Click it and Unblock the Notifications
Just In
-
-
-
Don't Miss
-
CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್ -
ಅಯೋಧ್ಯೆಯಲ್ಲಿ ಓಲಾ ಕ್ಯಾಬ್ ಸೇವೆ ಆರಂಭ -
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಪರಾಧಿಯ ಸಣ್ಣ ವಯಸ್ಸಿನ ಫೋಟೋ ಹಾಕಿ ಚೀನಾ ಪೊಲೀಸರ ಎಡವಟ್ಟು
ನೈರುತ್ಯ ಚೀನಾದ ಪೊಲೀಸರು ತಾವು ಮಾಡಿದ ಘನಂದಾರಿ ಕೆಲಸಕ್ಕೆ ಕ್ಷಮೆ ಕೋರಿದ್ದಾರೆ. ಅಪರಾಧಿಯೊಬ್ಬನ ಫೋಟೋವನ್ನು ಹಾಕುವ ಜಾಗದಲ್ಲಿ ಆತನ ಬಾಲ್ಯದ ಫೋಟೋ ಹಾಕಿ, ನಗೆಪಾಟಲಾಗಿದ್ದಾರೆ. ಈ ಫೋಟೋವನ್ನು ಮಂಗಳವಾರದಂದು ಝೆನ್ ಕ್ಸಿಯಾಂಗ್ ನ ಯುನ್ನಾನ್ ಪ್ರಾಂತ್ಯದ ಪೊಲೀಸರು ಬಿಡುಗಡೆ ಮಾಡಿದ್ದಾರೆ ಎಂದು ಸೌಥ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿ ಮಾಡಿದೆ.
ಪೊಲೀಸರು ಒಟ್ಟು ನೂರು ಫೋಟೋ ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿ ನಾಲ್ಕು ಮಕ್ಕಳ ಭಾವಚಿತ್ರಗಳಾಗಿದ್ದು, ಅದರಲ್ಲೂ ಒಂದು ಫೋಟೋ ಆನ್ ಲೈನ್ ನಲ್ಲಿ ವೈರಲ್ ಆಗಿದೆ. ಪ್ರಾಥಮಿಕ ಶಾಲೆ ಓದುವ ವಯಸ್ಸಿನ ವಿದ್ಯಾರ್ಥಿ ನೀಲಿ ಶರ್ಟ್ ಹಾಕಿದ್ದು, ಅಮಾಯಕನಾಗಿ ಕ್ಯಾಮೆರಾ ಕಡೆಗೆ ನೋಡುತ್ತಿದ್ದಾನೆ.
ಜಿ ಕಿಂಗೈ, ಪುರುಷ, ಹನ್ ಜನಾಂಗ... ಸಾರ್ವಜನಿಕವಾಗಿ ಅತಿರೇಕದ ವರ್ತನೆ ಮಾಡಿದ ಪ್ರಕರಣದಲ್ಲಿ ಬೇಕಾಗಿದ್ದಾನೆ ಎಂದು ಪೊಲೀಸ್ ಘೋಷಣೆಯ ನೋಟಿಸ್ ನಲ್ಲಿದೆ. ಅದರಲ್ಲಿ ಐಡಿ ಸಂಖ್ಯೆ ಕೂಡ ಇದೆ. ಯಾವಾಗ ಈ ಫೋತೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿ, ಪೊಲೀಸರನ್ನು ಟ್ರೋಲ್ ಮಾಡಲು ಶುರುವಾಯಿತೋ ಆಗ ಎಚ್ಚೆತ್ತು, ನಮ್ಮ ಬಳಿ ಆತನ ಈಚಿನ ಫೋಟೋ ಇರಲಿಲ್ಲ ಎಂದು ಪೊಲೀಸರು ಸಮರ್ಥನೆ ನೀಡಿದ್ದಾರೆ.
ಆತನ ಕಣ್ಣು, ಮೂಗು, ಕಿವಿ, ಬಾಯಿ, ಕಣ್ಣು ಹುಬ್ಬು ಹೀಗೆ ಆತನ ಚಹರೆಯಲ್ಲಿ ಅಂಥ ಬದಲಾವಣೆ ಆಗಿಲ್ಲ. ಬೇರೆ ಯಾವುದೇ ಸುಳಿವಿದ್ದರೆ ಜನರೇ ನೀಡಲಿ ಎಂದಿದ್ದಾರೆ ಪೊಲೀಸರು. ಆದರೆ ಯಾವಾಗ ವಿಪರೀತ ಟೀಕೆ ವ್ಯಕ್ತವಾಯಿತೋ ಪೊಲೀಸರು ಕ್ಷಮೆ ಕೋರಿದ್ದರೆ.
