ನೀರಾವರಿ ಹೋರಾಟ : ಮಹಾರಾಷ್ಟ್ರ ತಲುಪಿದ ಸೈಕಲ್ ಜಾಥ

Updated: Wednesday, January 27, 2016, 16:01 [IST]

ಕೋಲಾರ, ಜನವರಿ 27 : ಬಯಲು ಸೀಮೆಯ ಜಿಲ್ಲೆಗಳಿಗೆ ಶಾಶ್ವತ ಕುಡಿಯುವ ನೀರು ಒದಗಿಸಬೇಕೆಂದು ಒತ್ತಾಯಿಸಿ ಕೋಲಾರದಿಂದ ನವದೆಹಲಿಗೆ ಸೈಕಲ್ ಜಾಥಾ ಹಮ್ಮಿಕೊಳ್ಳಲಾಗಿದೆ. ಕೋಲಾರದಿಂದ ಆರಂಭವಾಗಿರುವ ಜಾಥಾ ಮಹಾರಾಷ್ಟ್ರ ತಲುಪಿದೆ.

10ಕೆ ಕೋಲಾರ ಕ್ಲಬ್‌ ಮತ್ತು ಕೃಷಿಕ ಸಮಾಜ ತಂಡ ಕರ್ನಾಟಕದ ಸದಸ್ಯರು ಜಂಟಿಯಾಗಿ ಈ ಜಾಥಾವನ್ನು ನಡೆಸುತ್ತಿದ್ದಾರೆ. ಸುಮಾರು 3000 ಕಿ.ಮೀ.ಗಳ 30 ದಿನಗಳ ಸೈಕಲ್ ಜಾಥಾ, ದೆಹಲಿ ತಲುಪಿದ ನಂತರ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿ ಶಾಶ್ವತ ನೀರಾವರಿ ಯೋಜನೆಗಾಗಿ ಮನವಿ ಸಲ್ಲಿಸಲಾಗುತ್ತದೆ. [ಚಿತ್ರಗಳು : ಕುಡಿಯುವ ನೀರಿಗಾಗಿ ಕೋಲಾರ, ಚಿಕ್ಕಬಳ್ಳಾಪುರ ಬಂದ್]

ಕೋಲಾರದಲ್ಲಿ ಆರಂಭವಾದ ಜಾಥಾ ಆಂಧ್ರಪ್ರದೇಶ ಮತ್ತು ತೆಲಂಗಾಣ ರಾಜ್ಯಗಳನ್ನು ಯಶಸ್ವಿಯಾಗಿ ಕ್ರಮಿಸಿ ಮಹಾರಾಷ್ಟ್ರ ತಲುಪಿದೆ. ಮತ್ತೊಂದು ಕಡೆ ಬಯಲು ಸೀಮೆ ಜಿಲ್ಲೆಗಳಿಗೆ ಶಾಶ್ವತ ನೀರಾವರಿ ಯೋಜನೆ ಜಾರಿಗೊಳಿಸಬೇಕು ಎಂದು ಒತ್ತಾಯಿಸಿ ಚಿಕ್ಕಬಳ್ಳಾಪುರದಲ್ಲಿ ಸುಮಾರು 100 ದಿನಗಳಿಂದ ಅನಿರ್ದಿಷ್ಟಾವಧಿ ಧರಣಿ ನಡೆಯುತ್ತಿದೆ. [ನೀರಾವರಿ ಜಾಗೃತಿಗಾಗಿ ಯುವಶಕ್ತಿಯ ಹೊಸ ಪ್ರಯೋಗ]

ಬರಪೀಡಿತ ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಿಗೆ ಶಾಶ್ವತ ಕುಡಿಯುವ ನೀರಿನ ಯೋಜನೆ ಜಾರಿಗೊಳಿಸಬೇಕು ಎಂದು ಕೇಂದ್ರ ಮತ್ತು ರಾಜ್ಯ ಸರ್ಕಾರವನ್ನು ಒತ್ತಾಯಿಸಲು ಈ ಜಾಥಾವನ್ನು ನಡೆಸಲಾಗುತ್ತಿದೆ. [ಕೋಲಾರದಲ್ಲಿ ಹಸಿರು ಕ್ರಾಂತಿಗೆ ಕೈ ಜೋಡಿಸಿದ ಯುವಕರು]

ಜಾಥಾದಲ್ಲಿ ಪಾಲ್ಗೊಂಡಿರುವವರು : ಕೋಲಾರ ಜಿಲ್ಲೆಯ ಬೀರನಹಳ್ಳಿ ಶ್ರೀನಿವಾಸ್, ಕೂಟೇರಿ ನಾಗರಾಜ್, ಲಕ್ಷ್ಮೀಸಾಗರ ವೆಂಕಟ ರಾವ್, ಕೂಟೇರಿ ದೇವರಾಜ್, ಗಜೇಂದ್ರ, ವೇಣುಗೋಪಾಲ್, ದಿಂಬ ವೆಂಕಟೇಶ್ ಗೌಡ, ಅಗ್ನಿಹಳ್ಳಿ ನವೀನ್, ಮುಕುಂದಗೌಡ, ಬಂಗಾರಪೇಟೆ ಚಂದ್ರಪ್ಪ ಮುಂತಾದವರು ಸೈಕಲ್ ಜಾಥಾದಲ್ಲಿ ಪಾಲ್ಗೊಂಡಿದ್ದಾರೆ.