Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್‌ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೈಲಿನಲ್ಲಿ ವಾಟ್ಸಪ್ ಮೂಲಕ ಆಹಾರ ಬುಕ್ ಮಾಡುವುದು ಹೇಗೆ?
ನವದೆಹಲಿ, ಆಗಸ್ಟ್ 31; ಭಾರತೀಯ ರೈಲ್ವೆ ಮೂಲಕ ದೂರ ಪ್ರಯಾಣ ಮಾಡುವ ಪ್ರಯಾಣಿಕರು ಆಹಾರದ ಬಗ್ಗೆ ಚಿಂತಿಸುತ್ತಾರೆ. ಆದರೆ ಜನಸ್ನೇಹಿ ಆಗುವತ್ತಾ ಹೆಜ್ಜೆ ಹಾಕಿರುವ ಭಾರತೀಯ ರೈಲ್ವೆ ವಾಟ್ಸಪ್ ಮೂಲಕವೂ ಮೆನು ನೋಡಿ, ಆಹಾರ ಬುಕ್ ಮಾಡುವ ವ್ಯವಸ್ಥೆ ಮಾಡಿದೆ.
ಐಆರ್‌ಸಿಟಿಸಿ ಸೋಮವಾರ ಇದಕ್ಕಾಗಿ ಝೂಪ್ (Zoop) ಅಪ್ಲಿಕೇಶನ್ ಜೊತೆಗಿನ ಒಪ್ಪಂದದ ಕುರಿತು ಘೋಷಣೆ ಮಾಡಿದೆ. ಈ ಆಪ್ ಮೂಲಕ ರೈಲು ಪ್ರಯಾಣಿಕರು ವಾಟ್ಸಪ್ ಮೂಲಕ ಊಟ, ಉಪಹಾರ ಆರ್ಡರ್ ಮಾಡಬಹುದಾಗಿದೆ.
ರೈಲು ಪ್ರಯಾಣಿಕರು ಈ ಸೇವೆ ಪಡೆಯಲು ತಮ್ಮ ಟಿಕೆಟ್‌ನಲ್ಲಿರುವ ಪಿಎನ್‌ಆರ್ ಸಂಖ್ಯೆ ಬಳಕೆ ಮಾಡಬೇಕು. ರೈಲುಗಳಲ್ಲಿ ಆಹಾರ ಸರಬರಾಜು ಮಾಡಲು ಝೂಪ್ ಐಆರ್‌ಸಿಟಿಸಿ ಮತ್ತು ಜಿಯೋ ಹ್ಯಾಪ್ಟಿಕ್ ಜೊತೆ ಕೈ ಜೋಡಿಸಿದೆ.
ವಾಟ್ಸಪ್ ಮೂಲಕ ಆಹಾರ ಬುಕ್ ಮಾಡಲು ಪ್ರಯಾಣಿಕರ ಯಾವುದೇ ಹೊಸ ಅಪ್ ಡೌಲ್ ಲೋಡ್ ಮಾಡಿಕೊಳ್ಳುವ ಅಗತ್ಯವಿಲ್ಲ. ಕೇವಲ ಚಾಟ್ ಮೂಲಕ ಮೆನು ನೋಡಿ ಬುಕ್ ಮಾಡಬಹುದಾಗಿದೆ, ಅದೂ ಸಹ ಸರಳ ವಿಧಾನದ ಮೂಲಕ. ಪ್ರಾಯೋಗಿಕವಾಗಿ ರೈಲ್ವೆ ಈ ಯೋಜನೆ ಜಾರಿಗೊಳಿಸಿದೆ.
ಕುಳಿತಲ್ಲಿಯೇ ಪಡೆಯಿರಿ ಆಹಾರ
ದೂರ ಪ್ರಯಾಣ ಮಾಡುವ ರೈಲು ಪ್ರಯಾಣಿಕರು ಕುಳಿತಲ್ಲಿಯೇ ತಮ್ಮ ವಾಟ್ಸಪ್ ಮೂಲಕ ಮೆನು ನೋಡಿ ಆಹಾರ ಬುಕ್ ಮಾಡಬಹುದು. ಪಿಎನ್‌ಆರ್ ನಂಬರ್ ಆಧಾರದ ಮೇಲೆ ಬುಕ್ ಮಾಡಿದ ಆಹಾರ ನೀವು ಕುಳಿತ ಸೀಟಿಗೆ ಬಂದು ತಲುಪಲಿದೆ. ಯಾವುದೇ ಹೊಸ ಅಪ್ಲಿಕೇಶನ್, ಬೇರೆ ವೆಬ್ ಸೈಟ್‌ಗೆ ಹೋಗುವ ಅಗತ್ಯವಿಲ್ಲ. ಕೇವಲ ವಾಟ್ಸಪ್ ಚಾಟಿಂಗ್ ಮೂಲಕ ಆಹಾರ ಪಡೆಯಬಹುದು. ಹಣ ಪಾವತಿ ಮಾಡುವ ವ್ಯವಸ್ಥೆಯೂ ಸಹ ಸರಳವಾಗಿದೆ.
ಯಾವ ನಂಬರ್‌ಗೆ ಸಂಪರ್ಕಿಸಬೇಕು
ರೈಲು ಪ್ರಯಾಣಿಕರು ತಮ್ಮ ಸ್ಮಾರ್ಟ್‌ಫೋನ್ ಮೂಲಕ ವಾಟ್ಸಪ್‌ನಲ್ಲಿ 91 7042062070 ನಂಬರ್‌ಗೆ ಚಾಟ್ ಮಾಡುವ ಮೂಲಕ ಆಹಾರ ಬುಕ್ ಮಾಡಬಹುದಾಗಿದೆ. ಈ ನಂಬರ್ ಝೂಪ್ ಅಪ್ಲಿಕೇಶನ್‌ಗೆ ಸೇರಿದೆ. ನಿಮ್ಮ ಆರ್ಡರ್ ಖಚಿತಗೊಂಡ ಬಳಿಕ ನೀವು ಕುಳಿತಿರುವ ಸೀಟಿಗೆ ಆಹಾರ ಬಂದು ತಲುಪಲಿದೆ.
ವೆಜ್ ಥಾಲಿ, ವೆಜ್/ ಚಿಕನ್ ಬಿರಿಯಾನಿ ವಿತ್ ರಾಯಿತಾ, ಸ್ಟಾಂಡರ್ಡ್/ ಜೈನ್ ಸ್ಪೆಷಲ್ ಥಾಲಿ ಸದ್ಯ ಮೆನುವಿನಲ್ಲಿ ಲಭ್ಯವಿದೆ. ಇದು ಪ್ರಾಯೋಗಿಕ ಸೇವೆ ಪ್ರಯಾಣಿಕರ ಪ್ರತಿಕ್ರಿಯೆ ಬಳಿಕ ಹೊಸ ಬಗೆಯ ಖಾದ್ಯಗಳು ಪಟ್ಟಿಗೆ ಸೇರ್ಪಡೆಗೊಳ್ಳಲಿವೆ.
ಎಲ್ಲೆಲ್ಲಿ ಲಭ್ಯವಿದೆ ಈ ಸೌಲಭ್ಯಗಳು
ವಾಟ್ಸಪ್ ಮೂಲಕ ಆಹಾರ ಬುಕ್ ಮಾಡುವ ಸೇವೆ ಸದ್ಯ ವಿಜಯವಾಡ, ವಡೋದರಾ, ಮುರಾದಾಬಾದ್, ವಾರಂಗಲ್, ಪಂಡಿತ್ ದೀನ್ ದಯಾಳ್ ಉಪಾಧ್ಯಾಯ, ಕಾನ್ಪುರ, ಆಗ್ರಾ ಕಂಟೋನ್ಮೆಂಟ್, ತುಂಡ್ಲಾ ಜಂಕ್ಷನ್ ಸೇರಿದಂತೆ 100 ಎ1, ಎ ಮತ್ತು ಬಿ ದರ್ಜೆಯ ರೈಲು ನಿಲ್ದಾಣಗಳಲ್ಲಿ ಲಭ್ಯವಿದೆ.
ಈ ಸೇವೆಗೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ಸಿಕ್ಕಿದರೆ ಬೇರೆ ಬೇರೆ ನಿಲ್ದಾಣಗಳಲ್ಲಿಯೂ ಪರಿಚಯಿಸಲಾಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಆರ್ಡರ್ ಬಳಿಕ ಟ್ರಾಕ್ ಮಾಡಿ
ಆಹಾರ ಬುಕ್ ಮಾಡಿ, ಅದು ಖಚಿತವಾದ ಬಳಿಕ ಮೂರು ಕ್ಲಿಕ್‌ನಲ್ಲಿ ಸರಳವಾಗಿ ಹಣ ಪಾವತಿ ಮಾಡಲು ಝೂಪ್ ವ್ಯವಸ್ಥೆ ಮಾಡಿದೆ. ಅಲ್ಲದೇ ಬುಕ್ ಆದ ಆಹಾರದ ರಿಯಲ್ ಟೈಂ ಸ್ಟೇಟಸ್ ಪ್ರಯಾಣಿಕರ ಸ್ಮಾರ್ಟ್‌ಪೋನ್‌ಗಳಲ್ಲಿ ಲಭ್ಯವಿರಲಿದೆ.
ಆಹಾರದ ಗುಣಮಟ್ಟದ ವಿಚಾರಲ್ಲಿ ಯಾವುದೇ ರಾಜಿ ಇಲ್ಲ. ವಿಮಾನದಲ್ಲಿ ದೊರೆಯುವ ಗುಣಮಟ್ಟದ ಆಹಾರದಂತೆ ರೈಲಿನಲ್ಲಿಯೂ ಆಹಾರ ದೊರೆಯಬೇಕು ಎಂದು ಐಆರ್‌ಸಿಟಿಸಿ ಸೂಚನೆ ಕೊಟ್ಟಿದೆ.
