ಅದ್ಭುತ ಚಿತ್ರದ ಹಿಂದಿನ ಅಸಲಿ ಕತೆ ಏನು?
ತಾಯಿಯೊಬ್ಬಾಕೆ ಸರಳಿನ ಆಚೆ ಇರುವ ತನ್ನ ಮಗುವಿಗೆ ಹಾಲುಣಿಸುತ್ತಿರುವ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಅದ್ಭುತವಾಗಿರುವ ಈ ಚಿತ್ರ ಅಸ್ಸಾಂ ನ 'ಡಿಟೆನ್ಶನ್ ಕ್ಯಾಂಪ್' ನದ್ದು ಎಂಬ ಒಕ್ಕಣೆಯೊಂದಿಗೆ ಫೇಸ್ಬುಕ್ ಟ್ವಿಟ್ಟರ್ಗಳಲ್ಲಿ ಹರಿದಾಡುತ್ತಿದೆ.
'ಎನ್ಆರ್ಸಿ ನಿಂದಾಗಿ ಪೌರತ್ವ ಕಳೆದುಕೊಂಡ ಮುಸ್ಲಿಂ ತಾಯಿ ತನ್ನ ಮಗುವಿಗೆ ಡಿಟೆನ್ಶನ್ ಕ್ಯಾಂಪ್ ಒಳಗಡೆಯಿಂದಲೇ ಹಾಲುಣಿಸುತ್ತಿದ್ದಾಳೆ, ಅಸ್ಸಾಂ ಒಂದು ರಾಜ್ಯದಲ್ಲಿಯೇ ಈ ಸ್ಥಿತಿಯಾದರೆ ಇಡೀಯ ದೇಶದ ಸ್ಥಿತಿ ಏನಾಗಬಹದು ಊಹಿಸಿ' ಎಂಬ ಒಕ್ಕಣೆ ಈ ಚಿತ್ರಕ್ಕೆ ನೀಡಲಾಗಿದೆ.
ದೇಶದಲ್ಲಿ ಡಿಟೆನ್ಶನ್ ಕ್ಯಾಂಪ್ ಮಾಡಲಾಗುವುದಿಲ್ಲ ಎಂದು ಪ್ರಧಾನಿ ಮೊದಿ ಹೇಳಿದ ಬೆನ್ನಲ್ಲೇ ಈ ಚಿತ್ರ ವೈರಲ್ ಆಗಿದ್ದು, ಬಂಗಾಳಿಗರೊಬ್ಬರು ಹಾಕಿದ್ದ ಈ ಪೋಸ್ಟ್ಗೆ ಸಾವಿರಾರು ಶೇರ್, ಲೈಕ್, ಕಮೆಂಟ್ಗಳು ಈ ಚಿತ್ರಕ್ಕೆ ಸಿಕ್ಕಿವೆ. ಈ ಚಿತ್ರ ನಿಜವೂ ಅದ್ಭುತವಾಗಿದೆ ಆದರೆ ಇದಕ್ಕೆ ನೀಡಿರುವ ಒಕ್ಕಣೆ ನಿಜವಲ್ಲ.
ಚಿತ್ರದಲ್ಲಿ ತ್ರಾಸುಪಟ್ಟು ಮಗುವಿಗೆ ಹಾಲುಣಿಸುತ್ತಿರುವ ಮಹಿಳೆ ಅಸ್ಸಾಂನವರಲ್ಲ. ಆ ಚಿತ್ರ ತೆಗೆದಿರುವುದು ಭಾರತದಲ್ಲಿ ಅಲ್ಲ, ಅರ್ಜೆಂಟೀನಾದಲ್ಲಿ.
ಈ ಚಿತ್ರದ ಸಂದರ್ಭವೇನು ಎಂಬುದು ಸರಿಯಾಗಿ ಗೊತ್ತಾಗಿಲ್ಲ. ಯಾವುದೋ ಗಲಭೆ ಆದಾಗ ನೆರೆ-ಹೊರೆ ಪ್ರದೇಶವನ್ನು ಬೇರೆ-ಬೇರೆ ಮಾಡಲು ಮಧ್ಯೆ ಗ್ರಿಲ್ಗಳನ್ನು ಹಾಕಲಾಗಿತ್ತು. ಆಗ ಈ ಚಿತ್ರವನ್ನು ತೆಗೆಯಲಾಗಿದೆ ಎನ್ನಲಾಗುತ್ತಿದೆ.
ಈ ಬಗ್ಗೆ ಇಂಡಿಯಾ ಟುಡೆ ಫ್ಯಾಕ್ಸ್ ಚೆಕ್ ನಡೆಸಿದ್ದು, ಬ್ಲಾಗ್ ಒಂದರಲ್ಲಿ ಈ ಚಿತ್ರವನ್ನು ಮೊದಲಿಗೆ ಪ್ರಕಟಿಸಲಾಗಿದೆ. ಅರ್ಜೆಂಟೀನಾದ ಸ್ಥಳೀಯ ಭಾಷೆಯಲ್ಲಿ ಚಿತ್ರದ ಬಗ್ಗೆ ವರದಿ ಬರೆಯಲಾಗಿದೆ. ಗೂಗಲ್ ಟ್ರಾನ್ಸ್ಲೇಟರ್ ಮೂಲಕ ತರ್ಜುಮೆ ಮಾಡಿದಾಗ ಮೇಲಿನ ಮಾಹಿತಿ ಗೊತ್ತಾಗಿದೆ.
Click it and Unblock the Notifications
Sign in with Google