ತೆಲಂಗಾಣ ವಿಧಾನಸಭಾ ಚುನಾವಣೆ: ಯಾರಾಗುತ್ತಾರೆ ಬಿಜೆಪಿಯ ಸಿಎಂ ಅಭ್ಯರ್ಥಿ?
ಹೈದರಾಬಾದ್, ನವೆಂಬರ್ 7: ಮಂಗಳವಾರ ಹೈದರಾಬಾದ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಸಾರ್ವಜನಿಕ ಸಭೆ ನಿಗದಿಯಾಗಿದೆ. 'ಬಿಸಿ ಗರ್ಜನ' (ಹಿಂದುಳಿದ ಜಾತಿಗಳ ಘರ್ಜನೆ) ಎಂಬ ಕಾರ್ಯಕ್ರಮದ ಮೂಲಕ ಅಭಿವೃದ್ಧಿಯಲ್ಲಿ ಹಿಂದುಳಿದ ಜಾತಿಗಳ ನಾಯಕನನ್ನು ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಘೋಷಣೆ ಮಾಡುವ ಸಂಭವಿದೆ.
ತೆಲಂಗಾಣದಲ್ಲಿ ಬಿಜೆಪಿ ಪಕ್ಷದ ಇಬ್ಬರು ನಾಯಕರಾದ ಈಟೆಲ ರಾಜೇಂದ್ರ ಮತ್ತು ಸಂಜಯ್ ಬಂಡಿ ಇಬ್ಬರೂ ಪಕ್ಷದ ಸಿಎಂ ಅಭ್ಯರ್ಥಿಗಳಲ್ಲಿ ಒಬ್ಬರು ಎಂಬ ಮಾತುಗಳು ಕೇಳಿ ಬರುತ್ತಿವೆ. ಬಿಜೆಪಿಯು ತೆಲಂಗಾಣದಲ್ಲಿ ಚುನಾವಣಾ ಪೂರ್ವದಲ್ಲಿ ತಮ್ಮದು ಹಿಂದುಳಿದ ವರ್ಗಗಳ ಪಕ್ಷವೆಂದು ಬಿಂಬಿಸಿಕೊಳ್ಳುತ್ತಿದೆ. ಮೂಲಕ ಚುನಾವಣೆಯಲ್ಲಿ ತನ್ನ ಪ್ರತಿಸ್ಪರ್ಧಿಗಳಾದ ಬಿಆರ್ಎಸ್ ಮತ್ತು ಕಾಂಗ್ರೆಸ್ ಇಲ್ಲಿಯವರೆಗೆ ಪ್ರಕಟಿಸಿದ ಅಭ್ಯರ್ಥಿಗಳ ಪಟ್ಟಿಗಳಲ್ಲಿ ಪ್ರಬಲ ಜಾತಿಗಳ ಪ್ರಾಬಲ್ಯವನ್ನು ಲೇವಡಿ ಮಾಡುತ್ತಿದೆ.
ಕೇಂದ್ರ ಗೃಹ ಸಚಿವ ಅಮೀತ್ ಶಾ ಅವರು ಅಕ್ಟೋಬರ್ 10 ರಂದು ಸೂರ್ಯಪೇಟೆಯಲ್ಲಿ ತಮ್ಮ "ಜನ್ ಗರ್ಜನ' ಚುನಾವಣಾ ರ್ಯಾಲಿಯಲ್ಲಿ ಜನರು ನಮ್ಮನ್ನು ಆಶೀರ್ವದಿಸಿದರೆ ಹಿಂದುಳಿದ ಜಾತಿಗಳ ನಾಯಕನನ್ನು ಮುಖ್ಯಮಂತ್ರಿಯನ್ನಾಗಿ ಮಾಡಲು ತಮ್ಮ ಪಕ್ಷ ನಿರ್ಧರಿಸಿದೆ ಎಂದು ಮಾಡಿದ ಭಾಷಣದಿಂದ ಬಿಜೆಪಿಯಲ್ಲಿ ಈಗ ಚರ್ಚೆ ಜೋರಾಗಿದೆ.
ಅಮಿತ್ ಶಾ ಬಾಂಬ್:
ಅಮಿತ್ ಶಾ ಅವರ ಈ ಹೇಳಿಕೆಯು ರಾಜ್ಯ ಬಿಜೆಪಿಯೊಳಗೆ ಮತ್ತು ಅದರ ಪ್ರತಿಸ್ಪರ್ಧಿಗಳಲ್ಲಿ ಅಲೆಗಳನ್ನು ಉಂಟುಮಾಡಿದೆ. 119 ಸ್ಥಾನಗಳ ಪೈಕಿ 100 ಸ್ಥಾನಗಳಿಗೆ ಎರಡು ಹಂತಗಳಲ್ಲಿ ಅಭ್ಯರ್ಥಿಗಳನ್ನು ಘೋಷಿಸಿರುವ ಕಾಂಗ್ರೆಸ್ ಮತ್ತು ಆಗಸ್ಟ್ 21 ರಂದು ಒಂದೇ ಬಾರಿಗೆ 115 ಹೆಸರುಗಳನ್ನು ಬಿಡುಗಡೆ ಮಾಡಿದ ಆಡಳಿತಾರೂಢ ಬಿಆರ್ಎಸ್ ಇವೆರಡೂ ಹಲವು ಅಂದಾಜಿನ ಪ್ರಕಾರ ಜನಸಂಖ್ಯೆಯ ಶೇ.50 ಕ್ಕಿಂತ ಹೆಚ್ಚು ಇರುವ ಹಿಂದುಳಿದ ವರ್ಗಗಳನ್ನು ಕಡೆಗಣಿಸಿದೆ.
ತೆಲಂಗಾಣದ ಇಂತಹ 112 ಸಮುದಾಯಗಳಲ್ಲಿ ಪ್ರಮುಖ ಹಿಂದುಳಿದ ಜಾತಿಗಳಾದ ಮುದಿರಾಜು, ಮುನ್ನೂರು ಕಾಪು, ಯಾದವರು ಮತ್ತು ಗೌಡ್ಗಳು ಅತ್ಯಂತ ಮಹತ್ವದ್ದಾಗಿದ್ದು, ಈ ಜಾತಿಗಳು ಸಂಖ್ಯಾತ್ಮಕವಾಗಿ ದೊಡ್ಡದಾದರೂ ಸಾಮಾಜಿಕ, ರಾಜಕೀಯ ಮತ್ತು ಆರ್ಥಿಕ ಸೌಲಭ್ಯಗಳಿಂದ ವಂಚಿತವಾಗಿವೆ.
ಹೆಚ್ಚಿನ ಪ್ರಾತಿನಿಧ್ಯಕ್ಕಾಗಿ ಹಿಂದುಳಿದ ವರ್ಗದ ನಾಯಕರ ಆಗ್ರಹವನ್ನು ಕಡೆಗಣಿಸಿ ಕಾಂಗ್ರೆಸ್ ಮತ್ತು ಬಿಆರ್ಎಸ್ ಎರಡೂ ಸಾಮಾಜಿಕವಾಗಿ ಮತ್ತು ಆರ್ಥಿಕವಾಗಿ ಪ್ರಬಲವಾದ ರೆಡ್ಡಿ ಜಾತಿಗೆ ವೇಲಮ ಮತ್ತು ಕಮ್ಮಸ್ನಂತಹ ಇತರ ಪ್ರಭಾವಿ ಜಾತಿಗಳೊಂದಿಗೆ ಇದುವರೆಗೆ ಘೋಷಿಸಿದ ಸ್ಥಾನಗಳಲ್ಲಿ ಮೂರನೇ ಒಂದು ಭಾಗದಷ್ಟು ಸ್ಥಾನಗಳನ್ನು ಹಂಚಿಕೆ ಮಾಡಿದೆ. ಇದಕ್ಕೆ ಹೋಲಿಸಿದರೆ ಬಿಜೆಪಿ ತನ್ನ ಎರಡು ಪಟ್ಟಿಗಳಲ್ಲಿ ಬಿಸಿಗಳಿಗೆ ಹೆಚ್ಚಿನ ಇದುವರೆಗೆ ಒಟ್ಟು 88 ಸ್ಥಾನಗಳನ್ನು ಘೋಷಿಸಿದೆ.
ಹಿಂದುಳಿದ ವರ್ಗದ ಅತ್ಯಂತ ಪ್ರಭಾವಿ ನಾಯಕ ಮತ್ತು ಮುದಿರಾಜು ಮತ್ತು ಅವರ ಕುಟುಂಬದ ವಿರುದ್ಧದ ಜಿದ್ದಿಗಾಗಿ ಮುಖ್ಯಮಂತ್ರಿ ಕೆ ಚಂದ್ರಶೇಖರ್ ಅವರನ್ನು ತಮ್ಮ ಸಂಪುಟದಿಂದ ವಜಾಗೊಳಿಸಿದ ನಂತರ ಈಟೆಲ ರಾಜೇಂದ್ರ ಅವರು ಬಿಆರ್ಎಸ್ ಪಕ್ಷವನ್ನು ತೊರೆದಿದ್ದರಿಂದ ಪಕ್ಷಕ್ಕೆ ಹಿನ್ನಡೆಯಾಗಿದೆ. ಬಳಿಕ ರಾಜೇಂದರ್ ಅನೇಕ ಹಿಂದುಳಿದ ನಾಯಕರೊಂದಿಗೆ ಜೂನ್ 2021 ರಲ್ಲಿ ಬಿಜೆಪಿ ಸೇರಿದರು.
ಬಿಜೆಪಿಯಿಂದ ಈಗ ಇಬ್ಬರು ಸ್ಪರ್ಧಿಗಳಿದ್ದಾರೆ. ಅವರು ಎಟೆಲಾ ರಾಜೇಂದರ್ ಮತ್ತು ಬಂಡಿ ಸಂಜಯ್. ಭಾರತೀಯ ಕಮ್ಯುನಿಸ್ಟ್ ಪಾರ್ಟಿ (ಮಾವೋವಾದಿ) ಯ ವಿದ್ಯಾರ್ಥಿ ಮೋರ್ಚಾವಾದ ರ್ಯಾಡಿಕಲ್ ಸ್ಟೂಡೆಂಟ್ ಯೂನಿಯನ್ನ ಒಂದು ಕಾಲದ ನಾಯಕ ಎಟೆಲಾ ಅವರು ತೀವ್ರ ಎಡ ರಾಜಕೀಯವನ್ನು ತೊರೆದರು.
ಉದ್ಯಮಿಯಾಗಲು ಮತ್ತು ನಂತರ ಬಿಆರ್ಎಸ್ನ ರಾಜಕಾರಣಿಯಾಗಿ, ಸ್ಥಾನಕ್ಕೆ ಏರಿದರು. ಇವರನ್ನು ಕೆಸಿಆರ್ ಅವರ ಬಲಗೈ ಬಂಟ ಮತ್ತು ಸಂಭಾವ್ಯ ಉತ್ತರಾಧಿಕಾರಿ ಎಂದು ಹೇಳಲಾಗುತ್ತದೆ. ಕೆಸಿಆರ್ ಅವರಿಗೆ ಎಟೆಲಾ ರಾಜಕೀಯ ಎದುರಾಳಿಯಾಗಬಹುದೆಂದು ಕಂಡು ಬಂದಾಗ ಅವರನ್ನು ಕಡೆಗಣಿಸಲು ಪ್ರಾರಂಭಿಸಲಾಯಿತು. ಆಗ ಎಟೆಲಾ ಬಂಡಾಯವೆದ್ದರು. ಅವರನ್ನು ಸಂಪುಟದಿಂದ ವಜಾಗೊಳಿಸಲಾಯಿತು. ಆಗ ಅವರು ಬಿಜೆಪಿ ಸೇರಿದರು.
ತೆಲಂಗಾಣದ ಮುನ್ನೂರು ಕಾಪು ಸಮುದಾಯಕ್ಕೆ ಸೇರಿದ ಬಂಡಿ ಸಂಜಯ್, ಕೆಲವು ತಿಂಗಳುಗಳ ಹಿಂದೆ ಬಿಜೆಪಿ ಪಕ್ಷದ ರಾಜ್ಯಾಧ್ಯಕ್ಷರಾಗಿ ಆಯ್ಕೆಯಾದರು. ಹಿಂದುತ್ವದ ಫೈರ್ಬ್ರಾಂಡ್ ಪ್ರತಿಪಾದಕರಾಗಿ ಮತ್ತು ಕೆಸಿಆರ್ ಸರ್ಕಾರ ಮತ್ತು ಕುಟುಂಬದ ನಿರಂತರ ಟೀಕಾಕಾರರಾಗಿ ಪಕ್ಷದಿಂದ ಮುನ್ನೆಲೆಗೆ ಬಂದರು. ಇದು ಎಲ್ಲಾ ಬಗೆಗಳಿಂದಲೂ ಬಿಜೆಪಿಗೆ ಲಾಭವಾಯಿತು.
ಹಿಂದುಳಿದ ವರ್ಗಗಳ ಉದ್ಧಾರಕ ಎಂದು ಪ್ರಚಾರ ಮಾಡುವ ಉದ್ದೇಶವನ್ನು ತಾರ್ಕಿಕ ಅಂತ್ಯಕ್ಕೆ ಕೊಂಡೊಯ್ಯಬೇಕಾದರೆ ಇಬ್ಬರಲ್ಲಿ ಒಬ್ಬರನ್ನು ಬಿಜೆಪಿಯ ಸಿಎಂ ಮುಖ ಎಂದು ಬಿಂಬಿಸಬೇಕಾಗುತ್ತದೆ. ಆ ಹಿನ್ನೆಲೆಯಲ್ಲಿ 'ಬಿಸಿ ಗರ್ಜನ' ರ್ಯಾಲಿಯಲ್ಲಿ ಪ್ರಧಾನಿಯವರ ಭಾಷಣ ಮಹತ್ವದ್ದಾಗಿದೆ.
Click it and Unblock the Notifications
Sign in with Google