ಭಾರತ-ಚೀನಾದಿಂದ 24 ಪ್ರಮುಖ ಒಪ್ಪಂದಕ್ಕೆ ಸಹಿ

ಬೀಜಿಂಗ್, ಮೇ.15: ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಮೂರು ರಾಷ್ಟ್ರಗಳ ಪ್ರವಾಸದ ಎರಡನೇ ದಿನವಾದ ಶುಕ್ರವಾರ ಫುಲ್ ಮೀಟಿಂಗ್, ಚಾಟಿಂಗ್, ಒಪ್ಪಂದಗಳಿಗೆ ಸಹಿ ಹಾಕಿಂಗ್. ಗುರುವಾರ ರಿಲ್ಯಾಕ್ಸ್ ಮೂಡ್ ನಲ್ಲಿದ್ದ ಮೋದಿ ಅವರಿಗೆ ಇವತ್ತು ಮಹತ್ವದ ಚರ್ಚೆ ನಡೆಸಿದ್ದಾರೆ. ಭಾರತ ಹಾಗೂ ಚೀನಾ ನಡುವೆ 24 ಪ್ರಮುಖ ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ.

ಭಾರತದ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಚೀನಾ ಪ್ರಧಾನಿ ಕೆಖಿಯಾಂಗ್ ಅವರೊಂದಿಗೆ 10 ಬಿಲಿಯನ್ ಡಾಲರ್ ಮೌಲ್ಯದ ಮಹತ್ವದ 24 ಒಪ್ಪಂದಗಳಿಗೆ ಸಹಿ ಹಾಕಿದ್ದಾರೆ. [ಭಾರತದಲ್ಲಿ ಸಹಿ ಕಂಡ 12 ಒಪ್ಪಂದಗಳು]

ಪ್ರವಾಸೋದ್ಯಮ ವಲಯದಲ್ಲಿ ಪರಸ್ಪರ ಸಹಕಾರ, ಭೂವಿಜ್ಞಾನ ತಂತ್ರಜ್ಞಾನ, ಚೀನಾ ದೇಶದ ಅಭಿವೃದ್ಧಿ ಸಂಶೋಧನಾ ಕೇಂದ್ರ, ಸಿಸ್ಟರ್ ಸಿಟಿ, ದೂರದರ್ಶನ, ಕಲೆ, ಸಂಸ್ಕೃತಿ, ವಿಜ್ಞಾನ ತಂತ್ರಜ್ಞಾನ, ರೈಲ್ವೆ ವಲಯ, ಶಿಕ್ಷಣ, ಮೂಲ ಸೌಕರ್ಯ ಅಭಿವೃದ್ಧಿ, ಕೌಶಲ್ಯ ಅಭಿವೃದ್ಧಿ ಸೇರಿದಂತೆ ಅನೇಕ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರಕ್ಕೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. [ಚೀನಾದಲ್ಲಿ ಮೋದಿ: ಚೀನಿ ಪತ್ರಿಕೆಗಳ ಟೀಕೆ-ಟಿಪ್ಪಣಿ]

We deal with State Govts in a spirit of partnership and with sensitivity to their concerns: PM Modi #ModiInChina pic.twitter.com/paNg8F5SCv

— ANI (@ANI_news) May 15, 2015

ಚೀನಾ ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರ ತವರೂರಿಗೆ ಕ್ಸಿಯಾನ್ ಪ್ರಾಂತ್ಯಕ್ಕೆ ಭೇಟಿ ನೀಡುವ ಮೂಲಕ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಮೂರು ದಿನಗಳ ಪ್ರವಾಸ ಆರಂಭ ಮಾಡಿದ್ದರು.

Press Statements being made by PM @narendramodi and Premier Li pic.twitter.com/xiTCiMPbqa

— Vikas Swarup (@MEAIndia) May 15, 2015

ಟೆರಾಕೋಟಾ ವಾರಿಯರ್ಸ್ ಮ್ಯೂಸಿಯಂ ಭೇಟಿ, ಕ್ಸಿಂಗ್ ಶಾನ್ ದೇಗುಲ, ಬಿಗ್ ವೈಲ್ಡ್ ಗೂಸೆ ಪಗೋಡಾಗೆ ಭೇಟಿ, ಪಾಟ್ ಸಿಟಿ ನಡಿಗೆ, ಅಧ್ಯಕ್ಷರಿಗೆ ಜಿನ್ ಪಿಂಗ್ ಗೆ ಬೋಧಿ ಸಸಿ ಹಸ್ತಾಂತರ ಎಲ್ಲವೂ ಮೊದಲ ದಿನದ ಮುಖ್ಯಾಂಶವಾಗಿತ್ತು.

ಭಾರತ ಹಾಗೂ ಚೀನಾ ನಡುವೆ ಸಹಿ ಕಂಡ 24 ಒಪ್ಪಂದಗಳ ಪಟ್ಟಿ:
1. ಚೆಂಗ್ಡು ಹಾಗೂ ಚೆನ್ನೈ ನಡುವೆ ರಾಯಭಾರಿ ಕಚೇರಿ ಸ್ಥಾಪನೆಗೆ ಅಧಿಸೂಚನೆ.
2. ಕೌಶಲ್ಯ ಅಭಿವೃದ್ಧಿಗಾಗಿ ಮಹಾತ್ಮ ಗಾಂಧಿ ಇನ್ಶ್ಟಿಟ್ಯೂಟ್ ಸ್ಥಾಪನೆ. ವೃತ್ತಿಪರ ತರಬೇತಿ ಶಿಕ್ಷಣ ಹಾಗೂ ಅಭಿವೃದ್ಧಿಯಲ್ಲಿ ಸಹಕಾರಕ್ಕಾಗಿ ಒಪ್ಪಂದ.
3. ವ್ಯಾಪಾರ ವಹಿವಾಟು ಪರಸ್ಪರ ಸಹಕಾರಕ್ಕಾಗಿ ಹೊಸ ಒಪ್ಪಂದ.
4. ವಿದೇಶಾಂಗ ಸಚಿವಾಲಯ ಹಾಗೂ ಸೆಂಟರ್ ಕಮಿಟಿ ಆಫ್ ಕಮ್ಯೂನಿಸ್ಟ್ ಪಾರ್ಟಿ ಆಫ್ ಚೀನಾ(ಸಿಸಿಸಿಪಿಸಿ) ಜೊತೆ ಸಹಕಾರ ಒಪ್ಪಂದ.
5. ಭಾರತೀಯ ರೈಲ್ವೆ ಹಾಗೂ ನ್ಯಾಷನಲ್ ರೈಲ್ವೆ ಅಡ್ಮಿನಿಸ್ಟ್ರೇಷನ್ ಆಫ್ ಚೀನಾ ನಡುವೆ ಒಪ್ಪಂದ.
6. ಶೈಕ್ಷಣಿಕ ವಿನಿಮಯ ಒಪ್ಪಂದ.
7. ಗಣಿ ಹಾಗೂ ಖನಿಜ ಕ್ಷೇತ್ರದಲ್ಲಿ ಸಹಕಾರಕ್ಕಾಗಿ ಒಪ್ಪಂದ.
8. ಬಾಹ್ಯಾಕಾಶ ಯೋಜನೆ ಹಾಗೂ ಖಗೋಳದಲ್ಲಿ ಸಹಕಾರಕ್ಕಾಗಿ ಒಪ್ಪಂದ.
9. ಜೈವಿಕ ಇಂಧನ ನೀಡುವ ಸಸ್ಯ ಹಾಗೂ ಬೀಜಗಳ(Rapeseed oil) ಆಮದು-ರಫ್ತು ಸಹಕಾರಕ್ಕಾಗಿ ಒಪ್ಪಂದ.
10. ಸಿಸಿಟಿವಿ ಹಾಗೂ ದೂರದರ್ಶನ ನಡುವೆ ವಿಚಾರ ವಿನಿಮಯ ಒಪ್ಪಂದ.
11. ಪ್ರವಾಸೋದ್ಯಮ ಇಲಾಖೆಯಿಂದ ವಿವಿಧ ಒಪ್ಪಂದಕ್ಕೆ ಸಹಿ.
12. ಕುಶಲಕರ್ಮಿಗಳು, ಪಂಡಿತರ ನಡುವೆ ನಿರಂತರ ಸಂಪರ್ಕಕ್ಕಾಗಿ ಒಪ್ಪಂದ.
13. ನೀತಿ ಆಯೋಗ ಹಾಗೂ ಸಂಶೋಧನಾ ಅಭಿವೃದ್ಧಿ ಕೇಂದ್ರ ಸಹಕಾರಕ್ಕಾಗಿ ಒಪ್ಪಂದ
14. ಭೂಕಂಪ ವಿಜ್ಞಾನ ಹಾಗೂ ಇಂಜಿನಿಯರಿಂಗ್ ನಲ್ಲಿ ಪರಸ್ಪರ ನೆರವಿಗಾಗಿ ಒಪ್ಪಂದ.
15. ಸಾಗರ ವಿಜ್ಞಾನ, ಹವಾಮಾನ ವೈಪರೀತ್ಯ ಕುರಿತಂತೆ ಅಧ್ಯಯನ, ಸಂಶೋಧನೆ, ನೆರವು.
16. ಭೂಗರ್ಭ ವಿಜ್ಞಾನ ಕ್ಷೇತ್ರದಲ್ಲಿ ಅಭಿವೃದ್ಧಿಗಾಗಿ ಒಪ್ಪಂದ.
17. ರಾಜ್ಯ ಹಾಗೂ ಪ್ರಾಂತ್ಯಗಳ ನಾಯಕರ ನಡುವೆ ಒಡಂಬಡಿಕೆ.
18. ಭಾರತದ ರಾಜ್ಯ, ಮುನ್ಸಿಪಾಲಿಟಿ ಮಟ್ಟದ ಮಾತುಕತೆಗೂ ಒಪ್ಪಂದ.
19. ಸಿಚೂಯಾನ್ ಹಾಗೂ ಕರ್ನಾಟಕ ನಡುವೆ ಸಿಸ್ಟರ್ ಸಿಟಿ ಒಪ್ಪಂದ.
20. ಚೆನ್ನೈ ಹಾಗೂ ಚೊನ್ಗ್ ಗಿಂಗ್ ನಡುವೆ ಸಿಸ್ಟರ್ ಸಿಟಿ ಒಪ್ಪಂದ.
21. ಹೈದರಾಬಾದ್ ಹಾಗೂ ಗಿಂಗ್ಡೋ ನಡುವೆ ಸೋದರ ಸಂಬಂಧ.
22. ಔರಂಗಾಬಾದ್ ಹಾಗೂ ಡಂಹುಯಾಂಗ್ ನಡುವೆ ಸಿಸ್ಟರ್ ಸಿಟಿ.
23. ICCR ಹಾಗೂ ಫುಡಾನ್ ವಿವಿ ನಡುವೆ ಗಾಂಧಿ ವಿಚಾರಧಾರೆ ಅಧ್ಯಯನ ವಿನಿಮಯಕ್ಕೆ ಒಪ್ಪಂದ
24. ಕುಮ್ನಿಂಗ್ ನಲ್ಲಿ ಯೋಗ ಶಾಲೆ ಸ್ಥಾಪನೆಗೆ ಒಡಂಬಡಿಕೆಗೆ ಸಹಿ.

{document1}

(ಒನ್ ಇಂಡಿಯಾ ಸುದ್ದಿ)

English summary

Modi in China: India, China sign 24 pacts including those on sister cities, outer space, education exchange, railways