Mohammed Shami: ರಸ್ತೆ ಅಪಘಾತದಲ್ಲಿ ಗಾಯಗೊಂಡ ವ್ಯಕ್ತಿಯ ಜೀವ ಉಳಿಸಿದ ಮೊಹಮ್ಮದ್ ಶಮಿ
ಏಕದಿನ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಅಮೋಘ ಪ್ರದರ್ಶನ ನೀಡುವ ಮೂಲಕ ಭಾರತೀಯರ ಮನಗೆದ್ದಿದ್ದ ವೇಗಿ ಮೊಹಮ್ಮದ್ ಶಮಿ ಸದ್ಯ ವಿಶ್ರಾಂತಿ ಪಡೆಯುತ್ತಿದ್ದಾರೆ. ಈಗ ಮೈದಾನದ ಹೊರಗೆ ಜೀವವೊಂದನ್ನು ಕಾಪಾಡುವ ಮೂಲಕ ಹೀರೋ ಆಗಿದ್ದಾರೆ.
ಮೊಹಮ್ಮದ್ ಶಮಿ ನೈನಿತಾಲ್ನಲ್ಲಿ ವ್ಯಕ್ತಿಯೊಬ್ಬರ ಜೀವ ರಕ್ಷಕನಾಗಿ ಮಾರ್ಪಟ್ಟಿದ್ದಾರೆ. ಅಪಘಾತಕ್ಕೀಡಾದ ವ್ಯಕ್ತಿಯನ್ನು ಕಾಪಾಡಿ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಶಮಿ ಶನಿವಾರ ತಡರಾತ್ರಿ ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ.
ಗಂಭೀರವಾದ ಘಟನೆ ನಡೆಯದಂತೆ ತಡೆಯಲು ತಾನು ಮತ್ತು ಆತನ ಜೊತೆಗಿದ್ದ ಕೆಲವರು ಜೊತೆಗೂಡಿ ಬೆಟ್ಟದಿಂದ ಕೆಳಗಿಳಿದ ಕಾರಿನಿಂದ ವ್ಯಕ್ತಿಯನ್ನು ಕಾಪಾಡಿದ್ದೇವೆ ಎಂದು ಶಮಿ ಹೇಳಿಕೊಂಡಿದ್ದಾರೆ. ಶಮಿ, ಕ್ರಿಕೆಟಿಗ, ತನ್ನ ಮಾರಕ ಬೌಲಿಂಗ್ನಿಂದ ಬ್ಯಾಟರ್ಗಳನ್ನು ಔಟ್ ಮಾಡಲು ಹೆಸರುವಾಸಿಯಾಗಿದ್ದು, ಅಪರಿಚಿತ ವ್ಯಕ್ತಿಯ ಜೀವ ರಕ್ಷಕನಾಗಿ ಮಾರ್ಪಟ್ಟಿದ್ದಾರೆ.
ನೈನಿತಾಲ್ನಲ್ಲಿ ಅಪಘಾತ!
ಘಟನೆ ನಡೆದಾಗ ಟೀಂ ಇಂಡಿಯಾ ಕ್ರಿಕೆಟಿಗ ಶಮಿ ಕೂಡ ನೈನಿತಾಲ್ನಲ್ಲಿದ್ದರು. ಶಮಿ ಅವರ ವಾಹನದ ಮುಂದೆಯೇ ವ್ಯಕ್ತಿಯ ಕಾರು ಬೆಟ್ಟದಿಂದ ಬಿದ್ದಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ. ಸಮಯಕ್ಕೆ ಸರಿಯಾಗಿ ಪ್ರತಿಕ್ರಿಯಿಸಿದ ಮೊಹಮ್ಮದ್ ಶಮಿ ವ್ಯಕ್ತಿಯ ಪ್ರಾಣ ಉಳಿಸಿದರು.
ಶಮಿ ಇನ್ಸ್ಟಾಗ್ರಾಮ್ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ, ಜೊತೆಗೆ ಶೀರ್ಷಿಕೆ ನೀಡಿದ್ದಾರೆ. "ಅವನು ತುಂಬಾ ಅದೃಷ್ಟಶಾಲಿ ದೇವರು ಅವನಿಗೆ 2 ನೇ ಜೀವನವನ್ನು ಕೊಟ್ಟನು. ಅವನ ಕಾರು ನನ್ನ ಕಾರಿನ ಮುಂದೆ ನೈನಿತಾಲ್ ಬಳಿಯ ಗುಡ್ಡದ ರಸ್ತೆಯಿಂದ ಕೆಳಗೆ ಬಿದ್ದಿದೆ. ನಾವು ಅವನನ್ನು ಸುರಕ್ಷಿತವಾಗಿ ಹೊರತೆಗೆದಿದ್ದೇವೆ." ಎಂದು ಹೇಳಿದ್ದಾರೆ.
ಮೊಹಮ್ಮದ್ ಶಮಿ ಬಡತನದಿಂದ ಬಂದ ಕ್ರಿಕೆಟಿಗ. ಇತ್ತೀಚಿನ ಸಂದರ್ಶನವೊಂದರಲ್ಲಿ ಅವರು ಬೈಕ್, ಕಾರು, ಟ್ರಾಕ್ಟರ್, ಬಸ್ ಮತ್ತು ಟ್ರಕ್ಗಳನ್ನು ಓಡಿಸಿರುವ ಮಾಹಿತಿಯನ್ನು ಬಹಿರಂಗಪಡಿಸಿದರು.
"ನನಗೆ ಪ್ರಯಾಣ, ಮೀನು ಹಿಡಿಯುವುದು, ವಾಹನ ಚಲಾಯಿಸುವುದು ತುಂಬಾ ಇಷ್ಟ. ನನಗೆ ಬೈಕ್ ಮತ್ತು ಕಾರು ಓಡಿಸುವುದು ಇಷ್ಟ. ಆದರೆ ಭಾರತಕ್ಕಾಗಿ ಆಡಿದ ನಂತರ ನಾನು ಗಾಯಗೊಂಡರೆ ಎನ್ನು ಭಯದಿಂದ ಬೈಕ್ ಓಡಿಸುವುದನ್ನು ನಿಲ್ಲಿಸಿದೆ. ಹೆದ್ದಾರಿಗಳಲ್ಲಿ ಬೈಕ್ ಓಡಿಸುತ್ತೇನೆ, ಕೆಲವೊಮ್ಮೆ ಹಳ್ಳಿಯಲ್ಲಿ ನಾನು ನನ್ನ ಅಮ್ಮನನ್ನು ಭೇಟಿಯಾಗಲು ಹೋಗುತ್ತೇನೆ" ಎಂದು ಮೊಹಮ್ಮದ್ ಶಮಿ ಪೂಮಾ ಯೂಟ್ಯೂಬ್ ಚಾನೆಲ್ನಲ್ಲಿ ಹೇಳಿದ್ದಾರೆ.
ಕೃಷಿ ಕುಟುಂಬದಿಂದ ಬಂದವನು, ಟ್ರ್ಯಾಕ್ಟರ್, ಬಸ್, ಟ್ರಕ್ಗಳನ್ನು ಓಡಿಸಿದ್ದೇನೆ ಎಂದು ಹೇಳಿದರು. ಭಾರತ ತಂಡದ ಪ್ರಮುಖ ವೇಗದ ಬೌಲರ್ ಶಮಿ, ಸದ್ಯ ವಿಶ್ರಾಂತಿಯಲ್ಲಿದ್ದು, ಡಿಸೆಂಬರ್ ತಿಂಗಳಿನಲ್ಲಿ ನಡೆಯಲಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಗೆ ಭಾರತ ತಂಡದಲ್ಲಿ ಆಡುವ ನಿರೀಕ್ಷೆ ಇದೆ.
Click it and Unblock the Notifications
Sign in with Google