ನೆದರ್ ಲ್ಯಾಂಡ್ಸ್ ನ ಹೇಗ್ ನಲ್ಲಿ ವಿಶ್ವ ಯೋಗ ದಿನಾಚರಣೆ
ಹೇಗ್, ಜೂನ್ 19: ಇಡೀ ಮನುಕುಲಕ್ಕೆ ಭಾರತ ನೀಡಿದ ಕೊಡುಗೆ ಯೋಗ. ಇಂಥ ಯೋಗ ದಿನಾಚರಣೆಗೆ ಮೂರು ವರ್ಷದ ಹಿಂದೆ ಪ್ರಧಾನಿ ಮೋದಿ ಚಾಲನೆ ಕೊಟ್ಟರು ಎಂದು ನೆದರ್ ಲ್ಯಾಂಡ್ಸ್ ಗೆ ಭಾರತದ ನೂತನ ರಾಯಭಾರಿ ಆಗಿರುವ ವೇಣು ರಾಜಮೊಣಿ ಅವರು ಹೇಳಿದರು.
ನೆದರ್ ಲ್ಯಾಂಡ್ಸ್ ನ ಹೇಗ್ ನಲ್ಲಿ ಜೂನ್ ಹದಿನೆಂಟರ ಭಾನುವಾರ ಹೇಗ್ ನ ಐಸ್ ಪ್ಯಾಲೇಸ್ ನಲ್ಲಿ ಭಾರತ ರಾಯಭಾರ ಕಚೇರಿ ಆಯೋಜಿಸಿದ್ದ ಮೂರನೇ ಅಂತರರಾಷ್ಟ್ರೀಯ ಯೋಗ ದಿನ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
ತುಂಬ ದೊಡ್ಡ ಮಟ್ಟದಲಿ ಆಚರಿಸಿದ ಯೋಗ ದಿನ ಕಾರ್ಯಕ್ರಮದಲ್ಲಿ ಸಾವಿರ ಮಂದಿ ಪಾಲ್ಗೊಂಡಿದ್ದರು. ಕಾರ್ಯಕ್ರಮಕ್ಕೆ ಹೇಗ್ ಸಿಟಿ ಕೌನ್ಸಿಲ್ ನ ಬೆಂಬಲವಿತ್ತು. ಯೋಗದ ಅಭ್ಯಾಸ ನಡೆದ ವೇಳೆ ಭಾರತೀಯ ಕ್ರಿಕೆಟರ್ ಸುರೇಶ್ ರೈನಾ, ನೆಂದರ್ ಲ್ಯಾಂಡ್ಸ್ ನ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಜೋರಿಸ್ ಗ್ರೀವನ್, ಮಿಸ್ ಇಂಡಿಯಾ ಹಾಲೆಂಡ್ 2017 ಪ್ರೀತಿ ಧಿಲ್ಲೋನ್ ಮತ್ತಿತರರು ಪಾಲ್ಗೊಂಡಿದ್ದರು.
ಇನ್ನು ಈ ಕಾರ್ಯಕ್ರಮಕ್ಕೆ ಇಂಡಿಯನ್ ಕೌನ್ಸಿಲ್ ಫಾರ್ ಕಲ್ಚರಲ್ ರಿಲೇಷನ್ಸ್, ಭಾರತೀಯ ಪ್ರವಾಸೋದ್ಯಮ-ಆಮ್ ಸ್ಟರ್ ಡ್ಯಾಮ್, ಆರ್ಟ್ ಆಫ್ ಲಿವಿಂಗ್ ಫೌಂಡೇಷನ್, ಇಷಾ ಫೌಂಡೇಷನ್ ಮತ್ತು ಜೆಟ್ ಏರ್ ವೇಸ್ ನ ಸಹಯೋಗದಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ಭಾರತ ರಾಯಭಾರ ಕಚೇರಿಯ ಸಾಂಸ್ಕೃತಿಕ ವಿಭಾಗದ ಹೇಗ್ ನ ಗಾಂಧಿ ಕೇಂದ್ರದ ಯೋಗ ತಜ್ಞ ಡಾ.ಅಮಿತ್ ಖನ್ನಾ ಯೋಗ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು. ನವದೆಹಲಿಯ ಮೊರಾರ್ಜಿ ದೇಸಾಯಿ ನ್ಯಾಷನಲ್ ಇನ್ ಸ್ಟಿಟ್ಯೂಟ್ ಆಫ್ ಯೋಗದ ಶಿಖಾ ಖನ್ನಾ, ಆರ್ಟ್ ಆಫ್ ಲಿವಿಂಗ್ ನ ಮೆಡೆಲಿನ್ ಗಾಸ್ತ್ರಾ ಮತ್ತು ಸ್ಥಳೀಯ ಯೋಗ ತರಬೇತುದಾರ ಫಾರೂಕ್ ಅಬ್ದುಲ್ ಖಾದರ್ ಭಾಗವಹಿಸಿದ್ದರು.
Click it and Unblock the Notifications
Sign in with Google