ಶ್ರೀಲಂಕಾದಲ್ಲಿ ಇಲ್ಲಿ ತನಕ ಸಂಭವಿಸಿದ ಭೀಕರ ಸ್ಫೋಟಗಳು

ಕೊಲಂಬೋ, ಏಪ್ರಿಲ್ 21: ಈಸ್ಟರ್ ದಿನದಂದು ಸರಣಿ ಬಾಂಬ್ ಸ್ಫೋಟದಿಂದ ಶ್ರೀಲಂಕಾ ತತ್ತರಿಸಿದೆ. ಎಲ್ ಟಿಟಿಇ ಜತೆಗಿನ ನಾಗರಿಕ ಯುದ್ಧದಿಂದಾಗಿ ಲಂಕನ್ನರಿಗೆ ಮೆತ್ತುಕೊಂಡಿದ್ದ ರಕ್ತದ ಪಸೆ ಆರಿ ನೆಮ್ಮದಿ ನೆಲೆಸಿದೆ ಎನ್ನುವಷ್ಟರಲ್ಲೇ ಭೀಕರ ಸ್ಫೋಟಗಳು ಅಪ್ಪಳಿಸಿವೆ.

ಈಸ್ಟರ್ ಪ್ರಾರ್ಥನೆಯಲ್ಲಿ ತೊಡಗಿದ್ದವರನ್ನು ಗುರಿಯನ್ನಾಗಿಸಿಕೊಂಡು ಚರ್ಚ್ ಗಳಲ್ಲಿ ಬಾಂಬ್ ಸ್ಫೋಟ ಮಾಡಲಾಗಿದೆ. ಕೆಲವು ಹೋಟೆಲ್ ಗಳಲ್ಲಿ ಸ್ಫೋಟಗಳಾಗಿವೆ. ಏಳೆಂಟು ಕಡೆಗಳಲ್ಲಿ ನಡೆದಿರುವ ವಿಧ್ವಂಸಕ ಕೃತ್ಯದಿಂದಾಗಿ ಸುಮಾರು 155ಕ್ಕೂ ಅಧಿಕ ಮಂದಿ ಮರಣ ಹೊಂದಿದ್ದು, 500ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ.

ಕೊಲಂಬೋ ಹಾಗೂ ನೆಗೊಂಬೋ ನಗರಗಳಲ್ಲಿರುವ ಚರ್ಚ್ ಗಳಲ್ಲಿ ಶಾಂಗ್ರಿಲಾ ಹೋಟೆಲ್ ಹಾಗೂ ಕಿಂಗ್ಸ್ ಬರಿ ಹೋಟೆಲ್ ನಲ್ಲಿ ಸ್ಫೋಟವಾಗಿವೆ. ಸ್ಫೋಟಗೊಂಡ ಸ್ಥಳದಿಂದ ನೆರವಿಗಾಗಿ ಕೋರಲಾಗಿದೆ. ಭಾರತೀಯ ರಾಯಭಾರ ಕಚೇರಿ ಕೂಡಾ ಸಹಾಯವಾಣಿ ಪ್ರಕಟಿಸಿದೆ.

2006ರ ತನಕ ಸರಣಿ ಸ್ಫೋಟ, ಆತ್ಮಾಹುತಿ ದಾಳಿಗಳನ್ನು ಎದುರಿಸಿದ್ದ ಶ್ರೀಲಂಕಾಕ್ಕೆ ವಿಧ್ವಂಸಕ ಕೃತ್ಯಗಳಿಂದ ಮುಕ್ತಿ ನೀಡುವ ಪಣತೊಟ್ಟ ಶ್ರೀಲಂಕಾ ಸೇನೆ, 2009ರಲ್ಲಿ ಎಲ್ ಟಿಟಿ ಐಯನ್ನು ಅಧಿಕೃತವಾಗಿ ನಿರ್ನಾಮ ಮಾಡಲಾಗಿತ್ತು.ಆನಂತರ ದ್ವೀಪರಾಷ್ಟ್ರದಲ್ಲಿ ದೊಡ್ಡ ಪ್ರಮಾಣದ ಹಿಂಸಾಚಾರ, ಸ್ಫೋಟಗಳು ಸಂಭವಿಸಿರಲಿಲ್ಲ.

1985 ರಿಂದ 2006ರ ಅವಧಿಯಲ್ಲಿ ದಾಖಲಾದ ವಿಧ್ವಂಸಕ ಕೃತ್ಯಗಳು
* ಶ್ರೀಮಹಾಬೋಧಿ ದಾಳಿ 1985 : ಅನುರಾಧಾಪುರದಾಲ್ಲಿ ಎಲ್ಟಿಟಿಇ ನಡೆಸಿದ ದಾಳಿಯಲ್ಲಿ 146ಕ್ಕೂ ಅಧಿಕ ಮಂದಿ ಸಾವು, ಮೃತರಲ್ಲಿ ನಾಗರಿಕರು, ಬೌದ್ಧ ಭಿಕ್ಕುಗಳು, ಸನ್ಯಾಸಿಗಳಿದ್ದರು.
* 1987ರಲ್ಲಿ ಅಲುತಾ ಕ್ಯಾ ಹತ್ಯಾಕಾಂಡ: ಎಲ್ಟಿಟಿಇ ದಾಳಿಗೆ 127 ಸಿಂಹಳೀಯರ ಸಾವು.
* 1987ರಲ್ಲಿ ಶ್ರೀಲಂಕಾ ಸಂಸತ್ ಮೇಲೆ ದಾಳಿ: ಸಂಸತ್ತಿನಲ್ಲಿ ನಡೆದ ಗ್ರೇನೇಡ್ ದಾಳಿಯಲ್ಲಿ ಇಬ್ಬರು ಸಾವು.

* ಬಸ್ ಮೇಲೆ ದಾಳಿ, 1987: ಕೊಲಂಬೋ ಬಸ್ ನಿಲ್ದಾಣದಲ್ಲಿ ಕಾರ್ ಬಾಂಬ್ ಸ್ಫೋಟದಲ್ಲಿ 113 ಮಂದಿ ಸಾವು.
* 1990ರಲ್ಲಿ ಮಸೀದಿ ಮೇಲೆ ದಾಳಿ: ಕಟ್ಟಂಕುಡಿಯಲ್ಲಿನ ಮಸೀದಿಯನ್ನು ಗುರಿಯನ್ನಾಗಿಸಿಕೊಂಡು ದಾಳಿ ನಡೆಸಿದ ಎಲ್ಟಿಟಿಇಯಿಂದ 147 ಮುಸ್ಲಿಮರ ಹತ್ಯೆ.
* 1992ರಲ್ಲಿ ಪಲ್ಲುಯಾಗೊದೆಲ್ಲಾ ಹತ್ಯಾಕಾಂಡ: ಎಲ್ಟಿಟಿಇ ದಾಳಿಗೆ 285 ಮಂದಿ ಸಾವು.
* 1996ರಲ್ಲಿ ಸೆಂಟ್ರಲ್ ಬ್ಯಾಂಕ್ ದಾಳಿ: ಬಾಂಬ್ ಹೊಂದಿದ್ದ ಟ್ರಕ್ ಮೂಲಕ ಕೊಲಂಬೋ ಸೆಂಟ್ರಲ್ ಬ್ಯಾಂಕ್ ಮೇಲೆ ದಾಳಿ 91 ಮಂದಿ ಸಾವು.
* 2006ರಲ್ಲಿ ದಿಗಂಪಥಾನಾ ಬಾಂಬ್ ಸ್ಫೋಟ: 15 ಮಿಲಿಟರಿ ಬಸ್ ಮೇಲೆ ದಾಳಿ ನಡೆಸಿದ ಬಾಂಬ್ ತುಂಬಿದ ಎಲ್ಟಿಟಿಇ ಟ್ರಕ್, ಸ್ಫೋಟದ ಪರಿಣಾಮ 120 ಮಂದಿ ಸಾವು.

English summary

Sri Lanka has had a violent history thanks to the bloody civil war it was engaged in with the LTTE.The LTTE was officially wiped out in 2009 and the nation has remained peaceful since then.