ನೆಹರೂ ಯುವ ಕೇಂದ್ರಗಳ ಶೀರ್ಷಿಕೆಯಿಂದ 'ನೆಹರೂ' ಹೆಸರು ಡ್ರಾಪ್?
ನೆಹರೂ ಯುವ ಕೇಂದ್ರಗಳಿಂದ ನೆಹರೂ ಹೆಸರನ್ನು ಕೈಬಿಡುವ ಪ್ರಸ್ತಾವನೆ. ಕೇಂದ್ರ ಯುವಜನ ಮತ್ತು ಕ್ರೀಡಾ ಇಲಾಖೆಯಿಂದ ಪ್ರಸ್ತಾವನೆ.
ನವದೆಹಲಿ, ಸೆಪ್ಟೆಂಬರ್ 6: ಗ್ರಾಮೀಣ ಯುವಕರ ವ್ಯಕ್ತಿತ್ವ ಬೆಳವಣಿಗೆಗಾಗಿ ಸುಮಾರು 45 ವರ್ಷಗಳ ಹಿಂದೆ ಸ್ಥಾಪನೆಗೊಂಡಿದ್ದ ನೆಹರೂ ಯುವ ಕೇಂದ್ರಗಳ ಹೆಸರನ್ನು ಬದಲಿಸುವ ಹೊಸ ಪ್ರಸ್ತಾವನೆಯನ್ನು ಕೇಂದ್ರ ಸರ್ಕಾರ ತಯಾರಿಸಿದೆ.
ಈ ಯುವ ಕೇಂದ್ರಗಳಲ್ಲಿ ಇರುವ ನೆಹರೂ ಹೆಸರನ್ನು ಕೈಬಿಟ್ಟು, ಅದನ್ನು 'ರಾಷ್ಟ್ರೀಯ ಯುವ ಕೇಂದ್ರ' ಎಂದು ಮರು ನಾಮಕರಣ ಮಾಡಲು ಕೇಂದ್ರ ಯುವಜನ ಮತ್ತು ಕ್ರೀಡಾ ಇಲಾಖೆ ತನ್ನ ಪ್ರಸ್ತಾವನೆಯಲ್ಲಿ ಹೇಳಿದೆ.
ಭಾರತದ ಸ್ವಾತಂತ್ರ್ಯೋತ್ಸವದ ಬೆಳ್ಳಿ ಹಬ್ಬದ ಸವಿನೆನಪಿಗಾಗಿ ಈ ಯುವ ಕೇಂದ್ರಗಳಲ್ಲಿ ಅಂದಿನ ಸರ್ಕಾರ ಆರಂಭಿಸಿತ್ತು. ಆರಂಭದಲ್ಲಿ ಕೇವಲ ಆಯ್ದ 42 ಜಿಲ್ಲೆಗಳಲ್ಲಿ ಮಾತ್ರ ಆರಂಭಗೊಂಡ ಈ ಕೇಂದ್ರಗಳನ್ನು ಆನಂತರ ದೇಶವ್ಯಾಪಿ ವಿಸ್ತರಿಸಲಾಯಿತು.
1987ರಲ್ಲಿ ಅಂದಿನ ರಾಜೀವ್ ಗಾಂಧಿ ಸರ್ಕಾರವು, ಈ ಯುವ ಕೇಂದ್ರಗಳನ್ನು ಸ್ವಾಯತ್ತ ಸಂಸ್ಥೆಗಳನ್ನಾಗಿಸಿದ್ದಲ್ಲದೆ, ಇವುಗಳಿಗೆ ಸಂಘಗಳ ಸ್ವರೂಪ ಕೊಟ್ಟು ದೇಶವ್ಯಾಪಿ ಮತ್ತಷ್ಟು ಪರಿಣಾಮಕಾರಿಯಾಗಿ ಕೆಲಸ ಮಾಡುವಂತೆ ಅನುವು ಮಾಡಿಕೊಟ್ಟಿತು.
Click it and Unblock the Notifications
Sign in with Google