ವೆಂಟಿಲೇಟರ್ನಲ್ಲಿರುವ ಕೊರೊನಾ ಸೋಂಕಿತರಿಗೆ ಶಾಶ್ವತ ನರ ಹಾನಿ ಆತಂಕ
ತೀವ್ರ ಅನಾರೋಗ್ಯದಿಂದಾಗಿ ವೆಂಟಿಲೇಟರ್ನಲ್ಲಿ ಇರಿಸಿರುವ ಕೊವಿಡ್19 ರೋಗಿಗಳಿಗೆ ಶಾಶ್ವತ ನರ ಹಾನಿ ಉಂಟಾಗಬಲ್ಲದು ಎಂದು ಅಧ್ಯಯನವೊಂದು ಹೇಳಿದೆ.
ಉಸಿರಾಟ ಸುಲಭವಾಗಲಿ ಎಂದು ಮುಖವನ್ನು ಮೇಲೆ ಮಾಡಿ ವೆಂಟಿಲೇಟರ್ನಲ್ಲಿ ರೋಗಿಗಳನ್ನು ಮಲಗಿಸಿರುತ್ತಾರೆ ಅದರಿಂದ ನರಹಾನಿ ಉಂಟಾಗುವ ಸಾಧ್ಯತೆ ಹೆಚ್ಚಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಅಮೆರಿಕ ನಾರ್ಥ್ ವೆಸ್ಟರ್ನ್ ಯೂನಿವರ್ಸಿಟಿ ಈ ಅಧ್ಯಯನ ಮಾಡಿದೆ. ನರಕ್ಕೆ ಹಾನಿಯಾಗುವುದರಿಂದ ರಕ್ತದ ಹರಿವಿನಲ್ಲೂ ವ್ಯತ್ಯಾಸ ಉಂಟಾಗಿ ಉರಿಯೂತ ಉಂಟಾಗುವ ಸಾಧ್ಯತೆ ಇದೆ.
ಆದರೆ ಕೊವಿಡ್ 19 ರೋಗವಿಲ್ಲದ ಸಾಮಾನ್ಯ ರೋಗಿಯನ್ನು ವೆಂಟಿಲೇಟರ್ನಲ್ಲಿ ಮಲಗಿಸಿರುವಾಗ ಅವರಿಗೆ ಇಂತಹ ಯಾವುದೇ ತೊಂದರೆ ಉಂಟಾಗಿಲ್ಲ ಎಂಬುದು ಕೂಡ ಸಾಬೀತಾಗಿದೆ.
ವೆಂಟಿಲೇಟರ್ನಲ್ಲಿರುವ ಶೇ.12 ರಿಂದ 15ರಷ್ಟು ರೋಗಿಗಳಿಗೆ ಶಾಶ್ವತವಾಗಿ ನರದ ತೊಂದರೆ ಕಾಣಿಸಿಕೊಳ್ಳಲಿದೆ. ವಿಶ್ವದಾದ್ಯಂತ ಇರುವ ಕೊರೊನಾ ಸೋಂಕಿತರಲ್ಲಿ ಸಾವಿರಕ್ಕೂ ಹೆಚ್ಚು ರೋಗಿಗಳಿಗೆ ಈ ತೊಂದರೆ ಕಾಣಿಸಿಕೊಂಡಿದೆ.
ನರಕ್ಕೆ ಹಾನಿಯಾಗುವುರಿಂದ ದೇಹದ ಒಂದು ಭಾಗ ಸ್ವಾಧೀನ ಕಳೆದುಕೊಳ್ಳುವ ಸಾಧ್ಯತೆ ಇದೆ. ಕೈ ಮರಗಟ್ಟಿದಂತಾಗುವುದು, ಓಡಾಡಲು ತೊಂದರೆ, ಸೊಂಟ ನೋವು ಇನ್ನಿತರೆ ತೊಂದರೆಗಳು ಕಾಣಿಸಿಕೊಳ್ಳಲಿವೆ.
ಕೆಲವು ಮಂದಿ ವ್ಹೀಲ್ಚೇರ್ನಲ್ಲಿ ಓಡಾಡುತ್ತಿದ್ದಾರೆ, ಮತ್ತಷ್ಟು ಮಂದಿ ಊರುಗೋಲುಗಳನ್ನು ಹಿಡಿದುಕೊಂಡು ಓಡಾಡುವಂತಾಗಿದೆ.
Click it and Unblock the Notifications
Sign in with Google