Bhadra Dam: ಭಾರೀ ಮಳೆಗೆ ಅಣೆಕಟ್ಟಿನ ಒಳ-ಹೊರ ಹರಿವು ಭಾರೀ ಹೆಚ್ಚಳ, ಇಂದಿನ ಮಟ್ಟ

ಬೆಂಗಳೂರು, ಜುಲೈ 21: ಕರ್ನಾಟಕದ ಮಲೆನಾಡಿನ ಭಾಗದಲ್ಲಿ ವ್ಯಾಪಕ ಮಳೆ ಆಗುತ್ತಿದೆ. ಕಳೆದೊಂದು ತಿಂಗಳಿನಿಂದ ಚಿಕ್ಕಮಗಳೂರು, ಭಾಗಮಂಡಲ ವ್ಯಾಪ್ತಿಯಲ್ಲಿ ಮಳೆ ಬಿದ್ದ ಕಾರಣ ಭದ್ರಾ ಅಣೆಕಟ್ಟಿನಲ್ಲಿ (Bhadra Dam Level) ಒಳ ಮತ್ತು ಹೊರ ಹರಿವಿನ ಪ್ರಮಾಣ ಹೆಚ್ಚಾಗಿದೆ. ಇಂದು ಸಾವಿರಾರು ಕ್ಯೂಸೆಕ್ ನೀರು ಹೊರ ಬಿಡಲಾಗುತ್ತಿದೆ. ಇರೊಂದಿಗೆ ಕೃಷ್ಣಾ ಮತ್ತು ಭೀಮಾ ನದಿ ಜಲಾನಯನ ಪ್ರದೇಶಗಳಲ್ಲಿ ಭಾರೀ ಮಳೆಯಾದ ಕಾರಣ ಶ್ರೀಶೈಲಂ ಅಣೆಕಟ್ಟಿಗೆ ಸಾಕಷ್ಟು ಒಳಹರಿವು ಮುಂದುವರೆದಿದೆ.

ಭದ್ರಾ ನದಿಗೆ ಅಡ್ಡಲಾಗಿ ಸುಮಾರು 60 ವರ್ಷಗಳ ಹಿಂದೆ (1947-1965) ಈ ಭದ್ರಾ ಅಣೆಕಟ್ಟು ಕರ್ನಾಟಕದ ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆ ತಾಲೂಕಿನ ಲಕ್ಕವಳ್ಳಿ ಪಟ್ಟಣದ ಬಳಿ ನಿರ್ಮಿಸಲಾಗಿದೆ. ಇದನ್ನು ಭದ್ರಾ ನದಿ ಯೋಜನೆ ಅಥವಾ ಲಕ್ಕವಳ್ಳಿ ಅಣೆಕಟ್ಟು ಅಂತಲೂ ಕರೆಯಲಾಗುತ್ತದೆ. ನಿರಂತರ ಮುಂಗಾರಿನ ಆರ್ಭಟದಿಂದಾಗಿ ಜುಲೈ 21ರಂದು 9,198 ಕ್ಯೂಸೆಕ್ ಒಳಹರಿವು ದಾಖಲಾಗಿದೆ. 6,918 ಕ್ಯೂಸೆಕ್ ನೀರನ್ನು ಹೊರ ಬಿಡಲಾಗುತ್ತಿದೆ.

ಪ್ರತಿ ವರ್ಷ ಈ ಭದ್ರಾ ಜಲಾಶಯ ಭರ್ತಿ ಆಗಲು 71.54 TMC ನೀರು ಬೇಕಾಗುತ್ತದೆ. ಅದು ಡ್ಯಾಂನ ಒಟ್ಟು ನೀರು ಸಂಗ್ರಹಣಾ ಸಾಮರ್ಥ್ಯವಾಗಿದೆ. ಸದ್ಯ ಸೋಮವಾರಕ್ಕೆ ಭದ್ರಾ ಡ್ಯಾಂನಲ್ಲಿ 63.3 TMC ನೀರಿನ ಸಂಗ್ರಹವಾಗಿದೆ. ಒಟ್ಟು 186 ಅಡಿ ಎತ್ತರ ಇರುವ ಈ ಅಣೆಕಟ್ಟಿನಲ್ಲಿ ಜುಲೈ 21ರವರೆಗೆ 179.3 ಅಡಿ ನೀರು ಸಂಗ್ರಹವಾಗಿದೆ. ಭಾರೀ ಮಳೆ ಮುಂದುವರಿದ ಕಾರಣ, ಈ ವಾರ ಒಳಹರಿವು ಇನ್ನಷ್ಟು ಏರಿಕೆ ಆಗುವ ಸಾಧ್ಯತೆ ಇದೆ.

ಭದ್ರಾ ಜಲಾಶಯದಿಂದ ನದಿಗೆ ನೀರು ಬಿಡುಗಡೆ ಮಾಡಲಾಗುತ್ತಿದೆ. ಈ ನದಿ ನೀರು ಮುಂದೆ ಹೋಗಿ ಕೂಡಿಕೊಂಡು ತುಂಗಭದ್ರಾ ನದಿಯಾಗುತ್ತದೆ. ಭದ್ರಾ ಜಲಾಶಯ, ತುಂಗಭದ್ರ ಜಲಾಶಯಗಳಲ್ಲಿ ಮಳೆ ಮುಂದುವರಿಯಲಿದ್ದು, ಈ ವಾರ ನಿರೀಕ್ಷಿತ ಪ್ರಮಾಣದಲ್ಲಿ ಜಲಾಶಯದ ಒಳ ಹರಿವು ಮತ್ತು ಹೊರ ಹರಿವು ಏರಿಕೆ ಆಗಲಿದೆ. ಜಲಾನಯನ ಪ್ರದೇಶಗಳ ನಿವಾಸಿಗಳಿಗೆ ಅಗತ್ಯೆ ಎಚ್ಚರಿಕೆ ನೀಡಲಾಗಿದೆ.

Bhadra Dam outflow gradually increases accordingly as storage is close to full capacity.

Inflow - 9,198 Cusecs

Outflow - 6,918 Cusecs

Storage- 63.3 TMC/71.54 TMC

Level - 179.3 ft/186 ft pic.twitter.com/LxAQICndqZ

— Naveen Reddy (@navin_ankampali) July 21, 2025

ಒಳಹರಿವು 1,38,381 ಕ್ಯೂಸೆಕ್

ಕೃಷ್ಣಾ ಮತ್ತು ಭೀಮಾ ನದಿ ಜಲಾನಯನ ಪ್ರದೇಶಗಳಲ್ಲಿ ಭಾರೀ ಮಳೆ ಆಗಿದ್ದರಿಂದ ಶ್ರೀಶೈಲಂ ಅಣೆಕಟ್ಟಿನಲ್ಲಿ ಒಳಹರಿವು ಹೆಚ್ಚಾಗಿದೆ. ಒಳಹರಿವು 1,38,381 ಕ್ಯೂಸೆಕ್ ನಷ್ಟಿದೆ. ಸರಾಸರಿ ಒಳಹರಿವು 1,58,418 ಕ್ಯೂಸೆಕ್ ನಷ್ಟಿದೆ. ಡ್ಯಾಂ ಒಟ್ಟು ನೀರಿನ ಸಂಗ್ರಹ ಸಾಮರ್ಥ್ಯ 215.81 ಟಿಎಂಸಿ ಇದ್ದು, ಅದರಲ್ಲಿ ಇವತ್ತಿಗೆ 204.78 ಟಿಎಂಸಿ ನೀರು ಸಂಗ್ರಹಗೊಂಡಿದೆ. 885 ಅಡಿ ಈ ಅಣಕೆಟ್ಟಿನಲ್ಲಿ ಇಂದಿಗೆ 883 ಅಡಿ ನೀರು ಸಂಗ್ರಹವಾಗಿದೆ. ಈ ಜಲಾಶಯದಿಂದ ಅಪಾರ ಪ್ರಮಾಣದ ನೀರನ್ನು
ವಿದ್ಯುತ್ ಕೇಂದ್ರಗಳು ಮತ್ತು ಲಿಫ್ಟ್ ನೀರಾವರಿ ವ್ಯವಸ್ಥೆಗಳಿಗೆ ಬಿಡಲಾಗುತ್ತಿದೆ.

English summary

Bhadra Dam Water Storage Today: Dam inflow and outflow heavy raised due to continues monsoon rain in Karnataka.