ಯುಪಿ ಭಯೋತ್ಪಾದಕರ ಸ್ವರ್ಗವಾಗಲು ಕಾಂಗ್ರೆಸ್ ಎಸ್‌ಪಿ ಕಾರಣ ಎಂದ ಅಮಿತ್ ಶಾ

ಲಕ್ನೋ, ಫೆಬ್ರವರಿ 22: ಉತ್ತರ ಪ್ರದೇಶದಲ್ಲಿ ಭಯೋತ್ಪಾದಕರನ್ನು ರಕ್ಷಿಸುವ ಮೂಲಕ ಕಾಂಗ್ರೆಸ್ ಮತ್ತು ಸಮಾಜವಾದಿ ಪಕ್ಷಗಳು ರಾಜ್ಯವನ್ನು ಭಯೋತ್ಪಾದಕರ ಸ್ವರ್ಗವನ್ನಾಗಿ ಮಾಡುತ್ತಿವೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಆರೋಪಿಸಿದ್ದಾರೆ.

ಸೀತಾಪುರ್ ಮತ್ತು ಬಾರಾಬಂಕಿಯಲ್ಲಿ ಚುನಾವಣಾ ಪ್ರಚಾರವನ್ನು ಉದ್ದೇಶಿಸಿ ಮಾತನಾಡಿದ ಅವರು, ರಾಜ್ಯವನ್ನು ಭಯೋತ್ಪಾದನೆ ಕೇಂದ್ರ ಬಿಂದುವಾಗಿ ಪರಿವರ್ತಿಸಲಾಗುತ್ತಿದೆ ಎಂದು ಆರೋಪಿಸಿದರು. ಭಯೋತ್ಪಾದಕರ ಹಾಟ್ ಸ್ಪಾಟ್ ಆಗುವುದರ ಜೊತೆಗೆ ಭಯೋತ್ಪಾದನೆ ಕಾರಿಡಾರ್ ಮಾಡಲು ಹೊರಟಿಸಿದ್ದಾರೆ ಎಂದು ದೂಷಿಸಿದರು.

2008ರ ಅಹ್ಮದಾಬಾದ್ ಸರಣಿ ಸ್ಫೋಟ ಪ್ರಕರಣದಲ್ಲಿ ಗುಜರಾತ್ ವಿಶೇಷ ನ್ಯಾಯಾಲಯವು 49 ಅಪರಾಧಿಗಳ ಪೈಕಿ 38 ಜನರಿಗೆ ಮರಣದಂಡನೆ ಶಿಕ್ಷೆ ವಿಧಿಸಿದ್ದು, ಉಳಿದ 11 ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆಯನ್ನು ವಿಧಿಸಿದೆ. ಈ ಕೋರ್ಟ್ ಆದೇಶದ ಬೆನ್ನಲ್ಲೇ ಸಮಾಜವಾದಿ ಪಕ್ಷದ ವಿರುದ್ಧ ಅಮಿತ್ ಶಾ ಆಕ್ರಮಣಕಾರಿಯಾಗಿ ಮಾತನಾಡಿದ್ದಾರೆ.

ಅಖಿಲೇಶ್ ಯಾದವ್ ವಿರುದ್ಧ ಅಮಿತ್ ಶಾ ವಾಗ್ದಾಳಿ:

ಅಹ್ಮದಾಬಾದ್ ಸರಣಿ ಸ್ಫೋಟದ ಅಪರಾಧಿಗಳಲ್ಲಿ ಒಬ್ಬರಾದ ಮೊಹಮ್ಮದ್ ಸೈಫ್ ತಂದೆ ಶಹಬಾದ್ ಅಹ್ಮದ್ ಜೊತೆಗೆ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ಕಾಣಿಸಿಕೊಂಡ ಫೋಟೋದ ಬಗ್ಗೆ ಅಮಿತ್ ಶಾ ಉಲ್ಲೇಖಿಸಿದರು. ಅಖಿಲೇಶ್ ಯಾದವ್ ರಾಜಕೀಯವು ಭಯೋತ್ಪಾದನೆ ಮತ್ತು ಗಲಭೆಕೋರರೊಂದಿಗೆ ಸಂಬಂಧಿಸಿದೆ ಎಂದು ಆರೋಪಿಸಿದರು. ಈ ಹಿಂದೆ ರಾಜ್ಯದಲ್ಲಿದ್ದ ಸಮಾಜವಾದಿ ಸರ್ಕಾರವುವಾರಣಾಸಿ ಸಂಕತ್ ಮೋಚನ್ ದೇವಸ್ಥಾನ, ಅಯೋಧ್ಯೆಯ ರಾಮಜನ್ಮ ಭೂಮಿ ಮತ್ತು ಲಕ್ನೋ ಕೋರ್ಟ್ ಮೇಲೆ ದಾಳಿ ನಡೆಸಿದ ಆರೋಪವನ್ನು ಎದುರಿಸುತ್ತಿದ್ದ ಖಾಲಿದ್ ಮುಜಾಹಿದ್, ಹಕಿಂಕ ತಾರಿಖ್ ಕಾಸ್ಮಿ ಮೇಲಿನ ಪ್ರಕರಣಗಳನ್ನು ವಜಾಗೊಳಿಸಿತು ಎಂದು ಅಮಿತ್ ಶಾ ಹೇಳಿದರು.

42 ಹಿರಿಯ ಪೊಲೀಸ್ ಅಧಿಕಾರಿ ವಿರುದ್ಧ ಕೇಸ್:

ಉತ್ತರ ಪ್ರದೇಶದಲ್ಲಿ ಈ ಹಿಂದೆ ಭಯೋತ್ಪಾದನೆ ಆರೋಪವನ್ನು ಎದುರಿಸುತ್ತಿದ್ದ ಮುಜಾಹಿದ್ ಹೃದಯಾಘಾತದಿಂದ ಮೃತಪಟ್ಟನು. ಆದರೆ ಅಂದಿನ ಸಮಾಜವಾದಿ ಪಕ್ಷದ ಸರ್ಕಾರವು ಮಾಜಿ ಡಿಸಿಪಿ ವಿಕ್ರಮ್ ಸಿಂಗ್ ಸೇರಿದಂತೆ 42 ಹಿರಿಯ ಪೊಲೀಸ್ ಅಧಿಕಾರಿಗಳ ವಿರುದ್ಧ ಕೇಸ್ ದಾಖಲಿಸಿತು.

ಉಗ್ರರನ್ನು ಗಲ್ಲಿಗೇರಿಸುವುದಕ್ಕಿಂತ ಉದ್ಯೋಗ ಬೇಕಿಲ್ಲ:

ದೇಶದಲ್ಲಿ ಭಯೋತ್ಪಾದನೆ ನಿಯಂತ್ರಿಸುವುದಕ್ಕೆ ಸಂಬಂಧಿಸಿದಂತೆ ಪ್ರಿಯಾಂಕಾ ಗಾಂಧಿ ವಿರುದ್ಧವೂ ಅಮಿತ್ ಶಾ ಕಿಡಿ ಕಾರಿದರು. ಅಹ್ಮದಾಬಾದ್ ಕೋರ್ಟ್ ತೀರ್ಪು ಉಲ್ಲೇಖಿಸಿದ ಅಮಿತ್ ಶಾ, ಉಗ್ರರನ್ನು ಗಲ್ಲಿಗೆ ಏರಿಸುವುದಕ್ಕಿಂತ ಬಿಜೆಪಿ ಬೆಂಬಲಿಗರಿಗೆ ಬೇರೆ ದೊಡ್ಡ ಉದ್ಯೋಗ ಇನ್ನೊಂದಿಲ್ಲ," ಎಂದರು.

English summary

UP Election: SP, Congress shielded terrorists and made state as terror haven, Amit Shah Allegation.