ಫೇಸ್ ಬುಕ್ ನಲ್ಲಿ ಧರ್ಮನಿಂದನೆ ಮಾಡಿದ ವ್ಯಕ್ತಿಗೆ ಪಾಕ್ ನಲ್ಲಿ ಗಲ್ಲು
ಇಸ್ಲಾಮಾಬಾದ್, ಜೂನ್ 13: ಈ ಪ್ರಕರಣ ಪಾಕಿಸ್ತಾನದಲ್ಲಿ ನಡೆದಿದೆ. ಆದರೆ ಇಡೀ ಜಗತ್ತು ಆಶ್ಚರ್ಯ ಪಡುವಂಥ ಸನ್ನಿವೇಶ ಇದು. ಫೇಸ್ ಬುಕ್ ನಲ್ಲಿ ಧರ್ಮ ನಿಂದನೆಯ ಬರಹ ಪ್ರಕಟಿಸಿದ್ದ ಎಂಬ ಆರೋಪದಲ್ಲಿ ಷಿಯಾ ಸಮುದಾಯದ ವ್ಯಕ್ತಿಗೆ ಮರಣದಂಡನೆಯನ್ನೇ ವಿಧಿಸಲಾಗಿದೆ.
ಭಯೋತ್ಪಾದನಾ ನಿಗ್ರಹ ನ್ಯಾಯಾಲಯವು ಈ ಶಿಕ್ಷೆ ನೀಡಿದ್ದು, ಮೂವತ್ತು ವರ್ಷದ ತೈಮೂರ್ ರಜಾ ಎಂಬಾತ ಶಿಕ್ಷೆಗೊಳಗಾದ ವ್ಯಕ್ತಿ. ಪಂಜಾಬ್ ನ ಬಹವಲ್ ಪುರ್ ಜಿಲ್ಲೆಯ ಭಯೋತ್ಪಾದನಾ ನಿಗ್ರಹ ಕೋರ್ಟ್ ಈ ಶಿಕ್ಷೆ ಪ್ರಕಟಿಸಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಧರ್ಮ ನಿಂದನೆ ಮಾಡಿದ ಆರೋಪಕ್ಕೆ ಪಾಕಿಸ್ತಾನದಲ್ಲಿ ಗಲ್ಲು ಶಿಕ್ಷೆಗೆ ಗುರಿ ಮಾಡುತ್ತಿರುವ ಮೊದಲ ಪ್ರಕರಣವಿದು.
ಸೈಬರ್ ಕ್ರೈಂ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಪಾಕಿಸ್ತಾನವು ಕಠಿಣ ಕಾನೂನನ್ನು ಕಳೆದ ವರ್ಷ ತಂದಿದೆ. ಈ ಕಾನೂನಿಗೆ ಹಲವರು ವಿರೋಧ ಕೂಡ ವ್ಯಕ್ತಪಡಿಸಿದ್ದಾರೆ. ಧಾರ್ಮಿಕ ವಿಚಾರಗಳಲ್ಲಿ ಎಚ್ಚರಿಕೆ ನೀಡುವಂಥ ಕಾನೂನು ಇರಲು ಯಾರಿಗೂ ತಕರಾರಿಲ್ಲ. ಆದರೆ ಮರಣದಂಡನೆ ತೀರಾ ದುಬಾರಿ ಆಯಿತು. ಅಲ್ಲವೆ?
Click it and Unblock the Notifications
Sign in with Google