MP Election 2023: ಹೇಮಾ ಮಾಲಿನಿ ಹೆಸರು ಹೇಳಿ ವಿವಾದಕ್ಕೆ ಕಾರಣರಾದ ನರೋತ್ತಮ್ ಮಿಶ್ರಾ!

Updated: Friday, October 27, 2023, 7:57 [IST]

ಮಧ್ಯಪ್ರದೇಶದ ಗೃಹ ಸಚಿವ ನರೋತ್ತಮ್ ಮಿಶ್ರಾ ಭಾಷಣದ ವೇಳೆ ವಿವಾದಾತ್ಮಕ ಹೇಳಿಕೆ ನೀಡಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಡಾಟಿಯಾದಲ್ಲಿ ಸಾರ್ವಜನಿಕ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡುವಾಗ ಹೇಳಿಕೆಯೊಂದನ್ನು ನೀಡಿ ವಿವಾದಕ್ಕೀಡಾಗಿದ್ದಾರೆ.

ತಮ್ಮ ಸಾಧನೆಗಳ ಬಗ್ಗೆ ಮಾತನಾಡುವಾಗ ಮಥುರಾ ಸಂಸದೆ ಹೇಮಾ ಮಾಲಿನಿಯ ಹೆಸರನ್ನು ಮಿಶ್ರಾ ಅವರು ಪ್ರಸ್ತಾಪಿಸಿದರು. ಈ ವೇಳೆ ಮಿಶ್ರಾ ಅವರು ಹೇಮಾ ಮಾಲಿನಿ ಬಗ್ಗೆ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಇದರಿಂದಾಗಿ ಮಿಶ್ರಾ 'ಮಹಿಳೆಯರನ್ನು ಅವಮಾನಿಸಿದ್ದಾರೆ' ಎಂದು ಆರೋಪಿಸಲಾಗಿದೆ.

ಸಾರ್ವಜನಿಕರ ಮುಂದೆ ಹಿಂದಿಯಲ್ಲಿ ಮಾತನಾಡಿದ ಮಿಶ್ರಾ, ಹೇಮಾ ಮಾಲಿನಿ ಹೆಸರನ್ನು ಪ್ರಸ್ತಾಪಿಸಿ, ''ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಲ್ಲದೆ, ಹೇಮಾಮಾಲಿನಿಯವರು ನೃತ್ಯ ಮಾಡುವಷ್ಟು ದಾತಿಯಾ ಅಭಿವೃದ್ಧಿಪಡಿಸಿದ್ದೇನೆ'' ಎಂದು ಹೇಳಿದರು. ಮಿಶ್ರಾ ಹೇಳಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಅವರ ಹೇಳಿಕೆಯ ವಿಡಿಯೋವನ್ನು ಸಂಯುಕ್ತ ಜನತಾದಳದ ಅಧಿಕೃತ ಎಕ್ಸ್(ಹಿಂದಿನ ಟ್ವಿಟ್ಟರ್) ಖಾತೆಯಿಂದ ಪೋಸ್ಟ್ ಮಾಡಲಾಗಿದ್ದು, ಮಿಶ್ರಾ ಅವರದೇ ಪಕ್ಷದ ಸಂಸದೆ ಹೇಮಾ ಮಾಲಿನಿ ಬಗ್ಗೆ ಇಂತಹ ಅವಹೇಳನಕಾರಿ ಹೇಳಿಕೆ ನೀಡಿದ್ದಾರೆ ಎಂದು ಬರೆಯಲಾಗಿದೆ.

Madhya Pradesh BJP Home Minister Narottam Mishra insult Women in Rally !pic.twitter.com/fHEZ4jPoK7
— Ashish Singh (@AshishSinghKiJi) October 25, 2023

ಮಧ್ಯಪ್ರದೇಶದಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ನರೋತ್ತಮ್ ಮಿಶ್ರಾ ನಾಲ್ಕನೇ ಬಾರಿಗೆ ದಾತಿಯಾದಿಂದ ಸ್ಪರ್ಧಿಸುತ್ತಿದ್ದಾರೆ. ಮಿಶ್ರಾ ಅವರು 2008, 2018ರ ವಿಧಾನಸಭಾ ಚುನಾವಣೆಯಲ್ಲಿ ದಾತಿಯಾದಿಂದ ಗೆದ್ದರು. ಈ ಕ್ಷೇತ್ರದಿಂದ ಕಾಂಗ್ರೆಸ್ ಹಿರಿಯ ನಾಯಕ ರಾಜೇಂದ್ರ ಭಾರ್ತಿ ಅವರನ್ನು ಕಣಕ್ಕಿಳಿಸಿದೆ.

ನರೋತ್ತಮ್ ಮಿಶ್ರಾ ಮೇಲೆ ದಿಗ್ವಿಜಯ್ ಸಿಂಗ್ ತೀವ್ರ ವಾಗ್ದಾಳಿ

ಇದೀಗ ನರೋತ್ತಮ್ ಮಿಶ್ರಾ ಅವರ ಹೇಳಿಕೆಗೆ ಸಂಬಂಧಿಸಿದಂತೆ ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ಹಾಗೂ ಹಿರಿಯ ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್ ವಾಗ್ದಾಳಿ ನಡೆಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಅವರು, 'ಮಹಿಳೆಯರ ಬಗ್ಗೆ ಬಿಜೆಪಿಯ ಗೌರವಾನ್ವಿತ ಸಚಿವರ ಅಸಲಿ ಮಾತು ಕೇಳಿ. ಅವರು ತಮ್ಮ ಪಕ್ಷದ ನಾಯಕರನ್ನೂ ಬಿಡುವುದಿಲ್ಲ' ಎಂದು ಬರೆದು ಇದರೊಂದಿಗೆ ನರೋತ್ತಮ್ ಮಿಶ್ರಾ ಅವರ ಈ ವಿಡಿಯೋವನ್ನೂ ಪೋಸ್ಟ್ ಮಾಡಿದ್ದಾರೆ.

ದಾತಿಯಾದಿಂದ ಮತ್ತೆ ಚುನಾವಣಾ ಕಣದಲ್ಲಿ ನರೋತ್ತಮ್ ಮಿಶ್ರಾ

ವೈರಲ್ ಆಗುತ್ತಿರುವ ನರೋತ್ತಮ್ ಮಿಶ್ರಾ ಅವರ ವೀಡಿಯೊದಲ್ಲಿ ಅವರು ಹಿರಿಯ ನಟಿ ಮತ್ತು ಮಥುರಾದ ಬಿಜೆಪಿ ಸಂಸದೆ ಹೇಮಾ ಮಾಲಿನಿ ಅವರ ಬಗ್ಗೆ ಆಕ್ಷೇಪಾರ್ಹ ಪದಗಳನ್ನು ಬಳಸುತ್ತಿರುವುದು ಕಂಡುಬಂದಿದೆ. ಅಸಲಿಗೆ ತಮ್ಮ ವಿಧಾನಸಭಾ ಕ್ಷೇತ್ರ ದಾಟಿಯಾದಲ್ಲಿ ನಡೆದಿರುವ ಅಭಿವೃದ್ಧಿ ಕಾಮಗಾರಿಗಳ ಬಗ್ಗೆ ಚರ್ಚೆ ನಡೆಸುತ್ತಿರುವ ಅವರು, ಈ ಕುರಿತು ಮಾತನಾಡುವ ಭರದಲ್ಲಿ ಹೇಮಾ ಮಾಲಿನಿ ಬಗ್ಗೆ ಈ ರೀತಿಯ ಹೇಳಿಕೆ ನೀಡಿದ್ದಾರೆ.

ದಾತಿಯಾ ರಾಜಕೀಯದಲ್ಲಿ ನರೋತ್ತಮ್ ಮಿಶ್ರಾ ಅವರಿಗೆ ಉತ್ತಮ ಹಿಡಿತವಿದೆ. ಹೀಗಾಗಿ ಬಿಜೆಪಿ ಅವರನ್ನು ನಾಲ್ಕನೇ ಬಾರಿಗೆ ಇಲ್ಲಿಂದ ಕಣಕ್ಕಿಳಿಸುವ ವಿಶ್ವಾಸವನ್ನು ವ್ಯಕ್ತಪಡಿಸಿದೆ.