ಮಂಗಳೂರು: ಸಾರ್ವಜನಿಕವಾಗಿ ಗಾಂಜಾ ಸೇವನೆ, 7 ಮಂದಿ ಬಂಧನ

ಮಂಗಳೂರು, ಅಕ್ಟೋಬರ್ 30: ಸಾರ್ವಜನಿಕ ಸ್ಥಳಗಳಲ್ಲಿ ಗಾಂಜಾ ಸೇವನೆ ಮಾಡುತ್ತಿದ್ದ 3 ಪ್ರತ್ಯೇಕ ಪ್ರಕರಣಗಳಲ್ಲಿ 7 ಮಂದಿ ಯುವಕರನ್ನು ಮಂಗಳೂರು ರೌಡಿ ನಿಗ್ರಹ ದಳದ ಪೊಲೀಸರು ಭಾನುವಾರ ಸಂಜೆ ಬಂಧಿಸಿದ್ದಾರೆ .

ಬಂಧಿತರನ್ನು ವೆಲೆನ್ಸಿಯಾ ನಿವಾಸಿ ಮಹಮ್ಮದ್ ರಮ್ಲಾನ್ (22),ಮಾರ್ನಮಿಕಟ್ಟೆಯ ಅಂಕಿತ್ ಶೆಟ್ಟಿ (25), ಜೆಪ್ಪು ನಿವಾಸಿ ಗಣೇಶ್ ಪೂಜಾರಿ (24), ಕೊಟ್ಟಾರ ಚೌಕಿ ನಿವಾಸಿಗಳಾದ ಪ್ರವೀಣ್(25) ರಂಜಿತ್ ದೇವಾಡಿಗ (21),ಕದ್ರಿ ಮೂಲದ ಶುಭಂ (23) ಹಾಗೂ ಶಾನ್ ರೋಡ್ರಿಗಸ್(19) ಎಂದು ಗುರುತಿಸಲಾಗಿದೆ .

ಕೋಡಿಕಲ್ ಮೈದಾನ, ಮಾರ್ನಮಿಕಟ್ಟೆ ಬಳಿ ಯುವಕರು ಗಾಂಜಾ ಸೇದುತ್ತಿರುವ ಕುರಿತು ಖಚಿತ ಮಾಹಿತಿ ಪೊಲೀಸರಿಗೆ ಬಂದಿದೆ .ಈ ಹಿನ್ನೆಲೆಯಲ್ಲಿ ದಾಳಿ ನಡೆಸಿದ ಮಂಗಳೂರು ರೌಡಿ ನಿಗ್ರಹ ದಳದ ಪೊಲೀಸರು ಈ 7 ಮಂದಿ ಯುವಕರನ್ನು ಬಂಧಿಸಿದ್ದಾರೆ.

English summary

The Anti rowdy Squad of Mangaluru arrested 7 youth from Kottara Chowki, Kuntikan and Kodikal while they were consuming Ganja here on October 29.