Railway Good News: ನವೆಂಬರ್‌ನಲ್ಲಿ ಬೆಂಗಳೂರಿನಿಂದ ಇಲ್ಲಿಗೆ ವಿಶೇಷ ರೈಲುಗಳ ಸಂಚಾರ, ವೇಳಾಪಟ್ಟಿ

Updated: Tuesday, November 11, 2025, 15:28 [IST]

ಬೆಂಗಳೂರು, ನವೆಂಬರ್ 10: ವಿವಿಧ ಹಬ್ಬಗಳ ಪ್ರಯುಕ್ತ ಪ್ರಯಾಣಿಕರ ಸೌಕರ್ಯಕ್ಕಾಗಿ ನೈಋತ್ಯ ರೈಲ್ವೆಯು (SWR) ಎರಡು ತಾತ್ಕಾಲಿಕ ವಿಶೇಷ ರೈಲು ಸೇವೆಗಳನ್ನು ಘೋಷಿಸಿದೆ. ಈ ರೈಲುಗಳು ಮೂಜಫರ್‌ಪುರ ಮತ್ತು ಬೆಂಗಳೂರಿನ ಎನ್‌ಎಸ್‌ಎಂಟಿ ನಿಲ್ದಾಣಗಳ ನಡುವೆ ಸಂಚರಿಸಲಿವೆ. ಪ್ರಯಾಣಿಕರ ದಟ್ಟಣೆ ಕಡಿಮೆ ಮಾಡಲಿದ್ದು, ಈ ಭಾಗದ ಪ್ರಯಾಣಿಕರಿಗೆ ಉತ್ತಮ ಸಾರಿಗೆ ಒದಗಿಸಲಿದೆ. ಯಾವಾಗಿನಿಂದ ಈ ರೈಲು ಸೇವೆ ಲಭ್ಯವಾಗಲಿದೆ, ವೇಳಾಪಟ್ಟಿ ವಿವರ ಇಲ್ಲಿದೆ.

ಮೂಜಫರ್‌ಪುರ ಜಂಕ್ಷನ್‌ನಿಂದ ಯಶವಂತಪುರ ಜಂಕ್ಷನ್‌ಗೆ ಈ ಮೊದಲ ವಿಶೇಷ ರೈಲು (05545) ನವೆಂಬರ್ 11 ಮತ್ತು 12 ರಂದು ಪ್ರಯಾಣ ಆರಂಭವಾಗಲಿದೆ. ಈ ರೈಲು ರಾತ್ರಿ 9:15ಗಂಟೆಗೆ ಮೂಜಫರ್‌ಪುರ ನಿಂದ ಹೊರಟು, ಮರುದಿನ ರಾತ್ರಿ 11:50 ಗಂಟೆಗೆ ಯಶವಂತಪುರಕ್ಕೆ ಬಂದು ಸೇರುತ್ತದೆ.

SWR Announces Two Special Trains Muzaffarpur to Bengaluru for Festive Rush Schedule

ಎಸ್ಎಂವಿಟಿ ಬೆಂಗಳೂರು ನಿಲ್ದಾಣದಿಂದ ಮೂಜಫರ್‌ಪುರ ಎರಡನೇ ವಿಶೇಷ ರೈಲು (ಸಂಖ್ಯೆ 05546) ಬೆಂಗಳೂರಿನಿಂದ ಇದೇ ನವೆಂಬರ್ 14 ಮತ್ತು 15 ರಂದು ಕಾರ್ಯಾಚರಣೆ ಮಾಡಲಿದೆ. ಈ ರೈಲು ಮಧ್ಯಾಹ್ನ 3:50ಗಂಟೆರಗೆ ರಾಜಧಾನಿಯಿಂದ ಹೊರಟು ಮರುದಿನ ಸಂಜೆ 7 ಗಂಟೆಗೆ ಗಮ್ಯಸ್ಥಾನ ತಲುಪುತ್ತದೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಈ ವಿಶೇಷ ರೈಲುಗಳು ಎಸಿ, ನಾನ್ ಎಸಿ ಸ್ಲೀಪರ್, ಜನಲ್, ಇತರ ಬೋಗಿಗಳು ಸೇರಿದಂತೆ 22 ಕೋಚ್‌ಗಳ ಸಂಯೋಜನೆ ಒಳಗೊಂಡಿದೆ. ಹಬ್ಬದ ದಿನಗಳಲ್ಲಿ ಪ್ರಯಾಣಿಕರ ಬೇಡಿಕೆಯನ್ನು ಪೂರೈಸುವ ಉದ್ದೇಶದಿಂದ ರೈಲ್ವೆ ಇಲಾಖೆ ರೈಲುಗಳ ಹೆಚ್ಚುವರಿ ಟ್ರಿಪ್ ಸೇವೆಗೆ ನಿರ್ಧರಿಸಿದೆ.

ಪ್ರಯಾಣಿಕರು ರೈಲುಗಳ ನಿಲ್ದಾಣ ಮತ್ತು ಸಮಯದ ವಿವರಗಳನ್ನು ಅಧಿಕೃತ ವೆಬ್‌ಸೈಟ್ http://www.enquiry.indianrail.gov.in ಅಥವಾ NTES ಆಪ್‌ನಲ್ಲಿ ಪರಿಶೀಲಿಸಬಹುದಾಗಿದೆ. ಪ್ರಯಾಣಿಕರು 139 ಸಂಖ್ಯೆಗೆ ಕರೆಮಾಡಿ ಇತರ ಮಾಹಿತಿ ಪರಿಶೀಲಿಸಬಹುದು.