ಕೋಲಾರ ಜಿಲ್ಲಾಸ್ಪತ್ರೆಯಲ್ಲಿ ಛಾವಣಿ ಕುಸಿದು ಮೂರು ದಿನದ ಮಗುವಿಗೆ ಗಾಯ
ಕೋಲಾರ ಜಿಲ್ಲಾಸ್ಪತ್ರೆಯಲ್ಲಿ ಛಾವಣಿ ಕುಸಿದು ತಾಯಿ ಹಾಗೂ ಮಗುವಿಗೆ ಗಾಯವಾಗಿದೆ. ಇದರಿಂದ ಆಸ್ಪತ್ರೆಯಲ್ಲಿ ಕೆಲ ಕಾಲ ಆತಂಕ ಸೃಷ್ಟಿಯಾಗಿತ್ತು. ಗಾಯಾಳು ಮಗುವನ್ನು ಬೆಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ
ಕೋಲಾರ, ಮೇ 23: ಕೋಲಾರ ಜಿಲ್ಲಾಸ್ಪತ್ರೆಯ ಛಾವಣಿ ಕುಸಿದು ತಾಯಿ-ಮಗುವಿಗೆ ಗಾಯವಾಗಿದೆ. ಹೆರಿಗೆ ವಾರ್ಡ್ ನ ಒಂದು ಬದಿಯಲ್ಲಿ ಛಾವಣಿ ಕುಸಿದಿದೆ. ಆಗ ಮಂಚದಲ್ಲಿ ಮಲಗಿದ್ದ ನೇತ್ರಾ ಹಾಗೂ ಅವರ ಮೂರು ದಿನದ ಮಗುವಿಗೆ ಗಾಯವಾಗಿದೆ.
ನೇತ್ರ ಅವರ ಕಾಲಿಗೂ, ಮಗುವಿನ ತಲೆಗೂ ಪೆಟ್ಟಾಗಿದೆ. ಈ ವೇಳೆ ಹೆರಿಗೆ ವಾರ್ಡ್ ನಲ್ಲಿ ಮೂವತ್ತು ತಾಯಂದಿರು ಹಾಗೂ ಮಕ್ಕಳು ಇದ್ದರು. ಈ ಘಟನೆಯಿಂದ ಗಾಬರಿಗೊಂಡ ಎಲ್ಲರೂ ಹೊರಗೆ ಓಡಿ ಬಂದಿದ್ದಾರೆ. ಏಕಾಏಕಿ ಇಷ್ಟು ಮಂದಿ ಹೊರಗೆ ಓಡಿಬಂದಿದ್ದರಿಂದ ಆಸ್ಪತ್ರೆಯಲ್ಲಿದ್ದ ಇತರರು ಸಹ ಗಾಬರಿಯಾಗಿದ್ದಾರೆ.['ಮೊದಲು ರೋಗಿಗಳಿಗೆ ಟ್ರೀಟ್ ಮೆಂಟ್ ನಂತರವೇ ಪೇಮೆಂಟ್']
ಗಾಯವಾದ ಮಗುವಿಗೆ ಪ್ರಥಮ ಚಿಕಿತ್ಸೆ ಕೊಟ್ಟು, ಆ ನಂತರ ಬೆಂಗಳೂರಿನ ಆಸ್ಪತ್ರೆಗೆ ಕಳುಹಿಸಲಾಗಿದೆ. ಗಾಯಗೊಂಡ ನೇತ್ರಾ ಅವರು ಬಂಗಾರಪೇಟೆ ತಾಲೂಕಿನ ತೊಪ್ಪನಹಳ್ಳಿ ಗ್ರಾಮದವರು ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ. ಮಗವಿನ ತಲೆ ಊದಿಕೊಂಡಿದೆ. ನಗರ ಪೊಲೀಸ್ ಠಾಣೆಯಲಿ ದೂರನ್ನು ದಾಖಲಿಸಲಾಗಿದೆ.
Click it and Unblock the Notifications
Sign in with Google