ಮಕ್ಕಳೇ, 'ಡಿಂಕಿ ಐಸ್‌ಕ್ರೀಂ' ತಿನ್ನಿರಿ, ಬಹುಮಾನ ಗೆಲ್ಲಿರಿ

ಮಂಗಳೂರು,ಡಿಸೆಂಬರ್, 22: ಮಕ್ಕಳೇ ಐಸ್ ಕ್ರೀಂ ಬೇಕಾ? ಐಸ್ ಕ್ರೀಂ ಜೊತೆಗೆ ಪ್ರಶಸ್ತಿಯೂ ಬೇಕಾ? ಹಾಗಾದರೆ ಮಂಗಳೂರಲ್ಲಿ ನಡೆಯುವ ಐಸ್ ಕ್ರೀಂ ಸ್ಪರ್ಧೆಯಲ್ಲಿ ಭಾಗವಹಿಸಿ. ಸ್ವಾದಿಷ್ಟಕರವಾದ, ತಣ್ಣನೆಯ, ರುಚಿರುಚಿಯಾದ ಐಸ್ ಕ್ರೀಂ ತಿನ್ನಿ, ಬಹುಮಾನ ಗೆಲ್ಲಿ.

'ಪಿಲಿಕುಳ ಹಬ್ಬ'ದ ಪ್ರಯುಕ್ತ ನಿಸರ್ಗ ಫೌಂಡೇಶನ್‌ನ ಸಹಯೋಗದಲ್ಲಿ ಮಕ್ಕಳಿಗಾಗಿ 'ಡಿಂಕಿ ಐಸ್‌ಕ್ರೀಂ' ತಿನ್ನುವ ಸ್ಪರ್ಧೆಯನ್ನು ,ಡಿ.27 ರ ಭಾನುವಾರದಂದು ಮಂಗಳೂರಿನ ಪಿಲಿಕುಳದ ಅರ್ಬನ್ ಹಾಥ್ ನಲ್ಲಿ ನಡೆಸಲಾತ್ತಿದೆ. ಆಸಕ್ತ ಮಕ್ಕಳು ಈ ಐಸ್ ಕ್ರೀಂ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು ಎಂದು ಡಾ. ಶಿವರಾಮ ಕಾರಂತ ಪಿಲಿಕುಳ ನಿಸರ್ಗಧಾಮ ಕಾರ್ಯನಿರ್ವಾಹಕ, ನಿರ್ದೇಶಕರಾದ ಪ್ರಭಾಕರ್ ಶರ್ಮಾ ಹೇಳಿದರು.[ಪಿಲಿಕುಳದಲ್ಲಿ ನೂತನ ಮತ್ಸ್ಯಾಲಯ ಆರಂಭ]

ಐಸ್ ಕ್ರೀಂ ಸ್ಪರ್ಧೆಯ ನಿಯಮಗಳು:

* ಸಾಯಂಕಾಲ 4.30 ಕ್ಕೆ ಸರಿಯಾಗಿ ಪಿಲಿಕುಳ ಅರ್ಬನ್ ಹಾಥ್ ನಲ್ಲಿ ಐಸ್ ಕ್ರೀಂ ಸ್ಪರ್ಧೆ ನಡೆಯಲಿದೆ.

* ಈ ಸ್ಪರ್ಧೆಗೆ ವಿಶೇಷವಾಗಿ ಲೈಟ್ ಹೌಸ್ ಐಸ್‌ಕ್ರೀಂನ್ನು ತರಿಸಲಾಗುತ್ತಿದೆ.

* 5 ರಿಂದ 12 ವರ್ಷದ ಒಳಗಿನ ಮಕ್ಕಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು.[ಪಿಲಿಕುಳ ನಿಸರ್ಗ ಧಾಮದಲ್ಲಿ ಆಯುಷ್ ಹಬ್ಬ ಸಂಭ್ರಮ]

* ಸ್ಪರ್ಧೆಗೆ ಬರುವ ಮಕ್ಕಳು ಜನ್ಮ ದಿನಾಂಕದ ದಾಖಲೆ ಹಾಗೂ ಫೋಟೋ ಸಹಿತ ಗುರುತಿನ ಚೀಟಿ ತರಬೇಕು.

* ಭಾಗವಹಿಸಲು ಇಚ್ಚಿಸುವವರು ದಿನಾಂಕ 26.12.2015 ರ ಸಂಜೆ 3.೦೦ರ ಒಳಗಾಗಿ [email protected] ಅಥವಾ 0824-4289414 ಮೂಲಕ ದಾಖಲಾತಿ ಮಾಡಿಕೊಳ್ಳಬಹುದು.

* ಕೊನೆಪಕ್ಷ ಆಗದಿದ್ದಲ್ಲಿ ದಿನಾಂಕ 27.12.2015 ರ ಸಂಜೆ 4.00ರ ಒಳಗಾಗಿ ಸ್ಥಳದಲ್ಲೇ ದಾಖಲಾತಿ ಮಾಡಿಕೊಳ್ಳಬಹುದು

English summary

Nisarga foundation organize Icecream competation for children in Pilikola Mangaluru, on Sunday, December 27th. Its have opportunity to only 5 to 12 years children