Ram Mandir Google Trends: ಗೂಗಲ್‌ನಲ್ಲೂ ಟ್ರೆಂಡ್ ಆಯ್ತು ರಾಮ ಮಂದಿರ: ದಾಖಲೆ ಬರೆದ ಆಯೋಧ್ಯೆ!

ಅಯೋಧ್ಯೆಯಲ್ಲಿ ಹೊಸದಾಗಿ ನಿರ್ಮಿಸಲಾದ ರಾಮಮಂದಿರವು ಕೋಟಿಗಟ್ಟಲೆ ರಾಮಭಕ್ತರ ಹೃದಯದಲ್ಲಿ ನೆಲೆಸಿದ್ದು ಮಾತ್ರವಲ್ಲದೆ ಗೂಗಲ್‌ನಲ್ಲಿಯೂ ಭಾರೀ ಸದ್ದು ಮಾಡುತ್ತಿದೆ. ಇಂದು ಮುಂಜಾನೆ 4 ಗಂಟೆಯಿಂದ ಗೂಗಲ್‌ನಲ್ಲಿ ರಾಮ ಮಂದಿರದ ಹುಡುಕಾಟಗಳು ನಿರಂತರವಾಗಿ ಹೆಚ್ಚುತ್ತಿವೆ.

ವಾಸ್ತವವಾಗಿ ಇಂದು (ಜನವರಿ 22, 2024) ಅಯೋಧ್ಯೆಯ ರಾಮಮಂದಿರದಲ್ಲಿ ಮಧ್ಯಾಹ್ನ 12:05 ರಿಂದ 1 ಗಂಟೆಯವರೆಗೆ ರಾಮ್ ಲಾಲಾ ವಿಗ್ರಹವನ್ನು ಪ್ರತಿಷ್ಠಾಪಿಸಲಾಗುವುದು. ಸ್ವತಃ ಪ್ರಧಾನಿ ನರೇಂದ್ರ ಮೋದಿ ಈ ಪ್ರಾಣ ಪ್ರತಿಷ್ಠಾ ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಜೊತೆಗೆ ದೇಶ ವಿದೇಶದಲ್ಲಿನ ಗಣ್ಯರಿಗೆ, ಕ್ರೀಡಾಪಟುಗಳಿಗೆ, ಸಿನಿ ತಾರೆಯರಿಗೆ, ಹಿರಿಯ ಸಾಧು ಸಂತರಿಗೆ, ರಾಜಕಾರಣಿಗಳು ಸೇರಿದಂತೆ ಇತರರಿಗೂ ಈ ಸಮಾರಂಭಕ್ಕೆ ಆಹ್ವಾನಿಸಲಾಗಿದೆ.

ಗೂಗಲ್ ಟ್ರೆಂಡ್‌ಗಳಲ್ಲಿ ರಾಮಮಂದಿರ:

ಈ ಸಮಯದಲ್ಲಿ ಇಡೀ ದೇಶ ರಾಮನ ಹೆಸರಿನಲ್ಲಿದೆ. 'ರಾಮ ಬಂದರೆ ದೀಪಾವಳಿ' ಎನ್ನುತ್ತಾ ಇಂದು ದೀಪ ಬೆಳಗಿಸಿ ಸಂಭ್ರಮಿಸಲು ಜನ ಸಿದ್ಧತೆ ನಡೆಸಿದ್ದಾರೆ. ಅಯೋಧ್ಯೆಯಲ್ಲಿ ಮಾತ್ರವಲ್ಲದೆ ಇಡೀ ದೇಶದಲ್ಲಿ ರಾಮಮಂದಿರ ಪ್ರಾಣ ಪ್ರತಿಷ್ಠಾಪನೆ ಕಣ್ತುಂಬಿಕೊಳ್ಳಲು ಜನ ಕಾತುರರಾಗಿ ಕಾಯುತ್ತಿದ್ದಾರೆ.

ಈ ನಡುವೆ ಗೂಗಲ್ ನಲ್ಲೂ ರಾಮಮಂದಿರ ಟ್ರೆಂಡ್‌ನಲ್ಲಿದೆ. ಇಂದು ಬೆಳಿಗ್ಗೆಯಿಂದಲೇ ಲಕ್ಷಾಂತರ ಜನ ರಾಮಮಂದಿರದ ಬಗ್ಗೆ ಗೂಗಲ್ ಸರ್ಚ್‌ ಮಾಡುತ್ತಿರುವುದು ಹೆಚ್ಚಾಗಿದೆ. ಜನವರಿ 22 ರಂದು ಅಂದರೆ ಇಂದು ಬೆಳಿಗ್ಗೆಯಿಂದಲೂ ಜನರು ಬೆಳಿಗ್ಗೆ ನಾಲ್ಕು ಗಂಟೆಗೆ ಎದ್ದ ತಕ್ಷಣ ರಾಮ ಮಂದಿರದ ಬಗ್ಗೆ ಹುಡುಕಲು ಪ್ರಾರಂಭಿಸಿರುವುದು ಕಂಡುಬಂದಿದೆ.

ದಿನ ಕಳೆದಂತೆ ಕಳೆದ ಹಲವು ವರ್ಷಗಳ ಹುಡುಕಾಟದ ದಾಖಲೆಗಳನ್ನು ಮುರಿಯುವಷ್ಟು ಗೂಗಲ್‌ನಲ್ಲಿ ರಾಮಮಂದಿರದ ಬಗೆಗಿನ ವಿಷಯಗಳ ಹುಡುಕಾಟ ನಡೆಯಲಿದೆ. ಆ ಮಟ್ಟಿಗೆ ರಾಮ ಮಂದಿರದ ಬಗ್ಗೆ ಜನ ಗೂಗಲ್‌ ನಲ್ಲಿ ಹುಡುಕಾಟ ನಡೆಸಿದ್ದಾರೆ. ಇದು ಕ್ಷಣ ಕ್ಷಣಕ್ಕೂ ಹೆಚ್ಚುತ್ತಿದೆ.

ಅಯೋಧ್ಯೆಯಲ್ಲಿ ಹೊಸದಾಗಿ ನಿರ್ಮಿಸಲಾದ ರಾಮಮಂದಿರದಲ್ಲಿ ರಾಮ್ ಲಲ್ಲಾನ ವಿಗ್ರಹದ ಪ್ರತಿಷ್ಠಾಪನೆ ಸಮಾರಂಭಕ್ಕೆ ಸದ್ಯ ಪ್ರಧಾನಿ ಮೋದಿ ಆಗಮಿಸಿದ್ದಾರೆ. ಮೋದಿ ಅವರು 5 ಆಗಸ್ಟ್ 2020 ರಂದು ರಾಮಮಂದಿರದ ಶಂಕುಸ್ಥಾಪನೆ ಮಾಡಿದರು. ಆಗಲೂ ರಾಮ ಮಂದಿರವು ಗೂಗಲ್ ಟ್ರೆಂಡ್‌ಗಳಲ್ಲಿ ಸೇರಿಕೊಂಡಿತ್ತು.

ರಾಮಮಂದಿರದ ಬಗ್ಗೆ ಟಾಪ್ 10 ಟ್ರೆಂಡ್ ಗೂಗಲ್ ಹುಡುಕಾಟದ ವಿಷಯಗಳು ಹೀಗಿವೆ:-

1. ರಾಮಮಂದಿರದ ಪ್ರಾರ್ಥನೆ ಸಮಯ (ram mandir pran-pratishtha time )

2. ರಾಮಮಂದಿರ ಅಯೋಧ್ಯೆಯ ನೇರ ಪ್ರಸಾರದ ಸಮಯ (ram mandir ayodhya live telecast time)

3. ರಾಮಮಂದಿರ ನೇರ ಪ್ರಸಾರದ ಸಮಯ (ram mandir live telecast time)

4. ರಾಮಮಂದಿರದ ನೇರ ಪ್ರಸಾರ (live telecast of ram mandir )

5. ರಾಮಮಂದಿರ ನೇರ ಪ್ರಸಾರ (ram mandir live telecast)

6. ರಾಮಮಂದಿರ ಅಯೋಧ್ಯೆ ನೇರ ಪ್ರಸಾರ (ram mandir ayodhya live telecast)

7. ರಾಮಮಂದಿರ ಪ್ರಾಣ ಪ್ರತಿಷ್ಠಾ ಶುಭಾಶಯಗಳು (ram mandir pran pratishtha wishes)

8. ರಾಮಮಂದಿರದ ಶುಭಾಶಯಗಳು (ram mandir wishes)

9.ರಾಮ ಮಂದಿರ ಉದ್ಘಾಟನೆ ಸಮಯ (ram mandir inauguration time)

10. 22 ಜನವರಿ 2024 ರಾಮಮಂದಿರ ಸ್ಥಿತಿ ವೀಡಿಯೊ ಡೌನ್‌ಲೋಡ್ (22 january 2024 ram mandir status video download)

ಈ ದೇಶಗಳಲ್ಲೂ ರಾಮ ಮಂದಿರದ ಬಗ್ಗೆ ಸರ್ಚ್: -

ಇಡೀ ಭಾರತ ರಾಮನಿಗೆ ಸಮರ್ಪಿತವಾಗಿರುವುದು ಮಾತ್ರವಲ್ಲ, ಹೊರ ದೇಶಗಳಲ್ಲೂ ಈ ರಾಮಮಂದಿರದ ಬಗ್ಗೆ ಸಾಕಷ್ಟು ಹುಡುಕಾಟಗಳು ನಡೆಯುತ್ತಿವೆ. ಭಾರತದ ಹೊರತಾಗಿ ಮಾರಿಷಸ್, ನೇಪಾಳ, ಯುಎಇ, ಸಿಂಗಾಪುರ, ಕೆನಡಾ, ನ್ಯೂಜಿಲೆಂಡ್, ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ಮಲೇಷ್ಯಾ ಮುಂತಾದ ದೇಶಗಳಲ್ಲಿ ರಾಮಮಂದಿರ ಮೊದಲ ಹತ್ತು ಹುಡುಕಾಟಗಳಲ್ಲಿ ಸೇರಿದೆ.

English summary

ram mandir pran pratistha breaks records in google trends on ayodhya ram temple inauguration day in kannada.