1951 ರಿಂದ 2019ರ ತನಕ ಕರ್ನಾಟಕದ ಲೋಕಸಭೆ ಫಲಿತಾಂಶ

ಬೆಂಗಳೂರು, ಮೇ 27 : 2019ರ ಲೋಕಸಭಾ ಚುನಾವಣೆಯಲ್ಲಿ ಕರ್ನಾಟಕದಲ್ಲಿ ಕಾಂಗ್ರೆಸ್ ಕೇವಲ 1 ಸ್ಥಾನದಲ್ಲಿ ಜಯಗಳಿಸಿದೆ. 1951ರಲ್ಲಿ ನಡೆದ ಚುನಾವಣೆಯಲ್ಲಿ 11 ಸ್ಥಾನಗಳ ಪೈಕಿ 10 ಸ್ಥಾನದಲ್ಲಿ ಕಾಂಗ್ರೆಸ್ ಜಯಗಳಿಸಿತ್ತು.

ಲೋಕಸಭಾ ಚುನಾವಣೆ ಫಲಿತಾಂಶ ಪ್ರಕಟವಾಗಿದೆ. ಕರ್ನಾಟಕ 28 ಕ್ಷೇತ್ರಗಳ ಪೈಕಿ ಬಿಜೆಪಿ 25, ಕಾಂಗ್ರೆಸ್ 1, ಜೆಡಿಎಸ್ 1 ಮತ್ತು ಪಕ್ಷೇತರ ಅಭ್ಯರ್ಥಿ 1 ಸ್ಥಾನದಲ್ಲಿ ಜಯಗಳಿಸಿದ್ದಾರೆ. ರಾಜ್ಯದಲ್ಲಿ ಕಾಂಗ್ರೆಸ್‌-ಜೆಡಿಎಸ್ ಸಮ್ಮಿಶ್ರ ಸರ್ಕಾರವಿದ್ದರೂ ಕಾಂಗ್ರೆಸ್ ಸಾಧನೆ ತೃಪ್ತಿಕರವಾಗಿಲ್ಲ.

1951 ರಿಂದ 2019ರ ತನಕ ವಿವಿಧ ಪಕ್ಷಗಳು ರಾಜ್ಯದಲ್ಲಿ ಹಲವಾರು ಏಳು-ಬೀಳುಗಳನ್ನು ಕಂಡಿವೆ. ಮೊದಲು ರಾಜ್ಯದಲ್ಲಿ 11 ಲೋಕಸಭಾ ಕ್ಷೇತ್ರಗಳಿತ್ತು. ಈಗ ಅದು 28ಕ್ಕೆ ಏರಿಕೆಯಾಗಿದೆ. ಆದರೆ, ಪಕ್ಷಗಳ ಸಂಖ್ಯೆ ಹೆಚ್ಚಾಗಿಲ್ಲ.

ಬಿಜೆಪಿ, ಕಾಂಗ್ರೆಸ್, ಜನತಾಪಕ್ಷ, ಜನತಾದಳ ಲೋಕಶಕ್ತಿ ಪಕ್ಷದ ಅಭ್ಯರ್ಥಿಗಳು ರಾಜ್ಯದಲ್ಲಿ ಗೆಲುವು ದಾಖಲಿಸುತ್ತಿದ್ದಾರೆ. ಆದರೆ, ಇದೇ ಮೊದಲ ಬಾರಿಗೆ ಪಕ್ಷೇತರ ಅಭ್ಯರ್ಥಿಯೊಬ್ಬರು (ಸುಮಲತಾ) ಲೋಕಸಭಾ ಚುನಾವಣೆಯಲ್ಲಿ ಜಯಗಳಿಸಿ ಸಂಸತ್ ಪವೇಶಿಸಿದ್ದಾರೆ.

1951 ರಿಂದ 1971

* 1951 ಕಾಂಗ್ರೆಸ್ 10, ಕೆಎಂಪಿಪಿ 1 (ಒಟ್ಟು ಸ್ಥಾನ 11)

* 1956 ಕಾಂಗ್ರೆಸ್ 23, ಇತರೆ 3 (ಒಟ್ಟು 26)

* 1962 ಕಾಂಗ್ರೆಸ್ 25, ಎಲ್‌ಎಸ್‌ಎಸ್‌ 1 (ಒಟ್ಟು 26)

* 1967 ಕಾಂಗ್ರೆಸ್ 18, ಇತರೆ 9 (ಒಟ್ಟು 27)

* 1971 ಕಾಂಗ್ರೆಸ್ 27, ಇತರೆ 0 (ಒಟ್ಟು 27)

1977 ರಿಂದ 1989

* 1977 ಕಾಂಗ್ರೆಸ್ 26, ಜನತಾ ಪಕ್ಷ 2 (ಒಟ್ಟು 28)

* 1980 ಕಾಂಗ್ರೆಸ್ 27, ಜನತಾ ಪಕ್ಷ 1

* 1984 ಕಾಂಗ್ರೆಸ್ 24, ಜನತಾ ಪಕ್ಷ 4

* 1989 ಕಾಂಗ್ರೆಸ್ 26, ಜನತಾ ಪಕ್ಷ 2

1991 ರಿಂದ 1999

* 1991 ಕಾಂಗ್ರೆಸ್ 23, ಬಿಜೆಪಿ 4, ಜನತಾದಳ 1

* 1996 ಜನತಾದಳ 16, ಬಿಜೆಪಿ 6, ಕಾಂಗ್ರೆಸ್ 5, ಕೆಸಿಪಿ 1

* 1998 ಬಿಜೆಪಿ 13, ಲೋಕಶಕ್ತಿ 3, ಕಾಂಗ್ರೆಸ್ 9, ಜನತಾದಳ 3

* 1999 ಕಾಂಗ್ರೆಸ್ 18, ಬಿಜೆಪಿ 7, ಜೆಡಿಯು 3

2004 ರಿಂದ 2014

* 2004 ಬಿಜೆಪಿ 18, ಕಾಂಗ್ರೆಸ್ 8, ಜೆಡಿಎಸ್ 2

* 2009 ಬಿಜೆಪಿ 19, ಕಾಂಗ್ರೆಸ್ 6, ಜೆಡಿಎಸ್ 2

* 2014 ಬಿಜೆಪಿ 17, ಕಾಂಗ್ರೆಸ್ 9, ಜೆಡಿಎಸ್ 2

* 2019 ಬಿಜೆಪಿ 25, ಕಾಂಗ್ರೆಸ್ 1, ಜೆಡಿಎಸ್ 1, ಪಕ್ಷೇತರ 1