ಲೋಕಸಭೆಯಲ್ಲಿ ನಿಗಿ ನಿಗಿ ಕೆಂಡವಾದ ಸೋನಿಯಾ ಗಾಂಧಿ

Published: Thursday, July 28, 2022, 19:41 [IST]

ನವದೆಹಲಿ,ಜುಲೈ. 28: ಇಂದು ನಡೆದ ಲೋಕಸಭೆ ಅಧಿವೇಶನದಲ್ಲಿ ಕಾಂಗ್ರೆಸ್‌ ಸಂಸದೆ ಬಿಜೆಪಿ ಸಚಿವೆ ಸ್ಮೃತಿ ಇರಾನಿ ಅವರ ಹೇಳಿಕೆ ನಿಗಿ ನಿಗಿ ಕೆಂಡವಾದ ಘಟನೆ ಜರುಗಿತು, ಎಲ್ಲ ಸಂಗತಿಗಳಿಗೆ ಸಂವಿಧಾನಿಕ ಭಾಷೆಯಲ್ಲೇ ಸಮಾಧಾನದಿಂದಲೇ ಉತ್ತರಿಸುತ್ತಿದ್ದ ಸೋನಿಯಾ ಇಂದು ಮಾತ್ರ ಗರ್ಜಿಸಿದರು. ಅಂತಹ ಐತಿಹಾಸಿಕ ಕ್ಷಣಕ್ಕೆ ಇಡೀ ಲೋಕಸಭೆ ಸಾಕ್ಷಿಯಾಯಿತು.

ಪಶ್ಚಿಮ ಬಂಗಾಳದ ಕಾಂಗ್ರೆಸ್‌ ಸಂಸದ ಅಧೀರ್‌ ರಂಜಾನ್‌ ಚೌಧರಿ ಅವರು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ರಾಷ್ಟ್ರಪತ್ನಿ ಎಂದು ಕರೆದ ಹಿನ್ನೆಲೆಯಲ್ಲಿ ಇಂದು ಸಂಸತ್ತಿನಲ್ಲಿ ಸೋನಿಯಾ ಗಾಂಧಿ ಮತ್ತು ಸ್ಮೃತಿ ಇರಾನಿ ನಡುವಿನ ವಾಗ್ವಾದ ಆರಂಭವಾಗಿತ್ತು. ಕೇಂದ್ರ ಸಚಿವೆ ಸ್ಮೃತಿ ಇರಾನಿ ನೇತೃತ್ವದ ಆಡಳಿತಾರೂಢ ಬಿಜೆಪಿಯ ಸಂಸದರು ತಮ್ಮ ಪಕ್ಷದ ಸಂಸದರ ಹೇಳಿಕೆಗೆ ಸೋನಿಯಾ ಗಾಂಧಿ ಕ್ಷಮೆಯಾಚಿಸಬೇಕೆಂದು ಒತ್ತಾಯಿಸಿದ ನಂತರ ಇಬ್ಬರ ನಡುವೆ ಘರ್ಷಣೆ ನಡೆಯಿತು.

ಸೋನಿಯಾ ಗಾಂಧಿ ನೀವು ದ್ರೌಪದಿ ಮುರ್ಮು ಅವರ ಅವಮಾನವನ್ನು ಅನುಮೋದಿಸಿದ್ದೀರಿ. ಅತ್ಯುನ್ನತ ಸಾಂವಿಧಾನಿಕ ಹುದ್ದೆಯಲ್ಲಿ ಮಹಿಳೆಗೆ ಅವಮಾನ ಮಾಡಲು ಸೋನಿಯಾ ಜಿ ಅನುಮತಿ ನೀಡಿದ್ದಾರೆ. ಹೀಗಾಗಿ ನೀವು ಕ್ಷಮೆಯಾಚಿಸಿ ಎಂದು ಸ್ಮೃತಿ ಇರಾನಿ ಹೇಳಿದರು. ಆಗ ಎರಡು ಕಡೆ ವಾಗ್ವಾದಗಳು ಜೋರಾದವು. ಸದನದಿಂದ ಹೊರಬರಲು ಮುಂದಾದ ಸೋನಿಯಾ ಗಾಂಧಿ ಅವರು ಬಿಜೆಪಿ ಪೀಠದತ್ತ ಏಕಾಏಕಿ ತಿರುಗಿಬಿದ್ದರು.

ಬಿಜೆಪಿ ಸಂಸದೆ ರಮಾ ದೇವಿ ಅವರು ಘೋಷಣೆ ಕೂಗುತ್ತಿದ್ದ ಬಿಜೆಪಿ ಸದಸ್ಯರ ಕಡೆಗೆ ಸದನದಾದ್ಯಂತ ನಡೆದಾಗ ಸೋನಿಯಾ ಗಾಂಧಿ ಅವರನ್ನು ಹುಡುಕಿದರು. ಉದ್ವಿಗ್ನ ಹಣಾಹಣಿಗೆ ಕಾಂಗ್ರೆಸ್ ಅಧ್ಯಕ್ಷರನ್ನು ದೂಷಿಸಿದರು. ಆಗ ಸೋನಿಯಾ ಗಾಂಧಿಯವರ ಕೋಪದ ಸ್ವರವು ಉರಿವ ಬೆಂಕಿಗೆ ತುಪ್ಪ ಸುರಿದಂತೆ ಭುಗಿಲೆದ್ದಿತು.

ಇದರಲ್ಲಿ ನನ್ನ ತಪ್ಪೇನು: ಸೋನಿಯಾ

ಸೋನಿಯಾ ಗಾಂಧಿ ಅವರು ರಮಾದೇವಿ ವಿರುದ್ಧ ಆಕ್ರೋಶದಿಂದ, ಅಧೀರ್ ರಂಜನ್ ಚೌಧರಿ ಅವರು ಈಗಾಗಲೇ ಕ್ಷಮೆಯಾಚಿಸಿದ್ದಾರೆ. ನನ್ನ ತಪ್ಪೇನು ಎಂದು ಕೇಳಿದರು. ಆಗ ಸ್ಮೃತಿ ಇರಾನಿ ಮತ್ತು ಇತರ ಬಿಜೆಪಿ ಸಂಸದರು ಘೋಷಣೆಗಳನ್ನು ಕೂಗಲು ಪ್ರಾರಂಭಿಸಿದರು. ಬಳಿಕ ಸ್ಮೃತಿ ಇರಾನಿ ಅವರು ಸೋನಿಯಾ ಗಾಂಧಿಯತ್ತ ಬೆರಳು ತೋರಿಸಿ, ನೀವು ಈ ರೀತಿ ವರ್ತಿಸಬೇಡಿ. ಇದು ಲೋಕಸಭೆ, ನಿಮ್ಮ ಪಕ್ಷದ ಕಚೇರಿಯಲ್ಲ ಎಂದರು. ಅದಕ್ಕೆ ಸೋನಿಯಾ ಗಾಂಧಿ ನಾನು ನಿಮ್ಮೊಂದಿಗೆ ಮಾತನಾಡುವುದಿಲ್ಲ ಎಂದು ಗರ್ಜಿಸಿದರು.

ನಾವು ಏಕೆ ಮಾತನಾಡಬಾರದು?

ಸೋನಿಯಾ ಜೀ ನನ್ನ ಬಳಿಗೆ ಬಂದು, ಸ್ಮೃತಿ ಜೀ ಅವರಿಗೆ ನಾನು ನಿಮ್ಮೊಂದಿಗೆ ಮಾತನಾಡುತ್ತಿಲ್ಲ. ನೀವು ನನ್ನೊಂದಿಗೆ ಮಾತನಾಡಬೇಡಿ ಎಂದರು. ಅದಕ್ಕೆ ಸ್ಮೃತಿ ಜೀ 'ಯಾಕೆ? ನಾವು ಏಕೆ ಮಾತನಾಡಬಾರದು? ನೀವು ರಾಮಾಜಿಯೊಂದಿಗೆ ಮಾತನಾಡಲು ಬಂದಿದ್ದೀರಾ? ಎಂದರು. ನಾನು ಅವರೊಂದಿಗೆ ಮಾತನಾಡಲು ಬಂದಿದ್ದೇನೆ ಎಂದು ಸೋನಿಯಾ ಜಿ ಹೇಳಿದರು. ಎಂದು ರಮಾ ದೇವಿ ಮಾಧ್ಯಮಗಳಿಗೆ ಹೇಳಿದರು.

ಅಸಂಬದ್ಧವಾಗಿ ಮಾತನಾಡುವ ನಾಯಕ

ಸೋನಿಯಾ ಗಾಂಧಿಯವರ ಕ್ಷಮೆಯಾಚನೆಗೆ ತಮ್ಮ ಬಿಜೆಪಿ ಪಕ್ಷದ ಬೇಡಿಕೆಯನ್ನು ರಮಾ ದೇವಿ ಒತ್ತಯಿಸಿದರು. ಹಿಂದುಳಿದ ನಾಯಕಿ, ಬುಡಕಟ್ಟು ನಾಯಕಿ, ರಾಷ್ಟ್ರಪತಿಗೆ ಆದ ಅವಮಾನವನ್ನು ಯಾರು ಸಹಿಸಿಕೊಳ್ಳುತ್ತಾರೆ? ಅಂತಹ ಅಸಂಬದ್ಧವಾಗಿ ಮಾತನಾಡುವ ನಾಯಕನನ್ನು ಆಯ್ಕೆ ಮಾಡಿದ್ದಕ್ಕಾಗಿ ಅವರು ದೇಶದ ಕ್ಷಮೆಯಾಚಿಸಬೇಕು ಎಂದು ರಮಾದೇವಿ ಹೇಳಿದರು.

ಬಿಜೆಪಿ ನಾಯಕಿ ರಮಾದೇವಿ ಒತ್ತಾಯ

ತನ್ನ ಪಕ್ಷದ ಸಂಸದರ ಹೇಳಿಕೆಗೆ ಸೋನಿಯಾ ಗಾಂಧಿ ಕ್ಷಮೆಯಾಚಿಸಬೇಕು ಎಂದು ಅವರು ಏಕೆ ನಂಬಿದ್ದರು ಎಂಬುದಕ್ಕೆ ಬಿಜೆಪಿ ನಾಯಕಿ ರಮಾದೇವಿ ಉತ್ತರಿಸಿ, ಅವರು(ಕಾಂಗ್ರೆಸ್‌) ಯಾರನ್ನಾದರೂ ನಾಯಕನನ್ನಾಗಿ (ಚೌಧರಿ) ಮಾಡಿದ್ದರೋ ಅವರು ಹೇಗೆ ಮಾತನಾಡುತ್ತಾರೆ ಎಂದು ಅವರಿಗೆ ತಿಳಿದಿಲ್ಲವೇ? ಇದು ಅವರಿಗೆ ಅರ್ಥವಾಗುತ್ತಿಲ್ಲವೇ? ಎಂದು ಹೇಳಿದರು.