Coronavirus: ಕರ್ನಾಟಕದಲ್ಲಿ 1,400 ಗಡಿ ದಾಟಿದ ಸಕ್ರಿಯ ಕೋವಿಡ್ ಪ್ರಕರಣಗಳು

ಬೆಂಗಳೂರು ಏಪ್ರಿಲ್ 3: ಕರ್ನಾಟಕದಲ್ಲಿ ಸಕ್ರಿಯ ಕೋವಿಡ್ -19 ಪ್ರಕರಣಗಳು 1,400 ಗಡಿ ದಾಟಿದೆ. ಬೆಂಗಳೂರು ನಗರದಲ್ಲೇ ಮಾತ್ರ 59% ರಷ್ಟು ಹೊಸ ಪ್ರಕರಣಗಳು ದಾಖಲಾಗಿವೆ. ಏಪ್ರಿಲ್ 1 ರಂದು 284 ಹೊಸ ಪ್ರಕರಣಗಳು ರಾಜ್ಯದಲ್ಲಿ ದಾಖಲಾಗಿವೆ. ರಾಜ್ಯದ ದೈನಂದಿನ ಧನಾತ್ಮಕ ಪ್ರಮಾಣ 3.2% ರಷ್ಟು ದಾಖಲಾಗಿದೆ.

ನಗರದಲ್ಲಿ ಮಾರ್ಚ್ 1, 2023 ರಿಂದ ಇಲ್ಲಿಯವರೆಗೆ ಮೂರು ಕೋವಿಡ್ -19 ಸಾವುಗಳು ವರದಿಯಾಗಿದೆ. ಬಿಬಿಎಂಪಿಯ ದಾಖಲಾತಿಯಲ್ಲಿ ಸಾವನ್ನಪ್ಪಿದವರಿಗೆ ಕೋವಿಡ್ ದೃಢಪಟ್ಟಿದೆ. ಹೆಚ್ಚನಿ ಜನರಲ್ಲಿ XBB.1.16 ರೂಪಾಂತರ ಕಂಡುಬದಿದೆ. ಇದು ಸೋಂಕಿತರಲ್ಲಿ ಲಕ್ಷಣರಹಿತ ಅಥವಾ ಸ್ವಲ್ಪ ರೋಗಲಕ್ಷಣಗಳನ್ನು ಹೊಂದಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಆಯುಕ್ತ ಡಿ ರಂದೀಪ್ ಹೇಳಿದ್ದಾರೆ. ಹೀಗಾಗಿ ದಾಖಲಾಗುವ ಸಾಧ್ಯತೆಗಳು ಕಡಿಮೆ ಇದೆ ಎಂದಿದ್ದಾರೆ.

ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆ ಕಡಿಮೆ: ವೈದ್ಯರು

ಕರ್ನಾಟಕದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ಆಯುಕ್ತರಾದ ಡಿ ರಂದೀಪ್ ಅವರು ಸುದ್ದಿಗಾರರಿಗೆ ಮಾತನಾಡಿ: "ರೋಗಿಗಳಿಗೆ ಕೊಮೊರ್ಬಿಡಿಟಿಗಳಿವೆ. ಈ ಪ್ರಕರಣಗಳಲ್ಲಿ ಸಾವಿಗೆ ಪ್ರಾಥಮಿಕ ಕಾರಣ ಕೋವಿಡ್ -19 ಅಲ್ಲ" ಎಂದಿದ್ದಾರೆ.

"ಪ್ರಕರಣಗಳಲ್ಲಿ ಉಲ್ಬಣ ಸಂಬಂಧಿಸಿದೆ. ಆದರೆ ನಾವು ಆಸ್ಪತ್ರೆಗೆ ದಾಖಲಾಗುವವರನ್ನು ಮಾತ್ರ ಪರಿಗಣಿಸುತ್ತಿದ್ದೇವೆ. ಹೀಗಾಗಿ ಅದು ಹೆಚ್ಚು ಏರಿಕೆಯಾಗಿಲ್ಲ ಎಂದು ನಮಗನಿಸುತ್ತಿದೆ. ಸೋಂಕಿತರಲ್ಲಿ ಹೆಚ್ಚಿನ ಪ್ರಮಾಣ ಲಕ್ಷಣರಹಿತ ಅಥವಾ ಸೌಮ್ಯವಾದ ರೋಗಲಕ್ಷಣಗಳನ್ನು ಹೊಂದಿದೆ. ಹೀಗಾಗಿ ಸೋಂಕಿತರು ದಾಖಲಾಗುತ್ತಿಲ್ಲ" ಎಂದು ರಂದೀಪ್ ಹೇಳಿದರು.

ಬೆಂಗಳೂರಿನ ರಾಜೀವ್ ಗಾಂಧಿ ಇನ್‌ಸ್ಟಿಟ್ಯೂಟ್ ಆಫ್ ಚೆಸ್ಟ್ ಡಿಸೀಸ್‌ನ ನಿರ್ದೇಶಕ ಡಾ ನಾಗರಾಜ್ ಪ್ರಕಾರ, ಎಕ್ಸ್‌ಬಿಬಿ.1.16 ರೊಂದಿಗೆ ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆ ಕಡಿಮೆಯಾಗಿದೆ.

ಖಾಸಗಿ ಆಸ್ಪತ್ರೆಗಳು ಮತ್ತು ನರ್ಸಿಂಗ್ ಹೋಂಗಳ ಸಂಘದ ಅಧ್ಯಕ್ಷ ಡಾ.ಗೋವಿಂದಯ್ಯ ಯತೀಶ್ ಮಾತನಾಡಿ, ಜಯನಗರದ ಅಪೋಲೋ ಆಸ್ಪತ್ರೆಯಲ್ಲಿ ಕಳೆದ 20 ದಿನಗಳಲ್ಲಿ ಕೋವಿಡ್‌ನಿಂದ ದಾಖಲಾಗಿರುವ ಐದು ರೋಗಿಗಳನ್ನು ನಾವು ದಾಖಲಿಸಿದ್ದೇವೆ ಮತ್ತು ಅವರಲ್ಲಿ ಹೆಚ್ಚಿನವರು ಕೊಮೊರ್ಬಿಡಿಟಿಗಳನ್ನು ಹೊಂದಿದ್ದಾರೆ ಎಂದರು.

ಬೆಂಗಳೂರಿನ ಬೌರಿಂಗ್ ಆಸ್ಪತ್ರೆಯಲ್ಲಿ ನಾಲ್ವರು ಕೋವಿಡ್ ರೋಗಲಕ್ಷಣಗಳೊಂದಿಗೆ ದಾಖಲಾಗಿದ್ದು, ಅವರಲ್ಲಿ ಒಬ್ಬರು ಮಧುಮೇಹದಿಂದ ಬಳಲುತ್ತಿದ್ದಾರೆ. ಅವರ ಸ್ಥಿತಿ ಸದ್ಯ ಸ್ಥಿರವಾಗಿವೆ. ಅದೇನೇ ಇದ್ದರೂ, ಕರ್ನಾಟಕದಲ್ಲಿ ಪರೀಕ್ಷೆಯನ್ನು ಹೆಚ್ಚಿಸಲಾಗಿದೆ. "ಪ್ರತಿ ಮಿಲಿಯನ್‌ಗೆ ನಾವು ರಾಜ್ಯದಲ್ಲಿ 9,000+ ಪರೀಕ್ಷೆಗಳನ್ನು ಮಾಡಬೇಕಾಗಿದೆ. ನಾವು ಕಳೆದ ವಾರದಲ್ಲಿ 10,000 ಪರೀಕ್ಷೆಗಳನ್ನು ಮಾಡುತ್ತಿದ್ದೇವೆ" ಎಂದು ರಂದೀಪ್ ಹೇಳಿದರು.

"ಕರ್ನಾಟಕದಲ್ಲಿ ಜನವರಿ-ಮಾರ್ಚ್ ಅವಧಿಯಲ್ಲಿ ಅನುಕ್ರಮವಾಗಿರುವ 498 ಕೋವಿಡ್-ಪಾಸಿಟಿವ್ ಮಾದರಿಗಳಲ್ಲಿ, 295 XBB ಪ್ರಕರಣಗಳು ಸುಮಾರು 60% ರಷ್ಟು, XBB.1.16 ಪ್ರಕರಣಗಳು 75 ಕ್ಕಿಂತ ಹೆಚ್ಚಿದೆ'' ಎಂದು ಅವರು ಹೇಳಿದರು.

ಕೊವಿಡ್-19 ಹರಡದಿರಲು ಏನು ಮಾಡಬೇಕು?

ಕೊರೊನಾ ವೈರಸ್ ಕಾಣಿಸಿಕೊಳ್ಳುವುದಕ್ಕೂ ಮೊದಲು ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಂಡರೆ ಯಾವುದೇ ಅಪಾಯವಿಲ್ಲ ಎಂದು ವೈದ್ಯರು ಸಲಹೆ ನೀಡುತ್ತಾರೆ. ಹಾಗಾದ್ರೆ, ವೈದ್ಯರ ಸಲಹೆ ಏನು ಎಂಬುದನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ.

ಕೊರೊನಾ ಹರಡದಂತೆ ವಹಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳು: -

-ಮುಖ ಹಾಗೂ ಮೂಗನ್ನು ಟಿಶ್ಯೂ ಅಥವಾ ಕರ್ಚಿಫ್ ನಿಂದ ಮುಚ್ಚಿಕೊಳ್ಳಬೇಕು

- ದಿನದಲ್ಲಿ ಆಗಾಗ ಕೈಗಳನ್ನು ಶುದ್ಧವಾಗಿ ತೊಳೆದುಕೊಳ್ಳುವುದು

- ಜನಸಂದಣಿ ಇರುವ ಪ್ರದೇಶಗಳಿಂದ ಆದಷ್ಟು ಅಂತರ ಕಾಯ್ದುಕೊಳ್ಳಬೇಕು

- ಆರೋಗ್ಯದಲ್ಲಿ ಏರುಪೇರಾದರೆ ಆದಷ್ಟು ಮನೆಯಲ್ಲೇ ಉಳಿಯುವುದು

- ಹೆಚ್ಚಾಗಿ ನೀರು ಕುಡಿಯುವುದು ಮತ್ತು ನ್ಯೂಟ್ರಿಶಿಯನ್ ಯುಕ್ತ ಆಹಾರ ಸೇವಿಸುವುದು

- ಸೋಂಕಿತ ಲಕ್ಷಣಗಳು ಕಂಡು ಬಂದಲ್ಲಿ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು

English summary

Active Covid-19 cases in Karnataka cross 1,400 mark. 59% of new cases have been recorded in Bangalore city alone. On April 1, 284 new cases were registered in the state.