ಸೆಕ್ಸ್ ರಾಕೆಟ್ ಕೇಸ್ : ಪೊಲೀಸ್ ಕಸ್ಟಡಿಯಲ್ಲಿ ಮೇಘಾಲಯ ಶಾಸಕ
ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಆರೋಪ ಹೊತ್ತು, ಅಸ್ಸಾಂನಲ್ಲಿ ಬಚ್ಚಿಟ್ಟುಕೊಂಡಿದ್ದ ಮೇಘಾಲಯದ ಪಕ್ಷೇತರ ಶಾಸಕ ಜ್ಯೂಲಿಯಸ್ ಕೆ. ಡ್ರೊಪಾಂಗ್ ನನ್ನು ಗುವಾಹಟಿ ಪೊಲೀಸರು ಬಂಧಿಸಿದ್ದಾರೆ
ಶಿಲ್ಲಾಂಗ್, ಜನವರಿ 08: ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಆರೋಪ ಹೊತ್ತು, ಅಸ್ಸಾಂನಲ್ಲಿ ಬಚ್ಚಿಟ್ಟುಕೊಂಡಿದ್ದ ಮೇಘಾಲಯದ ಪಕ್ಷೇತರ ಶಾಸಕ ಜ್ಯೂಲಿಯಸ್ ಕೆ. ಡ್ರೊಪಾಂಗ್ ನನ್ನು ಗುವಾಹಟಿ ಪೊಲೀಸರು ಬಂಧಿಸಿದ್ದಾರೆ. ಐದು ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ.
ಜ್ಯೂಲಿಯಸ್ ವಿರುದ್ಧ ಅತ್ಯಾಚಾರ ಪ್ರಕರಣದ ದಾಖಲಾಗಿತ್ತು. ಪರಾರಿಯಾಗಿದ್ದ ಜ್ಯೂಲಿಯನ್ ವಿರುದ್ಧ ಮೇಘಾಲಯ ಪೊಲೀಸರು, ಲುಕ್ಔಟ್ ನೋಟಿಸ್ ಹೊರಡಿಸಿದ್ದರು. ಗುವಾಹತಿಯಲ್ಲಿ ಸೆರೆ ಸಿಕ್ಕ ಜ್ಯೂಲಿಯನ್ ನನ್ನು ಶಿಲ್ಲಾಂಗಿಗೆ ಕರೆತರಲಾಯಿತು.
ಈ ಬಗ್ಗೆ ಸ್ಪೀಕರ್ ಅಬು ಅತಾಹೇರ್ ಮೊಂಡಲ್ ವರಿಗೆ ವಿಷಯ ತಿಳಿಸಲಾಯಿತು. ನಂತರ ಶನಿವಾರ (ಜನವರಿ 07) ಕೋರ್ಟಿಗೆ ಹಾಜರುಪಡಿಸಲಾಗಿದ್ದು, ಹೆಚ್ಚಿನ ವಿಚಾರಣೆಗಾಗಿ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ.
ಕಳೆದ ವರ್ಷ ಡಿಸೆಂಬರ್ 15 ರಂದು 14 ವರ್ಷ ವಯಸ್ಸಿನ ಬಾಲಕಿಯ ಮೇಲೆ ಜ್ಯೂಲಿಯಸ್ ಅತ್ಯಾಚಾರ ಎಸಗಿದ್ದ. ಶಾಸಕ ಜ್ಯೂಲಿಯನ್ ವಿರುದ್ಧ ಡಿಸೆಂಬರ್ 24 ರಂದು ಎಫ್ಐಆರ್ ದಾಖಲಾಗಿತ್ತು. ಪೋಸ್ಕೋ ಕಾಯ್ದೆ ಮತ್ತು ಐಪಿಸಿ ಸೆಕ್ಷನ್ ಅನ್ವಯ ಈತನ ವಿರುದ್ಧ ಪ್ರಕರಣ ದಾಖಲಿಸಲಾಗಿತ್ತು. ಈ ಸೆಕ್ಸ್ ರಾಕೆಟ್ ನಲ್ಲಿ ಸಹಕರಿಸಿದ ಚಾಲಕ ಸಂದೀಪ್ ಬಿಸ್ವಾನನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.(ಪಿಟಿಐ)
Click it and Unblock the Notifications
Sign in with Google