ರಾಜಸ್ಥಾನ : ಚುನಾವಣೆ ಕಾರ್ಯದಲ್ಲಿ ಒಂಟೆಗಳು ಬ್ಯುಸಿ

ಜೈಪುರ, ನ.2 : ರಾಜಸ್ಥಾನಲ್ಲಿ ವಿಧಾನಸಭೆ ಚುನಾವಣೆಯ ಕಾವು ಹೆಚ್ಚಾಗುತ್ತಿದೆ. ಚುನಾವಣೆಯ ಸಂದರ್ಭದಲ್ಲಿ ಕಾರು, ಹೆಲಿಕಾಪ್ಟರ್ ಗಳಿಗೆ ಬೇಡಿಕೆ ಹೆಚ್ಚಿರುತ್ತದೆ. ಆದರೆ, ರಾಜಸ್ಥಾನದಲ್ಲಿ ಒಂಟೆಗಳಿಗೆ ಭಾರೀ ಬೇಡಿಕೆ ಉಂಟಾಗಿದೆ. ಚುನಾವಣಾ ಪ್ರಚಾರಕ್ಕೆ ಸಾಗಲು ನಾಯಕರು, ಕಾರ್ಯಕರ್ತರು ಒಂಟೆಗಳನ್ನು ಅಡ್ವಾನ್ ಆಗಿಯೇ ಬುಕ್ ಮಾಡಿದ್ದಾರೆ.

ಮರುಳುಗಾಡಿನ ಹಡಗು ಎಂದೇ ಖ್ಯಾತವಾಗಿರುವ ಒಂಟೆಗಳಿಗೆ ರಾಜಸ್ಥಾನದಲ್ಲಿ ಸದ್ಯ ಹೆಚ್ಚು ಬೇಡಿಕೆ. ರಾಜಸ್ಥಾನದ ಮರಳುಗಾಡಿನಿಂದ ಕೂಡಿರುವ ರಾಜ್ಯವಾಗಿರುವುದರಿಂದ ಇಲ್ಲಿ ಕಾರು, ಹೆಲಿಕಾಪ್ಟರ್ ಗಳಿಗೆ ಇಲದಷ್ಟು ಬೇಡಿಕೆ ಒಂಟೆಗಳಿಗೆ. ವಿವಿಧ ಪಕ್ಷಗಳು ತಮ್ಮ ಪ್ರಚಾರಕ್ಕಾಗಿ ಈಗಾಗಲೇ ಒಂಟೆಗಳನ್ನು ಬುಕ್ ಮಾಡಿಕೊಂಡಿದ್ದಾರೆ.

ಡಿ.1ರಂದು ರಾಜಸ್ಥಾನದಲ್ಲಿ ವಿಧಾನಸಭೆ ಚುನಾವಣೆ ನಡೆಯಲಿದೆ. ಸದ್ಯ ವಿವಿಧ ಪಕ್ಷಗಳು ಪ್ರಚಾರ ಕಾರ್ಯ ಆರಂಭಿಸಿವೆ. ಥಾರ್ ಮರುಭೂಮಿ ವ್ಯಾಪ್ತಿಯಲ್ಲಿ ಬರುವ ಜೈಸಲ್ಮೇರ್, ಪೋಖ್ರಾನ್, ಬರ್ಮರ್, ಛೋಟಾನ್ ಮರುಭೂಮಿಗಳ ವ್ಯಾಪ್ತಿಯಲ್ಲಿ ಬರುವ ವಿಧಾನಸಭಾ ಕ್ಷೇತ್ರಗಳಲ್ಲಿ ಒಂಟೆಗಳೇ ರಾಜಕೀಯ ನಾಯಕರಿಗೆ ಆಸರೆಯಾಗಿವೆ. ಇಲ್ಲಿನ ಹಲವು ಗ್ರಾಮಗಳಿಗೆ ತೆರಳಲು ಒಂಟೆ ಬಳಸುವುದು ಅನಿವಾರ್ಯವಾಗಿದೆ.

ಕೇವಲ ರಾಜಕೀಯ ನಾಯಕರು ಮಾತ್ರವಲ್ಲ ಚುನಾವಣೆಗೆ ತೆರಳುವ ಸಿಬ್ಬಂದಿ ಮತಯಂತ್ರದ ಜೊತೆಗೆ ಒಂಟೆಯ ಮೇಲೆಯೇ ಪ್ರಯಾಣ ಬೆಳಸಬೇಕು. ಆದ್ದರಿಂದ ಈ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ ಒಂಟೆಗಳಿಗೆ ಸದ್ಯ ಸಖತ್ ಡಿಮ್ಯಾಂಡ್, ಚುನಾವಣೆ ಕಾರ್ಯ ಮುಗಿಯುವ ತನಕ ಒಂಟೆಗಳನ್ನು ಮಾಡಿಕೊಳ್ಳಲಾಗಿದೆ.

2008ರ ಚುನಾವಣೆಯಲ್ಲಿ ಚುನಾವಣಾ ಆಯೋಗ ಕೆಲವು ಕ್ಷೇತ್ರಗಳಲ್ಲಿ ಮೊಬೈಲ್ ಮತ ಕೇಂದ್ರಗಳನ್ನು ಪರಿಚಯಿಸಿತ್ತು. ಕೆಲವು ಪ್ರದೇಶಗಳಲ್ಲಿ ಮತದಾರನ ಮನೆ ಬಾಗಿಲಿಗೆ ಹೋಗಿ ಮತ ಹಾಕಿಸಿಕೊಂಡು ಬರಲಾಗಿತ್ತು. ಈ ವರ್ಷವೂ ಕೆಲವು ಹಳ್ಳಿಗಳಿಗೆ ಇದೇ ಯೋಜನೆ ವಿಸ್ತರಣೆ ಆಗಲಿದೆ. ಇನ್ನೂ ಕೆಲವು ಹಳ್ಳಿಗಳಿಗೆ ಸರ್ಕಾರ ರಸ್ತೆ ಸಂಪರ್ಕ ಕಲ್ಪಿಸಿದೆ.

ನಾವು 2ಜಿ, 3ಜಿ ಯುಗದಲ್ಲಿ ಬದುಕುತ್ತಿದ್ದೇವೆ ಎಂದು ಹೆಮ್ಮೆಯಿಂದ ಹೇಳಿಕೊಂಡರು, ದೇಶದ ಹಲವು ಗ್ರಾಮಗಳಿಗೆ ಇನ್ನೂ ರಸ್ತೆ ಸಂಪರ್ಕವಿಲ್ಲ. ರಾಜಸ್ಥಾನದ ಸ್ಥಿತಿಯೂ ಇದೆ. ಆದ್ದರಿಂದ ಸದ್ಯ ಅಲ್ಲಿ ಒಂಟೆಗಳು ಚುನಾವಣಾ ಕಾರ್ಯದಲ್ಲಿ ಬ್ಯುಸಿಯಾಗಿವೆ. (ರಾಜಸ್ಥಾನ ಚುನಾವಣಾ ವೇಳಾಪಟ್ಟಿ)

English summary

In Rajasthan's wild west, camels saddle up for poll duty. ‘ship of the desert’ which take men and material to places inaccessible by vehicles. campaigning picking up for the December 1 assembly elections in the state, camels are once again the ‘poll symbols’ in the remote constituencies in Thar desert.