'ನನ್ನ ಅವರ ನಡುವಣ ಸಂಬಂಧ ಸಹಮತದ್ದು'

ವಾಷಿಂಗ್ಟನ್, ಮೇ 8: ಇಡೀ ವಿಶ್ವದ ನಿದ್ದೆಗೆಡಿಸಿದ್ದ ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ಮತ್ತು ಶ್ವೇತಭವನದ ಮಾಜಿ ಸಹಾಯಕಿ ಮೋನಿಕಾ ಲೆವಿನ್ಸಕಿ ನಡುವಣ ಪ್ರಣಯ ಪ್ರಸಂಗಕ್ಕೆ ಹೊಸ ತಿರುವು ಸಿಕ್ಕಿದೆ.

'ಖಂಡಿತ ನನ್ನ ಮೇಲೆ ಪ್ರಭಾವಿ ಬಾಸ್ ಬಿಲ್ ಕ್ಲಿಂಟನ್ ಅವರ ಒತ್ತಡವಿತ್ತು. ಖಂಡಿತವಾಗಿಯೂ ಅವರು ನನ್ನನ್ನು ಬಳಸಿಕೊಂಡರು. ಆದರೂ ಅದು ಪರಸ್ಪರ ಸಮ್ಮತದ ಸಂಬಂಧವಾಗಿತ್ತು. ಆ ಸಂಬಂಧದ ಬಗ್ಗೆ ನನಗೆ ವಿಷಾದವಿದೆ. ದುರದೃಷ್ಟವೆಂದರೆ ಅವರ ಪ್ರತಿಷ್ಠೆ/ಸ್ಥಾನಮಾನದ ರಕ್ಷಣೆಗಾಗಿ ನನ್ನನ್ನು ಬಲಿಪಶು ಮಾಡಲಾಯಿತು' ಎಂದು ತಾಜಾ ಲೇಖನವೊಂದರಲ್ಲಿ ಮೋನಿಕಾ ಲೆವಿನ್ಸಕಿ (Monica Lewinsky) ಬರೆದುಕೊಂಡಿದ್ದಾರೆ. ( ಲೆವಿನ್‌ಸ್ಕಿ ಲೈಂಗಿಕ ಹಗರಣ: ಜಾಬ್ಸ್‌ ಸಲಹೆ ಕೇಳಿದ್ದ ಕ್ಲಿಂಟನ್ )

'ಆ ಸಂಬಂಧದ ವಿಷಯದಲ್ಲಿ ಈಗಲೂ ನನ್ನ ದುರ್ಬಳಕೆ ನಡೆಯುತ್ತಿದೆ. (Bill Clinton) ಕ್ಲಿಂಟನ್ ಪತ್ನಿ ಹಿಲರಿ ಅಧ್ಯಕ್ಷೀಯ ಚುನಾವಣೆಗೆ ತಯಾರಿ ನಡೆಸುತ್ತಿರುವಾಗ ಈ ಪ್ರೇಮ ಪ್ರಸಂಗ ಮತ್ತೆ ಪ್ರಮುಖ ಚರ್ಚೆಗೆ ಬರುತ್ತಿದೆ. ರಾಜಕೀಯ ಸ್ವಾರ್ಥಕ್ಕೆ ನನ್ನ ಹೆಸರು ಬಳಸಿಕೊಳ್ಳುವುದು ಸರ್ವಥಾ ಸರಿಯಲ್ಲ' ಎಂದು Vanity Fair ನಿಯತಕಾಲಿಕಕ್ಕೆ ಬರೆದುಕೊಟ್ಟಿರುವ ಲೇಖನದಲ್ಲಿ ಮೋನಿಕಾ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಆ ಹಗರಣದಿಂದಾದ ಅವಮಾನ, ಪಟ್ಟಿರುವ ಪಶಾತ್ತಾಪ, ವೃತ್ತಿಯನ್ನು ಕಾಡಿದ ನೀವು ಹೀಗೆ ಎಲ್ಲವನ್ನೂ 40 ವರ್ಷದ ಲೆವಿನ್ಸಕಿ ಅವರು ಲೇಖನದಲ್ಲಿ ವಿವರಿಸಿದ್ದಾರೆ. ಅಂದಹಾಗೆ, ಇಂದು ಗುರುವಾರ ಸದರಿ ನಿಯತಕಾಲಿಕದಲ್ಲಿ 4,300 ಪದಗಳ ಈ ಲೇಖನ ಪ್ರಕಟವಾಗುತ್ತಿದೆ.

'2008ರ ಅಧ್ಯಕ್ಷೀಯ ಚುನಾವಣಾ ಪ್ರಚಾರದ ವೇಳೆ ನನ್ನ ಹೆಸರು ಬಳಸಿಕೊಂಡಿದ್ದರಿಂದ ಹಲವು ವರ್ಷ ನಾನು ವನವಾಸ ಅನುಭವಿಸಬೇಕಾಯಿತು. 2016ನೇ ಸಾಲಿನ ಅಧ್ಯಕ್ಷೀಯ ಚುನಾವಣೆಯಲ್ಲೂ ಅವರು ಮತ್ತೆ ಸ್ಪರ್ಧಿಸಲಿದ್ದಾರೆ. ಈ ಬಾರಿಯೂ ಹಾಗೇಯೇ ಆದರೆ ಮತ್ತೆ 8-10 ವರ್ಷ ನಾನು ನೇಪಥ್ಯದಲ್ಲಿರಬೇಕಾಗುತ್ತದೆ' ಎಂದು ತಮ್ಮ ಸಂಕಟ ತೋಡಿಕೊಂಡಿದ್ದಾರೆ.

English summary

Relationship with Bill Clinton was consensual Monica Lewinsky. Lewinsky, now 40, broke her years long silence about her affair with President Bill Clinton in the article to appear in the May 8 issue of Vanity Fair. She writes that she regrets her affair with Clinton.