ಪಣಂಬೂರು ಬೀಚ್ನಲ್ಲಿ ಮುಸ್ಲಿಂ ಯುವಕನೊಂದಿಗೆ ಮಾತನಾಡಿದ್ದಕ್ಕೆ ಅನೈತಿಕ ಪೊಲೀಸ್ಗಿರಿ; ನಾಲ್ವರ ಬಂಧನ
ಮಂಗಳೂರು, ಫೆಬ್ರವರಿ 07: ಮಂಗಳೂರಿನಲ್ಲಿ ಅನೈತಿಕ ಪೊಲೀಸ್ಗಿರಿ ಎಂಬುದು ನಡೆಯುತ್ತಲೆ ಇದೆ. ಅನ್ಯ ಕೋಮಿನ ವ್ಯಕ್ತಿಯೊಂದಿಗೆ ಹಿಂದೂ ಯುವತಿಯರು, ಮಹಿಳೆಯರು ಮಾತನಾಡಿದರೂ ಸಾಕು ಕಾದು ಕುಳಿತವರಂತೆ ಮುಗಿ ಬೀಳುತ್ತಾರೆ. ಇಂತಹದ್ದೇ ಘಟನೆ ನಗರದ ಪಣಂಬೂರು ಬೀಚ್ನಲ್ಲಿ ನಡೆದಿದೆ.
ಮುಸ್ಲಿಂ ಯುವಕನೊಂದಿಗೆ ಹಿಂದೂ ಯುವತಿ ಮಾತನಾಡಿದ್ದಕ್ಕಾಗಿ ಅನೈತಿಕ ಪೊಲೀಸ್ಗಿರಿ ನಡೆಸಲಾಗಿದೆ. ಹೀಗಾಗಿ ಘಟನೆಗೆ ಸಂಬಂಧಿಸಿದಂತೆ ನಾಲ್ವರನ್ನು ಮಂಗಳೂರು ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗಳನ್ನು ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ಮತ್ತು ಬೆಳ್ತಂಗಡಿ ತಾಲೂಕಿನ ಪ್ರಶಾಂತ್ ಭಂಡಾರಿ (38), ಉಮೇಶ್ ಪಿ (23), ಸುಧೀರ್ (26) ಮತ್ತು ಕೀರ್ತನ್ ಪೂಜಾರಿ (20) ಎಂದು ಗುರುತಿಸಲಾಗಿದೆ.
ಎನ್ವಿರಾನ್ಮೆಂಟಲ್ ಮ್ಯಾನೇಜ್ಮೆಂಟ್ ಮತ್ತು ಪಾಲಿಸಿ ರಿಸರ್ಚ್ ಇನ್ಸ್ಟಿಟ್ಯೂಟ್ನಲ್ಲಿ ಸಂಶೋಧನಾ ಸಹವರ್ತಿಯಾಗಿ ಕಾರ್ಯನಿರ್ವಹಿಸುತ್ತಿರುವ 28 ವರ್ಷದ ಯುವತಿ ನೀಡಿದ ದೂರಿನ ಆಧಾರದ ಮೇಲೆ ನಾಲ್ವರು ಆರೋಪಿಗಳನ್ನು ಬಂಧಿಸಲಾಗಿದೆ. ಭಾನುವಾರ ದಾಖಲಾದ ಎಫ್ಐಆರ್ ಪ್ರಕಾರ, ಅವರು ರಿಸರ್ಚ್ ಪ್ರಾಜೆಕ್ಟ್್ನಲ್ಲಿ ಕೆಲಸ ಮಾಡಲು ಉಡುಪಿ ಜಿಲ್ಲೆಯ ಮಲ್ಪೆಗೆ ತೆರಳಿದ್ದರು.
ಮಾರ್ಗಮಧ್ಯೆ ಮಂಗಳೂರಿನಲ್ಲಿ ಇತ್ತೀಚೆಗಷ್ಟೇ ಸಾಹಿತ್ಯ ಪ್ರಶಸ್ತಿ ಪಡೆದ ಸ್ನೇಹಿತನನ್ನು ಅಭಿನಂದಿಸಲು ಇಳಿದಿದ್ದರು ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಸಂಜೆ 4.50ರ ಸುಮಾರಿಗೆ ಪಣಂಬೂರು ಕಡಲತೀರದಲ್ಲಿ ಸ್ಥಳೀಯರ ಗುಂಪೊಂದು ಇಬ್ಬರನ್ನು ಅಡ್ಡಗಟ್ಟಿ ಬೆದರಿಕೆ ಹಾಕಲು ಪ್ರಾರಂಭಿಸಿತು. ಮಂಗಳೂರಿನಲ್ಲಿ ಹಿಂದೂ ಮಹಿಳೆಯೊಬ್ಬರು ಮುಸಲ್ಮಾನರ ಜತೆ ಮಾತನಾಡಿದ್ದು ತಪ್ಪು, ಅದನ್ನು ಪ್ರಶ್ನಿಸುವ ಹಕ್ಕು ನಮಗಿದೆ ಎಂದು ಆರೋಪಿಗಳು ಹೇಳಿದ್ದಾರೆ.
ಘಟನೆ ನಂತರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ನಾಲ್ವರು ಯುವಕರನ್ನು ವಶಕ್ಕೆ ಪಡೆದಿದ್ದಾರೆ. ಕಾನೂನುಬಾಹಿರ ಸಭೆ, ಅಕ್ರಮ ಸಂಯಮ ಮತ್ತು ಉದ್ದೇಶಪೂರ್ವಕ ಅವಮಾನಕ್ಕೆ ಸಂಬಂಧಿಸಿದ ಭಾರತೀಯ ದಂಡ ಸಂಹಿತೆಯ ವಿವಿಧ ಸೆಕ್ಷನ್ಗಳ ಅಡಿಯಲ್ಲಿ ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಅನೈತಿಕ ಪೊಲೀಸ್ಗಿರಿ ತಡೆಯಲು ಹೆಚ್ಚು ಸಿಬ್ಬಂದಿ
ಇನ್ನು, ಇಂತಹ ಅನೈತಿಕ ಪೊಲೀಸ್ಗಿರಿಯ ಘಟನೆಗಳನ್ನು ತಡೆಗಟ್ಟಲು ಪಣಂಬೂರು ಬೀಚ್, ತಣ್ಣೀರಭಾವಿ ಬೀಚ್ ಮತ್ತು ಟ್ರೀ ಪಾರ್ಕ್ನಂತಹ ಪ್ರವಾಸಿ ಪ್ರದೇಶಗಳಲ್ಲಿ ಹೆಚ್ಚುವರಿ ಸಿಬ್ಬಂದಿಯನ್ನು ನಿಯೋಜಿಸಲಾಗುವುದು ಎಂದು ನಗರ ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಮಂಗಳೂರಿನ ಪೊಲೀಸ್ ಕಮಿಷನರೇಟ್ ಕಳೆದ ವರ್ಷ ಕರ್ನಾಟಕದಲ್ಲಿ ಅನೈತಿಕ ಪೊಲೀಸ್ಗಿರಿಯನ್ನು ಎದುರಿಸಲು ಮತ್ತು ಕೋಮುಗಲಭೆಗೆ ಸಂಬಂಧಿಸಿದ ಪ್ರಕರಣಗಳನ್ನು ನಿರ್ವಹಿಸಲು 'ಕೋಮುವಾದಿ ವಿರೋಧಿ ವಿಭಾಗ'ವನ್ನು ಸ್ಥಾಪಿಸಿದೆ. ಕರಾವಳಿ ನಗರ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಿಂದ ಅನೈತಿಕ ಪೋಲೀಸಿಂಗ್ ಪ್ರಕರಣಗಳು ನಿಯಮಿತವಾಗಿ ವರದಿಯಾಗುತ್ತಿವೆ.
ಜುಲೈ 27, 2023 ರಂದು, ಇಬ್ಬರು ವ್ಯಕ್ತಿಗಳು ದಕ್ಷಿಣ ಕನ್ನಡದ ಬಿ.ಸಿ.ರೋಡ್ ಟೌನ್ಶಿಪ್ನಲ್ಲಿ ಮನೆಗೆ ನಡೆದುಕೊಂಡು ಹೋಗುತ್ತಿದ್ದಾಗ ಪೊಲೀಸ್ ಪೇದೆಯೊಬ್ಬರ ಮೇಲೆ ಹಲ್ಲೆ ನಡೆಸಿ ಅವರ ಪತ್ನಿಯನ್ನು ನಿಂದಿಸಿದ್ದರು. ನಂತರ ಅವರನ್ನು ಬಂಧಿಸಲಾಯಿತು. ಕಾರಣ ದಾಳಿಕೋರರು ಕಾನ್ಸ್ಟೆಬಲ್ ಹನುಮಂತಪ್ಪ ಕುಮಾರ್ ಮುಸ್ಲಿಂ ಎಂದು ಭಾವಿಸಿದ್ದರು.
ತನ್ನ ಜೊತೆ ಇರುವ ಮಹಿಳೆ ತನ್ನ ಹೆಂಡತಿ ಎಂದು ಅವರಿಗೆ ಮನವರಿಕೆ ಮಾಡಲು ಕುಮಾರ್ ಪ್ರಯತ್ನಿಸಿದರೂ, ರಾತ್ರಿ 10 ಗಂಟೆ ಸುಮಾರಿಗೆ ಹಿಂದೂ ಮಹಿಳೆಯೊಂದಿಗೆ ಓಡಾಡುತ್ತಿರುವುದೇಕೆ ಎಂದು ಹಿಂಸೆ ಮಾಡಿದ್ದರು. ಇನ್ನು, ಜುಲೈ 29 ರಂದು, ರೆಸ್ಟೋರೆಂಟ್ನಿಂದ ಹೊರಬರುವಾಗ ಪತ್ರಕರ್ತ ಮತ್ತು ಅವರ ಮಹಿಳಾ ಸ್ನೇಹಿತೆಯನ್ನು ಅವಾಚ್ಯವಾಗಿ ನಿಂದಿಸಿದ ಮತ್ತೊಂದು ಪ್ರಕರಣ ವರದಿಯಾಗಿದೆ.
Click it and Unblock the Notifications
Sign in with Google