ಚಿತ್ರಗಳಲ್ಲಿ: ಫಿಕ್ಕಿ ಸಭೆಯಲ್ಲಿ ಕಮಲ್ ಜತೆ ಸಂಸದೆ ರಮ್ಯಾ

By Mahesh

Updated: Wednesday, October 30, 2013, 19:29 [IST]

ಬೆಂಗಳೂರು, ಅ.30: ನಗರದಲ್ಲಿ 'ಮಾಧ್ಯಮ ಮತ್ತು ಮನರಂಜನೆ' ವಿಷಯ ಕುರಿತ ಎರಡು ದಿನಗಳ ಮಾಧ್ಯಮ ಕಮ್ಮಟ ನಡೆಯಿತು. ಖ್ಯಾತ ನಟ ಹಾಗೂ ಫಿಕ್ಕಿಯ ಮಾಧ್ಯಮ ಮತ್ತು ಮನರಂಜನೆ ವ್ಯಾಪಾರ ಕಮ್ಮಟದ ಮುಖ್ಯಸ್ಥ ಡಾ.ಕಮಲ್ ಹಾಸನ್ ಅವರು ಕಾರ್ಯಕ್ರಮದ ಆಕರ್ಷಣೆಯಾಗಿದ್ದರು.

ಮಂಡ್ಯ ಕ್ಷೇತ್ರ ಸಂಸದೆ ರಮ್ಯಾ ಅವರು ಹಾಗೂ ಹೀಗೂ ಬಿಡುವು ಮಾಡಿಕೊಂಡು ಕಮಲ್ ಹಾಸನ್ ಅವರ ಜತೆ ನಿಂತು ಒಂದು ಫೋಟೊ ಪ್ಲೀಸ್ ಎಂದು ಸ್ಮೈಲ್ ಮಾಡಿದರು. ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಕನ್ನಡ ಚಲನಚಿತ್ರ ಹಾಗೂ ಮಾಧ್ಯಮ ರಂಗದ ಅನೇಕ ಗಣ್ಯರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.

'ದೇಶದ ಶೇ.60ರಿಂದ 70ರಷ್ಟು ಸಿನಿಮಾಗಳು ತಯಾರು ಆಗುತ್ತಿವೆ. ದಕ್ಷಿಣ ಭಾರತದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಹುಭಾಷಾ ಸಿನಿಮಾಗಳು ನಿರ್ಮಾಣಗೊಳ್ಳುತ್ತಿವೆ. ಈ ಹಿನ್ನೆಲೆಯಲ್ಲಿ ಸಿನಿಮಾ ಉದ್ಯಮದಲ್ಲಿ ಕೌಶಲ್ಯ ಅಭಿವೃದ್ಧಿಗೆ ಹೆಚ್ಚಿನ ಒತ್ತು ನೀಡುವ ಅಗತ್ಯವಿದೆಎಂದು ಕಮಲ್ ಹಾಸನ್ ತಮ್ಮ ಭಾಷಣದಲ್ಲಿ ಹೇಳಿದರು.

'ನಮ್ಮಲ್ಲಿ ಚಿತ್ರಕಥೆ ಬರವಣಿಗೆ ಬಗ್ಗೆ ಪ್ರತ್ಯೇಕ ತರಬೇತಿ ಶಾಲೆಗಳನ್ನು ಸ್ಥಾಪಿಸಬೇಕು. ಅಲ್ಲದೆ, ಸಿನಿಮಾ ರಂಗದಲ್ಲಿ ದುಡಿಯಲು ಮುಂದಾಗುವ ತಂತ್ರಜ್ಞರಿಗೂ ವೃತ್ತಿಪರ ತರಬೇತಿ ನೀಡುವ ಕೋರ್ಸ್‌ ಪ್ರಾರಂಭಿಸಬೇಕು. ಖಾಸಗಿ ಮತ್ತು ಸರ್ಕಾರದ ಸಹಭಾಗಿತ್ವದಲ್ಲಿ ಉತ್ತಮ ಚಲನಚಿತ್ರ ನಿರ್ಮಿಸುವುದಕ್ಕೆ ಮುಂದಾಗಬೇಕು' ಎಂದರು

ಉಳಿದಂತೆ, ರಣಜಿ ಕೊನೆ ಇನ್ನಿಂಗ್ಸ್ ಆಡಿದ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್, ಚೊಚ್ಚಲ ದ್ವಿಶತಕ ಸಿಡಿಸಿದ ಸಂಜು ಸ್ಯಾಮ್ಸನ್, ಮುಸ್ಲಿಂ ಮಹಿಳೆ ಕೈ ಸೇರಿದ ಕಮಲ, ಪ್ರಧಾನಿ ಮನಮೋಹನ್ ಸಿಂಗ್ ಹಾಗೂ ನರೇಂದ್ರ ಮೋದಿ ಅವರ ಮುಖಾಮುಖಿ, ಮುಂದುವರೆದ ಪ್ರಿಯಾಂಕಾ ಗಾಂಧಿ ರಾಯ್ ಬರೇಲಿ ಯಾತ್ರೆ ಇನ್ನಷ್ಟು ಚಿತ್ರಗಳು ಇಲ್ಲಿವೆ ತಪ್ಪದೇ ನೋಡಿ.