ಸರ್ಕಾರಿ ಶಾಲೆ ಅಭಿವೃದ್ಧಿ ಪಡಿಸಲು ದತ್ತು ಪಡೆಯಬಹುದು
ಬೆಂಗಳೂರು, ಸೆಪ್ಟೆಂಬರ್ 16 : ಸರ್ಕಾರಿ ಶಾಲೆಗಳ ಗುಣಮಟ್ಟವನ್ನು ಸುಧಾರಿಸಲು ಸರ್ಕಾರ ಶಾಲೆಗಳನ್ನು ದತ್ತು ನೀಡಲು ನಿರ್ಧರಿಸಿದೆ. ಮೊದಲ ಹಂತದಲ್ಲಿ 5 ಸಾವಿರ ಶಾಲೆಗಳನ್ನು ದತ್ತು ನೀಡಲು ನಿರ್ಧರಿಸಲಾಗಿದೆ. ಶೀಘ್ರವೇ ಈ ಕುರಿತ ಆದೇಶ ಹೊರಬೀಳಲಿದೆ.
ರಾಜ್ಯದಲ್ಲಿರುವ 48,909 ಸರ್ಕಾರಿ ಶಾಲೆಗಳ ಪೈಕಿ 5 ಸಾವಿರ ಶಾಲೆಗಳನ್ನು ದತ್ತು ನೀಡಲು ಸರ್ಕಾರ ನಿರ್ಧರಿಸಿದೆ. ತುರ್ತಾಗಿ ಮೂಲಸೌಕಯ೯ ಕಲ್ಪಿಸುವ ಅಗತ್ಯವಿರುವ ಶಾಲೆಗಳನ್ನು ಮೊದಲ ಹಂತದಲ್ಲಿ ದತ್ತು ನೀಡಲಾಗುತ್ತದೆ.[ನಕಲಿ ದಾಖಲೆ: ಬೆಂಗಳೂರಿನ 5 ಶಾಲೆಗಳ ಮಾನ್ಯತೆ ರದ್ದು]
ಜಿಲ್ಲಾ ಪ೦ಚಾಯಿತಿ ಸದಸ್ಯರು, ಸ೦ಸದರು, ರಾಜ್ಯಸಭಾ ಸದಸ್ಯರು, ಸಕಾ೯ರೇತರ ಸ೦ಘ ಸ೦ಸ್ಥೆಗಳು, ಕಾಪೋ೯ರೇಟ್ ಕ೦ಪನಿಗಳು ಶಿಕ್ಷಣ ಇಲಾಖೆಯಿಂದ ಶಾಲೆಗಳನ್ನು ದತ್ತು ಪಡೆದು, ಅವುಗಳನ್ನು ಅಭಿವೃದ್ಧಿಗೊಳಿಸಬಹುದಾಗಿದೆ.[ದಸರಾ : ಕಾವಡಿ, ಮಾವುತರ ಮಕ್ಕಳ ಟೆಂಟ್ ಶಾಲೆ ನೋಡಿ]
ಶಾಲೆಗಳನ್ನು ದತ್ತು ಪಡೆಯುವವರು ಮೂಲಸೌಕರ್ಯಗಳಾದ ಶೌಚಾಲಯ, ಗ್ರಂಥಾಲಯ, ಪ್ರಯೋಗಾಲಯ ಮುಂತಾದವುಗಳನ್ನು ಒದಗಿಸಬಹುದಾಗಿದೆ. ಶಾಲೆ ಇರುವ ಗ್ರಾಮದ ಜನರು ಸಹ ಈ ಕಾರ್ಯಕ್ಕೆ ಕೈ ಜೋಡಿಸಬಹುದಾಗಿದೆ.[ಮೈಸೂರು : ಜನರ ನಿದ್ದೆಗೆಡಿಸಿದ ಶಾಲಾ ಕಾಂಪೌಂಡ್]
ಕಡ್ಡಾಯಗೊಳಿಸಲು ಚಿಂತನೆ : 'ಎಲ್ಲಾ ಜನಪ್ರತಿನಿಧಿಗಳು ತಮ್ಮ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಒಂದು ಶಾಲೆಯನ್ನು ದತ್ತು ಪಡೆದು ಅಭಿವೃದ್ಧಿಗೊಳಿಸುವುದನ್ನು ಕಡ್ಡಾಯಗೊಳಿಸಲು ಚಿಂತನೆ ನಡೆಸಲಾಗಿದೆ' ಎಂದು ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ತನ್ವೀರ್ ಸೇಠ್ ಹೇಳಿದ್ದಾರೆ.