• search

ಟ್ಯುನಿಷಿಯಾ: ದೋಣಿ ಮುಳುಗಿ 50ಕ್ಕೂ ಹೆಚ್ಚು ವಲಸಿಗರ ಸಾವು

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಕೈರೋ, (ಈಜಿಪ್ಟ್), ಜೂನ್ 4: ಮೆಡಿಟರೇನಿಯನ್ ಸಮುದ್ರದಲ್ಲಿ ದೋಣಿಯೊಂದು ಮುಳುಗಿ 50ಕ್ಕೂ ಹೆಚ್ಚು ವಲಸಿಗರು ಮೃತಪಟ್ಟ ದಾರುಣ ಘಟನೆ ಟ್ಯುನಿಷಿಯಾದ ದಕ್ಷಿಣ ಕರಾವಳಿ ಪ್ರದೇಶದಲ್ಲಿ ನಡೆದಿದೆ.

    75-90 ಮಂದಿ ಕೂರಬಹುದಾದ ದೋಣಿಯಲ್ಲಿ ಸುಮಾರು 180 ಮಂದಿ ಪ್ರಯಾಣ ಮಾಡುತ್ತಿದ್ದರು. ದೋಣಿಯಲ್ಲಿ ಬಿರುಕು ಉಂಟಾಗಿದ್ದರಿಂದ ನೀರು ಒಳನುಗ್ಗಿ ಮುಳುಗಿದೆ.

    ಮಗುವನ್ನು ರಕ್ಷಿಸಿದ ಅಕ್ರಮ ವಲಸಿಗ 'ಸ್ಪೈಡರ್‌ಮ್ಯಾನ್‌'ಗೆ ಫ್ರಾನ್ಸ್ ಪೌರತ್ವ

    ರಕ್ಷಣಾ ಕಾರ್ಯಾಚರಣೆಯನ್ನು ನಡೆಸುತ್ತಿರುವ ಟ್ಯುನಿಷಿಯಾ ಸೇನಾ ಪಡೆ, 48 ಮೃತದೇಹಗಳನ್ನು ಹೊರತೆಗೆದಿದೆ. 60ಕ್ಕೂ ಹೆಚ್ಚು ಜನರನ್ನು ರಕ್ಷಿಸಿದೆ.

    More than 50 migrants die in mediterranean sea

    ಉದ್ಯೋಗ ಮತ್ತು ಆಹಾರಕ್ಕಾಗಿ ಪರದಾಡುತ್ತಿರುವ ಆಫ್ರಿಕಾದ ವಿವಿಧ ದೇಶಗಳ ಜನರು ಯುರೋಪ್‌ನತ್ತ ಮೆಡಿಟರೇನಿಯನ್ ಸಮುದ್ರದ ಮೂಲಕ ವಲಸೆ ಹೋಗುವುದು ಸಾಮಾನ್ಯವಾಗಿದೆ.

    ಅಕ್ರಮ ವಲಸಿಗರು ದೋಣಿ, ಹಡಗುಗಳನ್ನು ಬಳಸಿ ಸೇನಾ ಪಡೆಗಳ ಕಣ್ತಪ್ಪಿಸಿ ಮೆಡಿಟರೇನಿಯನ್ ಸಮುದ್ರದ ಮೂಲಕ ಇಟಲಿ, ಫ್ರಾನ್ಸ್ ಮುಂತಾದ ದೇಶಗಳನ್ನು ತಲುಪಲು ಪ್ರಯತ್ನಿಸುತ್ತಾರೆ. ದೋಣಿಯ ಸಾಮರ್ಥ್ಯಕ್ಕಿಂತಲೂ ಅಧಿಕ ವಲಸಿಗರು ಅದರಲ್ಲಿ ತುಂಬಿಕೊಳ್ಳುವುದರಿಂದ ಸಮುದ್ರದಲ್ಲಿ ದೋಣಿ ಮುಳುಗಿ ವಲಸಿಗರು ಮೃತಪಟ್ಟ ಅನೇಕ ಘಟನೆಗಳು ನಡೆದಿವೆ.

    ಲಿಬಿಯಾದಲ್ಲಿ ಭೀಕರ ದೋಣಿ ದುರಂತ, 90 ನಿರಾಶ್ರಿತರು ದುರ್ಮರಣ

    ಫೆಬ್ರುವರಿ 2ರಂದು ಲಿಬಿಯಾದ ಕರಾವಳಿ ತೀರದಲ್ಲಿ ಮೆಡಿಟರೇನಿಯನ್‌ನಲ್ಲಿ ಉಂಟಾದ ದೋಣಿ ಅವಘಡದಲ್ಲಿ ಕನಿಷ್ಠ 90 ವಲಸಿಗರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದರು.

    ಯುರೋಪ್‌ಗೆ ತೆರಳಲು ಬಯಸುವ ಆಫ್ರಿಕಾದ ವಲಸಿಗರು ಟರ್ಕಿಯ ಮೂಲಕ ಸಮುದ್ರ ಮಾರ್ಗದಲ್ಲಿ ಹೋಗುತ್ತಾರೆ. 2018ರಲ್ಲಿ ಇದುವರೆಗೂ 32,601 ವಲಸಿಗರು ಸಮುದ್ರದಲ್ಲಿನ ದೋಣಿ ದುರಂತಗಳಲ್ಲಿ ಬದುಕುಳಿದಿದ್ದಾರೆ. ಇನ್ನು 649 ಮಂದಿ ಮೃತಪಟ್ಟಿದ್ದಾರೆ ಅಥವಾ ಕಾಣೆಯಾಗಿದ್ದಾರೆ ಎಂದು ವಿಶ್ವಸಂಸ್ಥೆಯ ನಿರಾಶ್ರಿತರ ಸಂಸ್ಥೆ ದಾಖಲೆಗಳು ಹೇಳಿವೆ.

    2011ರಲ್ಲಿ ನಾಗರಿಕ ಯುದ್ಧಗಳು ಆರಂಭವಾದಾಗಿನಿಂದ ಅಕ್ರಮ ವಲಸೆ ಪ್ರಕ್ರಿಯೆ ಹೆಚ್ಚಾಗಿದೆ. ಲಕ್ಷಾಂತರ ಮಂದಿ ಮೆಡಿಟರೇನಿಯನ್ ಸಮುದ್ರವನ್ನು ದಾಟಿ ಯುರೋಪಿಯನ್ ದೇಶಗಳಿಗೆ ವಲಸೆ ಹೋಗುತ್ತಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    More than 50 Migrants died in boat capsize in Tunisia southern coast. The boat had a maximum capacity of 75-90 people. But more than 180 migrants were trying to cross the sea in that boat.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more