಸಂಸದರಿಗೆ ಉನ್ನತ ಹುದ್ದೆಗಳು ಸಿಗಬಹುದು ಎಂಬ ನಿರೀಕ್ಷೆಗೆ ಮೋದಿ ಸೊಪ್ಪು ಹಾಕಿಲ್ಲ ಎಂಬುದು ಸಹ ಹೀಗೆ ಕತ್ತಿಮಸೆಯುವುದಕ್ಕಿರುವ ಮುಖ್ಯ ಕಾರಣ.

ವಾರಣಾಸಿಯ ಮೇಲೆ ಕಣ್ಣೇಕೆ?

ವಾರಣಾಸಿಯ ಮೇಲೆ ಕಣ್ಣೇಕೆ?

ಹೇಳಿ ಕೇಳಿ ವಾರಣಾಸಿ ಪ್ರಧಾನಿ ಮೋದಿಯವರ ಕ್ಷೇತ್ರ. ಉತ್ತರ ಪ್ರದೇಶದ ವಾರಣಾಸಿಯಲ್ಲಿ ಪ್ರಧಾನಿ ಮೋದಿಯವರನ್ನು ಸೋಲಿಸುವುದಕ್ಕೆ ಏನೆಲ್ಲ ಪ್ರಯತ್ನ ಮಾಡಬೇಕೋ ಅವೆಲ್ಲವನ್ನೂ ಮಾಡಲು ಶಿವಸೇನೆ ಸಿದ್ಧವಾಗಿದೆ. ಈ ಭಾಗದ ಹಿಂದು ಮತಗಳನ್ನು ಸೆಳೆಯುವುದಕ್ಕೆ ಬಿಜೆಪಿ ಹೊರತುಪಡಿಸಿದ ಸಾಮರ್ಥ್ಯವಿರುವುದು ಶಿವಸೇನೆಗೆ ಮಾತ್ರ. 'ಒಂದು ದೇಶ, ಒಂದು ಚುನಾವಣೆ' ಎಂಬ ಮಂತ್ರವನ್ನು ಮೋದಿ ಪಠಿಸಿರುವುದರಿಂದ ಲೋಕಸಭಾ ಚುನಾವಣೆ ಅವಧಿಗೂ ಮುನ್ನವೇ ಆಗಬಹುದೆಂದು ಅಂದಾಜಿಸಿ, ಶಿವಸೇನೆ ಈಗಿನಿಂದಲೇ ತಯಾರಿ ಆರಂಭಿಸಿದೆ.

ಅಯೋಧ್ಯಯಲ್ಲಿ ರಾಮಮಂದಿರ

ಅಯೋಧ್ಯಯಲ್ಲಿ ರಾಮಮಂದಿರ

2014 ರ ಚುನಾವಣೆಗೂ ಮುನ್ನ, 'ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣ ಮಾಡುವುದು ನಮ್ಮ ಮೊದಲ ಆದ್ಯತೆ ಎಂದು ನರೇಂದ್ರ ಮೋದಿ ಸೇರಿದಂತೆ ಬಿಜೆಪಿ ನಾಯಕರು ಹೇಳಿದ್ದರು. ಆದರೆ ಸರ್ಕಾರ ರಚನೆಯಾಗಿ ನಾಲ್ಕು ವರ್ಷವಾದರೂ ರಾಮ ಮಂದಿರ ನಿರ್ಮಾಣದ ಬಗ್ಗೆ ಮೋದಿ ಸರ್ಕಾರ ಚಿಂತಿಸಿದಂತಿಲ್ಲ ಎಂದು ಶಿವಸೇನೆ ದೂರಿದೆ. ಈ ಮೂಲಕ ಹಿಂದುಗಳ ಧಾರ್ಮಿಕ ಭಾವನೆಗೆ ಮೋದಿ ಸರ್ಕಾರ ಹತಾಶೆಯನ್ನುಂಟು ಮಾಡಿದೆ ಎಂಬ ಅಭಿಪ್ರಾಯವನ್ನು ಸೃಷ್ಟಿಸುವುದು ಶಿವಸೇನೆಯ ಉದ್ದೇಶವಾದಂತಿದೆ.

ಬಿಜೆಪಿಯ ಸೋಲಿಸುವ ಏಕೈಕ ಉದ್ದೇಶದಿಂದ ಎಲ್ಲ ರಾಜಿಗೂ ಸಿದ್ಧವಾಯ್ತೇ ಕಾಂಗ್ರೆಸ್?

ವಿಶ್ವಾಸ ಮಂಡನೆಗೆ ನಾಪತ್ತೆಯಾದ ಶಿವಸೇನೆ!

ವಿಶ್ವಾಸ ಮಂಡನೆಗೆ ನಾಪತ್ತೆಯಾದ ಶಿವಸೇನೆ!

ಇತ್ತೀಚೆಗಷ್ಟೇ ಪ್ರಧಾನಿ ಮೋದಿ ಸರ್ಕಾರದ ವಿರುದ್ಧ ಕಾಂಗ್ರೆಸ್ ನೇತೃತ್ವದ ವಿರೋಧಪಕ್ಷಗಳು ಅವಿಶ್ವಾಸ ಮಂಡನೆ ಮಾಡುವ ಸಂದರ್ಭದಲ್ಲಿ ಶಿವ ಸೇನೆ ಲೋಕಸಭೆಗೇ ಬಾರದೆ ಜಾಣ ನಡೆ ಇಟ್ಟಿತ್ತು. ಇದಕ್ಕೂ ಮುನ್ನ ಉದ್ಧವ್ ಠಾಕ್ರೆ ಅವರನ್ನು ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಭೇಟಿ ಮಾಡಿದ್ದಾಗ, ಬಿಜೆಪಿಗೆ ಬೆಂಬಲ ನೀಡುವುದಾಗಿ ಒಪ್ಪಿಕೊಂಡಿದ್ದ ಶಿವಸೇನೆ, ಕೊನೆಯ ಕ್ಷಣದಲ್ಲಿ ಕೈಕೊಟ್ಟಿದ್ದು ಕುತೂಹಲ ಕೆರಳಿಸಿತ್ತು! 18 ಸಂಸದರನ್ನು ಹೊಂದಿರುವ ಶಿವಸೇನೆ ಈ ಮೂಲಕ ಬಿಜೆಪಿ ವಿರುದ್ಧ ಸಮರ ಸಾರುವ ಲಕ್ಷಣಗಳು ಅಂದೇ ಗೋಚರಿಸಿದ್ದವು.

ಕತ್ತಿ ಮಸೆಯುವುದಕ್ಕಿರುವ ವಿಷಯಗಳು

ಕತ್ತಿ ಮಸೆಯುವುದಕ್ಕಿರುವ ವಿಷಯಗಳು

ಕೇಂದ್ರದ ವಿರುದ್ಧ ಕತ್ತಿ ಮಸೆಯಲು ಶಿವಸೇನೆಗೆ ಸಾಕಷ್ಟು ವಿಷಯಗಳಿವೆ. ಮಹಾರಾಷ್ಟ್ರದಲ್ಲಿ ಎದ್ದಿರುವ ಮರಾಠಾ ಪ್ರತಿಭಟನೆ, ಅವಿಶ್ವಾಸ ನಿರ್ಣಯ, ಮಹಿಳಾ ಭದ್ರತೆ, ಗೋಹತ್ಯೆ ಆರೋಪದಲ್ಲಿ ಹತ್ಯೆ ಸೇರಿದಂತೆ ಹಲವು ವಿಷಯಗಳನ್ನಿಟ್ಟುಕೊಂಡು ಕೇಂದ್ರ ಸರ್ಕಾರದ ವಿರುದ್ಧ ಪ್ರಚಾರ ನಡೆಸಲು ಶಿವಸೇನೆ ಮುಂದಾಗಿದೆ. ಶಿವಸೇನೆ ಮತ್ತು ಬಿಜೆಪಿ ಎರಡು ಪಕ್ಷಗಳೂ ಹಿಂದುತ್ವದ ಅಜೆಂಡಾವನ್ನೇ ಇಟ್ಟುಕೊಂಡಿದ್ದರೂ, ಹೀಗೆ ಪರಸ್ಪರ ಮುನಿಸಿಕೊಂಡಿರುವುದು ಹಿಂದುತ್ವದ ಬೆಂಬಲಿಗರಿಗೂ ಗೊಂದಲವನ್ನುಂಟು ಮಾಡಿದೆ.

ಮುಂಬೈ ಉತ್ತರ ಮಧ್ಯ ರಣಕಣ
ವರ್ಷ
ಅಭ್ಯರ್ಥಿಯ ಹೆಸರು ಪಕ್ಷ ಹಂತ ವೋಟ್ ವೋಟ್ ದರ ಅಂತರ
2019
ಪೂನಂ ಮಹಾಜನ್ ಬಿ ಜೆ ಪಿ ಗೆದ್ದವರು 4,86,672 54% 1,30,005
ಪ್ರಿಯಾ ದತ್ ಐ ಎನ್ ಸಿ ರನ್ನರ್ ಅಪ್ 3,56,667 40% 1,30,005
2014
ಪೂನಮ ಮಹಾಜನ ಅಲಿಯಾಸ ಪೂನಮ ವಾಜೆಂದ್ಲಾ ರಾವ ಬಿ ಜೆ ಪಿ ಗೆದ್ದವರು 4,78,535 57% 1,86,771
ದತ್ತ ಪ್ರಿಯಾ ಸುನೀಲ ಐ ಎನ್ ಸಿ ರನ್ನರ್ ಅಪ್ 2,91,764 35% 0
2009
ದತ್ತ ಪ್ರಿಯಾ ಸುನೀಲ ಐ ಎನ್ ಸಿ ಗೆದ್ದವರು 3,19,352 48% 1,74,555
Mahesh Ram Jethmalani ಬಿ ಜೆ ಪಿ ರನ್ನರ್ ಅಪ್ 1,44,797 22% 0
2004
ಏಕನಾಥ ಎಂ. ಗಾಯಕವಾಡ ಐ ಎನ್ ಸಿ ಗೆದ್ದವರು 2,56,282 50% 13,329
ಮನೋಹರ ಗಜಾನನ ಜೋಶಿ ಎಸ್ ಎಚ್ ಎಸ್ ರನ್ನರ್ ಅಪ್ 2,42,953 47% 0
1999
ಮನೋಹರ ಗಜಾನನ ಜೋಶಿ ಎಸ್ ಎಚ್ ಎಸ್ ಗೆದ್ದವರು 2,94,935 56% 1,68,995
ರಾಜಾ ಢಾಲೆ ಬಿ ಬಿ ಎಂ ರನ್ನರ್ ಅಪ್ 1,25,940 24% 0
1998
ರಾಮದಾಸ ಅಠವಲೆ ಆರ್ ಪಿ ಐ ಗೆದ್ದವರು 2,82,373 50% 25,232
ನಾರಾಯಣ ಅಠವಲೆ ಎಸ್ ಎಚ್ ಎಸ್ ರನ್ನರ್ ಅಪ್ 2,57,141 46% 0
1996
ನಾರಾಯಣ ಗಜಾನನ ಅಠವಲೆ ಎಸ್ ಎಚ್ ಎಸ್ ಗೆದ್ದವರು 2,42,536 48% 89,199
ಶರದ ಶಂಕರ ದಿಘೆ ಐ ಎನ್ ಸಿ ರನ್ನರ್ ಅಪ್ 1,53,337 30% 0

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Lok sabha elections 2019: Shiv Sena chief Uddhav Thackeray will soon visit Varanasi and Ayodhya in Uttar Pradesh. He is planning to campaign against NDA government and PM Modi through Hindutva ideology.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more