Rain: ಅನೇಕ ರಾಜ್ಯಗಳಲ್ಲಿ ಭಾರೀ ಮಳೆಯ ಎಚ್ಚರಿಕೆ, ಹಿಮಾಚಲ ಪ್ರದೇಶದಲ್ಲಿ ಹೈ ಅಲರ್ಟ್!
ನವದೆಹಲಿ ಜುಲೈ 18: ಕೊಂಕಣ, ಗೋವಾ, ಮಧ್ಯ ಮಹಾರಾಷ್ಟ್ರ ಮತ್ತು ಒಡಿಶಾದಲ್ಲಿ ಮುಂದಿನ ಐದು ದಿನಗಳಲ್ಲಿ ಮತ್ತು ಗುಜರಾತ್ನಲ್ಲಿ ಜುಲೈ 19 ರಿಂದ ಭಾರೀ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಸೋಮವಾರ ತಿಳಿಸಿದೆ. ಉತ್ತರಾಖಂಡ ಮತ್ತು ಮಧ್ಯ ಭಾರತದಲ್ಲಿ ಮುಂದಿನ ಎರಡು ದಿನಗಳಲ್ಲಿ ಭಾರೀ ಮಳೆ ಮುಂದುವರೆಯಲಿದೆ ಎಂದು ಐಎಂಡಿ ಮುನ್ಸೂಚನೆ ನೀಡಿದೆ.
ನೈಋತ್ಯ ಮಾನ್ಸೂನ್ನ ಮತ್ತೊಂದು ಸಕ್ರಿಯವಾಗುವ ಹಂತ ಪ್ರಾರಂಭವಾಗುವ ನಿರೀಕ್ಷೆಯಿರುವುದರಿಂದ ಹವಾಮಾನ ಇಲಾಖೆಯು ಜುಲೈ 21 ರವರೆಗೆ ಹಲವಾರು ರಾಜ್ಯಗಳಿಗೆ ಮಳೆ ಎಚ್ಚರಿಕೆಯನ್ನು ನೀಡಿದೆ. ಹಿಮಾಚಲ ಪ್ರದೇಶ, ಉತ್ತರಾಖಂಡ, ಮಹಾರಾಷ್ಟ್ರ, ಒಡಿಶಾ, ಗುಜರಾತ್, ಮಧ್ಯಪ್ರದೇಶ ಮತ್ತು ದಕ್ಷಿಣ ಭಾರತದ ಕೆಲವು ಭಾಗಗಳಿಗೆ ಅಧಿಕ ಮಳೆಯಾಗುವ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.
⚠️Orange Alerts ⚠️ Rainfall activity to increase in Gujarat state from 18th July
— India Meteorological Department (@Indiametdept) July 17, 2023
with Heavy to Very heavy with Extremely heavy rainfall on 19th & 20th July.
Stay safe!#WeatherAlert #HeavyRainfallAlert #Monsoon2023 @moesgoi @DDNewslive @airnewsalerts@ndmaindia pic.twitter.com/m6mEJEI0SY
ಮಂಗಳವಾರ ಮತ್ತೊಂದು ಚಂಡಮಾರುತದ ಪರಿಚಲನೆ ಬೆಳೆಯಲಿದೆ. ಇದು ಉತ್ತಮ ಮಳೆಯನ್ನು ತರುವ ನಿರೀಕ್ಷೆಯಿದೆ. ಮಧ್ಯ ಮತ್ತು ಪರ್ಯಾಯ ದ್ವೀಪದಲ್ಲಿ ಮಳೆ ಕೊರತೆಯನ್ನು ಸರಿದೂಗಿಸಬಹುದು ಎಂದು IMD ಹೇಳಿದೆ. ಇದರೊಂದಿಗೆ ಉತ್ತರ ಭಾರತದಲ್ಲೂ ಮಳೆ ಮುಂದುವರಿಯಲಿದೆ.
ಜುಲೈ 21 ರವರೆಗೆ ರಾಯಗಡ್, ರತ್ನಗಿರಿ ಮತ್ತು ಪುಣೆ ಜಿಲ್ಲೆಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆಯಿದೆ ಎಂದು IMD ಎಚ್ಚರಿಕೆಯನ್ನು ನೀಡಿದೆ. ಜೊತೆಗೆ ಮಂಗಳವಾರದ ಅಮರಾವತಿ, ಬುಲ್ಧಾನ, ವಾರ್ಧಾ, ವಾಶಿಮ್. ಯವತ್ಮಾಲ್, ಪಾಲ್ಘರ್, ಥಾಣೆ, ಮುಂಬೈ, ಸಿಂಧುದುರ್ಗ, ಜಲಗಾಂವ್, ಕೊಲ್ಲಾಪುರ, ಸತಾರಾ, ಔರಂಗಾಬಾದ್, ಜಲ್ನಾ, ಅಕೋಲಾದಲ್ಲಿ ಹಳದಿ ಅಲರ್ಟ್ ಘೋಷಿಸಲಾಗಿದೆ.
⚠️Orange Alerts ⚠️ #Konkan & #Goa and #MadhyaMaharashtra likely to get Very Heavy rainfall for the next 5 days with Heavy to Very heavy with Extremely heavy rainfall on 19th July.
— India Meteorological Department (@Indiametdept) July 17, 2023
Stay safe!#WeatherAlert #HeavyRainfallAlert @moesgoi @DDNewslive @airnewsalerts @ndmaindia pic.twitter.com/EdsKbhxf4m
ದೆಹಲಿಯಲ್ಲಿ ಇಂದು ಬೆಳಗ್ಗೆ 7 ಗಂಟೆಗೆ ಯಮುನಾ ನೀರಿನ ಮಟ್ಟ 205.71 ಮೀಟರ್ಗೆ ತಲುಪಿದ್ದು, ಇನ್ನೂ ಅಪಾಯದ ಮಟ್ಟಕ್ಕಿಂತ ಹೆಚ್ಚಿದೆ. ಕೆಲವು ದಿನಗಳ ಹಿಂದೆ ನೀರಿನ ಮಟ್ಟ 208.66 ಮೀಟರ್ಗಳನ್ನು ಮುಟ್ಟಿದಾಗ ನಗರದ ಹಲವಾರು ಪ್ರಮುಖ ಪ್ರದೇಶಗಳು ಜಲಾವೃತಗೊಂಡವು. ನಿನ್ನೆಯಿಂದ ನೀರಿನ ಮಟ್ಟ ಏರಿಕೆಯಾಗುತ್ತಿದ್ದಂತೆ ಜನರು ಶಿಬಿರಗಳಲ್ಲಿ ಇರುವಂತೆ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಮನವಿ ಮಾಡಿದ್ದಾರೆ.
ವಾಯುವ್ಯ ಭಾರತ
ಪ್ರವಾಹ ಪೀಡಿತ ಹಿಮಾಚಲ ಪ್ರದೇಶದಲ್ಲಿ ಮುಂದಿನ ಮೂರು ದಿನಗಳ ಕಾಲ ಮಳೆಯಾಗುವ ಸಾಧ್ಯತೆಯಿದೆ. ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಅಂಕಿಅಂಶಗಳ ಪ್ರಕಾರ, ರಾಜ್ಯದಲ್ಲಿ ಜೂನ್ 24 ರಂದು ಮುಂಗಾರು ಪ್ರಾರಂಭವಾದಾಗಿನಿಂದ ಮಳೆ ಮತ್ತು ಪ್ರವಾಹಕ್ಕೆ 122 ಜನರು ಸಾವನ್ನಪ್ಪಿದ್ದಾರೆ.
Weather Warnings for the next 5 days.#IMD #Heavyrainfall #monsoon2023 #weatherforecast #WeatherUpdateToday #weatherupdate #weathernews #WeatherAlert@moesgoi @DDNewslive @airnewsalerts@ndmaindia pic.twitter.com/tBRBgAkxQT
— India Meteorological Department (@Indiametdept) July 17, 2023
ಅಂತೆಯೇ, ಪೂರ್ವ ರಾಜಸ್ಥಾನವು ಜುಲೈ 21 ರವರೆಗೆ ಭಾರೀ ಮಳೆಯನ್ನು ಅನುಭವಿಸುವ ಸಾಧ್ಯತೆಯಿದೆ. ಉತ್ತರಾಖಂಡ ಮತ್ತು ಪೂರ್ವ ರಾಜಸ್ಥಾನದಲ್ಲಿ ಜುಲೈ 18 ರಂದು ಅಧಿಕ ಮಳೆಯಿಂದ ಅತಿ ಹೆಚ್ಚು ಮಳೆಯಾಗುವ ನಿರೀಕ್ಷೆಯಿದೆ. ಮುಂದಿನ ಮೂರು ಅವಧಿಯಲ್ಲಿ ಪ್ರತ್ಯೇಕವಾದ ಗುಡುಗು ಮತ್ತು ಮಿಂಚುಗಳು ಸಹ ಮುಂದುವರಿಯುವ ಸಾಧ್ಯತೆಯಿದೆ.
ಉತ್ತರಾಖಂಡ, ಡೆಹ್ರಾಡೂನ್ ಮತ್ತು ಇತರ ಜಿಲ್ಲೆಗಳಲ್ಲಿ ಇಂದು ಬೆಳಿಗ್ಗೆ ಭಾರೀ ಮಳೆಯಾಗಿದೆ. IMD ಕುಮಾವೂನ್ ಪ್ರದೇಶದಲ್ಲಿ ಆರೆಂಜ್ ಅಲರ್ಟ್ ಘೋಷಿಸಿದ್ದು ಅಧಿಕ ಮಳೆಯಾಗುವ ಎಚ್ಚರಿಕೆ ನೀಡಲಾಗಿದೆ.
ಪೂರ್ವ ಭಾರತ
ಒಡಿಶಾದಲ್ಲಿ ಮುಂದಿನ ಐದು ದಿನಗಳಲ್ಲಿ ವ್ಯಾಪಕ ಮಳೆಯಾಗುವ ಸಾಧ್ಯತೆಯಿದೆ. ಇದೇ ರೀತಿಯ ಪರಿಸ್ಥಿತಿಗಳು ಜುಲೈ 18 ಮತ್ತು 19 ರಿಂದ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಮೇಲುಗೈ ಸಾಧಿಸಬಹುದು.
ಮಧ್ಯ ಭಾರತ
ಮಧ್ಯಪ್ರದೇಶ ಮತ್ತು ವಿದರ್ಭಗಳು ಮಂಗಳವಾರ ಪ್ರತ್ಯೇಕವಾಗಿ ಭಾರೀ ಮಳೆಯಾಗುವ ನಿರೀಕ್ಷೆಯಿದೆ. ಮುಂದಿನ ಐದು ದಿನಗಳಲ್ಲಿ IMD ಮುನ್ಸೂಚನೆಯ ಪ್ರಕಾರ, ಈ ಪ್ರದೇಶದಲ್ಲಿ ಗುಡುಗು, ಮಿಂಚಿನೊಂದಿಗೆ ಮಳೆಯಾಗುವ ಸಾಧ್ಯತೆಯಿದೆ.
ಪಶ್ಚಿಮ ಭಾರತ
ಗೋವಾ ಮತ್ತು ಕೊಂಕಣದಲ್ಲಿ ಮಂಗಳವಾರದಿಂದ ಮುಂದಿನ ಮೂರು ದಿನಗಳ ಕಾಲ ಪ್ರತ್ಯೇಕ ಭಾರೀ ಮಳೆಯಾಗುವ ಸಾಧ್ಯತೆಯಿದೆ. ಮಹಾರಾಷ್ಟ್ರದ ಘಟ್ಟ ಪ್ರದೇಶಗಳಲ್ಲಿ ಜುಲೈ 18 ರಿಂದ 20 ರವರೆಗೆ ಭಾರೀ ಮಳೆಯಾಗಲಿದೆ. ಜುಲೈ 19 ರಿಂದ 21 ರವರೆಗೆ ಗುಜರಾತ್ನಲ್ಲಿ ಭಾರೀ ಮಳೆಯಾಗಬಹುದು.
ಈಶಾನ್ಯ ಭಾರತ
ಮುಂದಿನ ಮೂರು ದಿನಗಳಲ್ಲಿ ಅಸ್ಸಾಂ, ಮೇಘಾಲಯ ಮತ್ತು ತ್ರಿಪುರಾದಲ್ಲಿ ಭಾರೀ ಗುಡುಗು ಮತ್ತು ಮಿಂಚಿನೊಂದಿಗೆ ಮಳೆ ಬೀಳುವ ಮುನ್ಸೂಚನೆ ಇದೆ.
Click it and Unblock the Notifications
Sign in with Google