ಬಾರ್ಸಿಲೋನಾ: 2ನೇ ಬಾರಿ ದಾಳಿಗೆ ಯತ್ನಿಸಿದ ನಾಲ್ವರು ಉಗ್ರರು ಉಡೀಸ್
ಮ್ಯಾಡ್ರಿಡ್, ಆಗಸ್ಟ್ 18 : ಸ್ಪೇನ್ ನ ಬಾರ್ಸಿಲೋನಾ ನಗರದ ರಾಂಬ್ಲಾಸ್ ನಲ್ಲಿ ಉಗ್ರರು ದಾಳಿ ನಡೆಸಿದ ಬಳಿಕ 2ನೇ ಬಾರಿಗೆ ಕ್ಯಾಂಬ್ರಿಲ್ಸ್ ನಲ್ಲಿ ದಾಳಿಗೆ ಯತ್ನಿಸಿದ ನಾಲ್ವರು ಉಗ್ರರನ್ನು ಸ್ಪೇನ್ ಭದ್ರತಾ ಪಡೆ ಹೊಡೆದುರಿಳಿಸಿದೆ.
ಗುರುವಾರ ಸ್ಪೇನ್ ನ ರಾಜಧಾನಿಯಾದ ಬಾರ್ಸಿಲೋನಾದ ಮಧ್ಯ ಭಾಗದಲ್ಲಿರುವ ರಾಂಬ್ಲಾಸ್ ನಲ್ಲಿ ನೆರೆದಿದ್ದ ಜನ ಸಮೂಹದ ಮೇಲೆ ಉಗ್ರರು ಏಕಾಏಕಿ ಟ್ರಕ್ ನುಗ್ಗಿಸಿ 13 ಜನರನ್ನು ಬಲಿ ತೆಗೆದುಕೊಂಡಿದ್ದರು. ಇದಾದ ಬಳಿಕ ಇದೇ ಉಗ್ರರು ಕ್ಯಾಂಬ್ರಿಲ್ಸ್ ನಲ್ಲಿ ದಾಳಿ ನಡೆಸಲು ಯತ್ನಿಸಿದ್ದು, 6 ನಾಗರಿಕರು ಓರ್ವ ಪೊಲೀಸ್ ಗಾಯಗೊಂಡಿದ್ದಾರೆ.
ಕ್ಯಾಂಬ್ರಿಲ್ಸ್ ನಲ್ಲಿ ದಾಳಿ ವೇಳೆ ಇಲ್ಲಿನ ಭದ್ರತಾ ಪಡೆ ನಾಲ್ವರು ಉಗ್ರರನ್ನು ಹತ್ಯೆ ಮಾಡುವಲ್ಲಿ ಯಶಸ್ವಿಯಾಗಿದೆ. ಇನ್ನುಳಿದ ಉಗ್ರರು ಬಾರ್ಸಿಲೋನಾ ನಗರ ಬಿಟ್ಟು ಪರಾರಿಯಾಗದಂತೆ ನಗರದ ಪ್ರಮುಖ ರಸ್ತೆಗಳಲ್ಲಿ ನಾಕಾಬಂದಿ ಹಾಕಲಾಗಿದ್ದು, ಸೇನಾ ಕಾರ್ಯಾಚರಣೆ ಆರಂಭಿಸಲಾಗಿದೆ.
ಈ ದಾಳಿ ಜಿಹಾದಿಗಳದ್ದಾಗಿದೆ ಎಂದು ಸ್ಪೇನ್ ಪ್ರಧಾನಿ ಅಭಿಪ್ರಾಯಪಟ್ಟಿದ್ದಾರೆ.
Click it and Unblock the Notifications
Sign in with Google