Live
Lunar Eclipse (ಚಂದ್ರಗ್ರಹಣ) 2023 LIVE: ಪೂರ್ಣಗೊಂಡ ವರ್ಷದ ಮೊದಲ ಚಂದ್ರಗ್ರಹಣ
2023ನೇ ವರ್ಷದ ಮೊದಲ ಚಂದ್ರಗ್ರಹಣ ಮೇ 5ರಂದು ಸಂಭವಿಸಲಿದೆ. ಇದನ್ನು ಪೆನಂಬ್ರಾಲ್ ಹಾಗೂ ನೆರಳು ಚಂದ್ರಗ್ರಹಣ ಎಂತಲೂ ಕರೆಯಲಾಗುತ್ತದೆ. ಇದು ಭಾರತ, ಆಫ್ರಿಕಾ, ಏಷ್ಯಾ ಮತ್ತು ಆಸ್ಟ್ರೇಲಿಯಾದ ಭಾಗಗಳಲ್ಲಿ ಗೋಚರಿಸುತ್ತದೆ. ಅಕ್ಟೋಬರ್ 28 ರಂದು ಭಾಗಶಃ ಚಂದ್ರಗ್ರಹಣ ನಡೆಯಲಿದೆ. ಇದು ವರ್ಷದ ಎರಡನೇ ಹಾಗೂ ಕೊನೆಯ ಚಂದ್ರಗ್ರಹಣವಾಗಿದ್ದು ಪೂರ್ವ ಅಮೆರಿಕ, ಯುರೋಪ್, ಆಫ್ರಿಕಾ, ಏಷ್ಯಾ ಮತ್ತು ಆಸ್ಟ್ರೇಲಿಯಾದ ಭಾಗಗಳಲ್ಲಿ ಗೋಚರಿಸುತ್ತದೆ.
ಈ ಬಾರಿ ಬುದ್ಧ ಪೂರ್ಣಿಮಾದಂದು ಚಂದ್ರಗ್ರಹಣ ಸಂಭವಿಸುತ್ತಿರುವುದು ವಿಶೇಷವಾಗಿದೆ. ಮೇ 5 ಶುಕ್ರವಾರ ರಾತ್ರಿ 8:45ಕ್ಕೆ ನೆರಳು ಚಂದ್ರಗ್ರಹಣ ಸಂಭವಿಸಲಿದೆ. ಈ ಗ್ರಹಣ ಮಧ್ಯರಾತ್ರಿ 1 ಗಂಟೆಗೆ ಮುಕ್ತಾಯವಾಗಲಿದೆ. ಪೆನಂಬ್ರಾಲ್ ಚಂದ್ರ ಗ್ರಹಣದ ಒಟ್ಟು ಅವಧಿ 04 ಗಂಟೆ 15 ನಿಮಿಷ 34 ಸೆಕೆಂಡುಗಳಾಗಿರುತ್ತದೆ. ಈ ಚಂದ್ರ ಗ್ರಹಣ ಭಾರತದಲ್ಲಿ ಗೋಚರಿಸುತ್ತದೆ. ನಿಖರವಾಗಿ ಚಂದ್ರಗ್ರಹಣವು ಯಾವಾಗ ಗೋಚರಿಸುತ್ತದೆ ಎಂಬುದು ನೀವು ಇರುವ ಸ್ಥಳವನ್ನು ಅವಲಂಬಿಸಿರುತ್ತದೆ. ಆಯಾ ಸ್ಥಳಗಳಿಗೆ ಅನುಗುಣವಾಗಿ ಚಂದ್ರ ಗ್ರಹಣದ ಗೋಚರಣೆ ಸಮಯವು ಭಿನ್ನವಾಗಿರುತ್ತದೆ.
ಸೂತಕ ಅವಧಿಯು ಚಂದ್ರಗ್ರಹಣ ಪ್ರಾರಂಭವಾಗುವ 9 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ, ಆದರೆ ಇದು ಸೂರ್ಯಗ್ರಹಣದ ಸಮಯದಲ್ಲಿ 12 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ.
ಪೆನಂಬ್ರಾಲ್ ಚಂದ್ರಗ್ರಹಣದ ನಗರ-ವಾರು ಸಮಯಗಳು
ನವದೆಹಲಿ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಮುಂಬೈ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಗುರುಗ್ರಾಮ್: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಹೈದರಾಬಾದ್: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಬೆಂಗಳೂರು: ರಾತ್ರಿ 8:44 (ಮೇ 5) ರಿಂದ ಮಧ್ಯರಾತ್ರಿ 1:01 ರವರೆಗೆ(ಮೇ 6)
ಚೆನ್ನೈ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಕೋಲ್ಕತ್ತಾ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಭೋಪಾಲ್: 8:ರಾತ್ರಿ 44 (ಮೇ 5) ರಿಂದ 1:01 ರವರೆಗೆ (ಮೇ 6)
ಚಂಡೀಗಢ: 8:44ರಾತ್ರಿ (ಮೇ 5) ರಿಂದ 1:01 ರವರೆಗೆ (ಮೇ 6)
ಪಾಟ್ನಾ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಅಹಮದಾಬಾದ್: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ವಿಶಾಖಪಟ್ಟಣಂ: ರಾತ್ರಿ 8:44 (ಮೇ 5) ರಿಂದ 1:01ರವರೆಗೆ (ಮೇ 6)
ಗುವಾಹಟಿ: ರಾತ್ರಿ 8:44(ಮೇ 5) ರಿಂದ 1:01 ರವರೆಗೆ (ಮೇ 6)
ರಾಂಚಿ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಇಂಫಾಲ್: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಇಟಾನಗರ: ರಾತ್ರಿ 8:44 (ಮೇ 5) ರಿಂದ 1:01 ರವರೆಗೆ (ಮೇ 6)
ಪೂರ್ಣಗೊಂಡ ವರ್ಷದ ಮೊದಲ ಚಂದ್ರಗ್ರಹಣ
ವರ್ಷದ ಮೊದಲ ಚಂದ್ರಗ್ರಹಣ ಶನಿವಾರ ಬೆಳಿಗ್ಗೆ 1:1ಕ್ಕೆ (ಸ್ಥಳೀಯ ಕಾಲಮಾನ) ಶನಿವಾರ ಪೂರ್ಣಗೊಂಡಿದೆ. ಹಲವೆಡೆ ಚಂದ್ರಗ್ರಹಣ ಸ್ಪಷ್ಟವಾಗಿ ಗೋಚರಿಸಿದೆ. ಇನ್ನು ಹಲವೆಡೆ ಮೋಡದಿಂದಾಗಿ ಗ್ರಹಣ ಗೋಚರಿಸಿಲ್ಲ. ವರ್ಷದ ಮೊದನೇ ಚಂದ್ರ ಗ್ರಹಣ ಪೂರ್ಣಗೊಂಡಿದ್ದು ವರ್ಷದ ಎರಡನೇ ಹಾಗೂ ವರ್ಷದ ಕೊನೆಯ ಚಂದ್ರಗ್ರಹಣ ಅಕ್ಟೋಬರ್ 28 ರಂದು ಭಾಗಶಃ ಚಂದ್ರಗ್ರಹಣ ನಡೆಯಲಿದೆ.
ಗ್ರಹಣದ ದುಷ್ಪರಿಣಾಮಗಳನ್ನು ತಪ್ಪಿಸಲು ಈ ಮಂತ್ರ ಪಠಿಸಿ
ಗ್ರಹಣ ಸಮಯದಲ್ಲಿ ನಕಾರಾತ್ಮಕ ಶಕ್ತಿ ಹೆಚ್ಚುತ್ತದೆ ಎಂಬ ನಂಬಿಕೆ ಇದೆ. ಆದ್ದರಿಂದ ಅನೇಕರು ತಮ್ಮ ಜೀವನ ಅಥವಾ ಕುಟುಂಬಕ್ಕೆ ದುಷ್ಪರಿಣಾಮಗಳು ಬೀಳದೇ ಇರಲು ಪರಿಹಾರಗಳನ್ನು ಹುಡುಕುತ್ತಾರೆ. ಹೀಗಾಗಿ ಅನೇಕ ಜನರು ಕೆಟ್ಟ ಪರಿಣಾಮಗಳನ್ನು ದೂರಮಾಡಲು ಬಜರಂಗ್ ಬಲಿ ಹನುಮಾನ್ ಚಾಲೀಸಾದಂತಹ ಮಂತ್ರಗಳನ್ನು ಪಠಿಸುತ್ತಾರೆ.
ಚಂದ್ರಗ್ರಹಣದ ನಂತರ ಪ್ರತಿಯೊಬ್ಬರೂ ಮಾಡಬೇಕಾದ ಪ್ರಮುಖ ಕೆಲಸಗಳು
ನಂಬಿಕೆಯ ಪ್ರಕಾರ, ಮೋಕ್ಷಕಾಲದ ನಂತರ ಅಂದರೆ ಚಂದ್ರಗ್ರಹಣ ಮುಗಿದ ನಂತರ ಸ್ನಾನದ ನೀರಿನಲ್ಲಿ ಗಂಗಾಜಲವನ್ನು ಸೇರಿಸಿ ಸ್ನಾನ ಮಾಡಬೇಕು. ಮನೆಯ ದೇವರ ಮೂರ್ತಿಗಳಿಗೂ ಸ್ನಾನ ಮಾಡಿಸಬೇಕು. ನೀರಿಗೆ ಕಲ್ಲು ಉಪ್ಪನ್ನು ಸೇರಿಸಿ ಇಡೀ ಮನೆಯನ್ನು ಒರೆಸಿ. ಇದನ್ನು ಮಾಡುವುದರಿಂದ ಗ್ರಹಣ ಮುಗಿದ ನಂತರ ಎಲ್ಲಾ ದುಷ್ಪರಿಣಾಮಗಳು ದೂರವಾಗುತ್ತವೆ ಎಂದು ನಂಬಲಾಗುತ್ತದೆ.
ಗ್ರಹಣ ಸಮಯದಲ್ಲಿ ಸೇವಿಸಬೇಕಾದ ಆಹಾರಗಳು
ಧಾರ್ಮಿಕ ನಂಬಿಕೆಗಳ ಪ್ರಕಾರ, ಗ್ರಹಣ ಸಮಯದಲ್ಲಿ ಯಾವುದೇ ಆಹಾರವನ್ನು ಸೇವಿಸಬಾರದು. ಗರ್ಭಿಣಿಯರು, ಮಕ್ಕಳು ಮತ್ತು ವೃದ್ಧರು ಅಗತ್ಯವಿದ್ದಾಗ ಕೆಲವು ಆಹಾರ ಪದಾರ್ಥಗಳನ್ನು ಸೇವಿಸಬಹುದು ಎನ್ನಲಾಗುತ್ತದೆ. ಹೀಗಾಗಿ ತುಳಸಿ ಎಲೆಗಳನ್ನು ಹಾಕಿ ಕುದಿಸಿದ ನಂತರವೇ ಈ ಹಾಲನ್ನು ಸೇವಿಸಿ. ಅದರ ಹೊರತಾಗಿ ತೆಂಗಿನಕಾಯಿ, ಬಾಳೆಹಣ್ಣು, ದಾಳಿಂಬೆ ಮತ್ತು ಮಾವಿನ ಹಣ್ಣುಗಳನ್ನು ಗ್ರಹಣ ಸಮಯದಲ್ಲಿ ಸೇವಿಸಬಹುದು.
ಗ್ರಹಣದ ಸಮಯದಲ್ಲಿ ದೇವಸ್ಥಾನಗಳನ್ನು ಮುಚ್ಚುವುದು ಯಾಕೆ?
'ಗ್ರಹಣ' ಸಮಯದಲ್ಲಿ ಬಿಡುಗಡೆಯಾಗುವ ನಕಾರಾತ್ಮಕ ಶಕ್ತಿಯ ಪ್ರಮಾಣವು "ಅಸಾಧಾರಣ ಪ್ರಮಾಣದಲ್ಲಿ" ಇರುತ್ತದೆ. ಅದನ್ನು ತಡೆಯುವುದಕ್ಕೆ ದೇಗುಲಗಳನ್ನು ಬಂದ್ ಮಾಡಲಾಗುತ್ತದೆ.ಸಕಾರಾತ್ಮಕ ಶಕ್ತಿಯು ಸಾಮಾನ್ಯವಾಗಿ ವಿಗ್ರಹದಿಂದ ಪ್ರದಕ್ಷಿಣಾಕಾರವಾಗಿ ಚಲಿಸುತ್ತದೆ. ಗ್ರಹಣದ ಸಮಯದಲ್ಲಿ ಆಧ್ಯಾತ್ಮಿಕ ಶಕ್ತಿಗಳ ಹರಿವು ಅಡ್ಡಿಪಡಿಸುತ್ತದೆ - ವಿಗ್ರಹಗಳ ಸುತ್ತ ಸೆಳವು ನಿರ್ಮಿಸುತ್ತದೆ. ಆದ್ದರಿಂದ, ಸೂರ್ಯನ ಕಿರಣಗಳನ್ನು ಅನುಮತಿಸುವ ಬಾಗಿಲುಗಳು ಮುಚ್ಚಲ್ಪಟ್ಟಿವೆ
ಸೂರ್ಯ ಹಾಗೂ ಚಂದ್ರಗ್ರಹಣದ ನಡುವೆ ಇರುವ ವ್ಯತ್ಯಾಸ
ಸೂರ್ಯ ಮತ್ತು ಚಂದ್ರನ ನಡುವೆ ಭೂಮಿ ಬಂದಾಗ ಚಂದ್ರಗ್ರಹಣ ಸಂಭವಿಸುತ್ತದೆ.ಭೂಮಿಯು ಸೂರ್ಯನ ಸುತ್ತ ಮತ್ತು ಚಂದ್ರನು ಭೂಮಿಯ ಸುತ್ತ ಸುತ್ತುತ್ತಿರುವಾಗ ಇದು ಸಂಭವಿಸುತ್ತದೆ. ಇನ್ನೂ ಭೂಮಿ ಮತ್ತು ಸೂರ್ಯನ ನಡುವೆ ಚಂದ್ರ ಬಂದಾಗ ಸೂರ್ಯನ ಕಿರಣಗಳು ಭೂಮಿಯನ್ನು ತಲುಪಲು ಸಾಧ್ಯವಾಗದ ಕಾರಣ ಸೂರ್ಯಗ್ರಹಣ ಸಂಭವಿಸುತ್ತದೆ.18 ತಿಂಗಳಿಗೊಮ್ಮೆ ಸೂರ್ಯಗ್ರಹಣ ಸಂಭವಿಸುತ್ತದೆ.
ಧನು ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಚಂದ್ರಗ್ರಹಣವು ಧನು ರಾಶಿಯವರಿಗೆ ಮಂಗಳಕರ ಫಲಿತಾಂಶವನ್ನು ನೀಡಲಿದೆ. ಈ ಚಂದ್ರಗ್ರಹಣವು ಧನು ರಾಶಿಯಿಂದ ಹನ್ನೊಂದನೇ ಮನೆಯಲ್ಲಿ ಸಂಭವಿಸುತ್ತದೆ. ಹೀಗಾಗಿ ಧನು ರಾಶಿಯವರು ಸಂಪತ್ತಿನ ಲಾಭವನ್ನು ಪಡೆಯುತ್ತಾರೆ. ಉದ್ಯೋಗಸ್ಥರು ಉತ್ತಮ ಇನ್ಕ್ರಿಮೆಂಟ್ ಪಡೆಯುವ ಸಾಧ್ಯತೆಯಿದೆ. ಮಕ್ಕಳಿಂದ ನಿಮಗೆ ಸಿಹಿ ಸುದ್ದಿ ಸಿಗಲಿದೆ.
ಸಿಂಹ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಮೇ 5 ರ ಚಂದ್ರಗ್ರಹಣ ಸಂಭವಿಸಿದ್ದರಿಂದ ಸಿಂಹ ರಾಶಿಯವರಿಗೆ ಮಂಗಳಕರ ಮತ್ತು ಫಲದಾಯಕವಾಗಿರುತ್ತದೆ. ಸಿಂಹ ರಾಶಿಯ ಜನರು ಉದ್ಯೋಗ ಮತ್ತು ವ್ಯವಹಾರದಲ್ಲಿ ಪ್ರಗತಿ ಹೊಂದುವ ಸಾಧ್ಯತೆಗಳು ದಟ್ಟವಾಗಿದೆ. ಕಾರ್ಯಕ್ಷೇತ್ರದಲ್ಲೂ ಕೆಲವು ಉತ್ತಮ ಬದಲಾವಣೆಗಳನ್ನು ನಿರೀಕ್ಷೇ ಮಾಡಬಹುದು. ಸಾಮಾಜಿಕ ಮತ್ತು ರಾಜಕೀಯ ಕ್ಷೇತ್ರದಲ್ಲಿ ಅವರ ಸ್ಥಾನವು ಉತ್ತಮ ಮತ್ತು ಬಲವಾಗಿರುತ್ತದೆ. ಅವರ ದಿಟ್ಟ ನಿರ್ಧಾರಗಳಿಂದ ಅವರಿಗೂ ಲಾಭವಾಗುತ್ತದೆ.
ಮೀನ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಮೀನ ರಾಶಿಯವರಿಗೆ ಮೇ 5 ರಂದು ಸಂಭವಿಸಿದ ವೈಶಾಖ ಪೂರ್ಣಿಮೆಯ ವರ್ಷದ ಮೊದಲ ಚಂದ್ರಗ್ರಹಣವು ಆರ್ಥಿಕ ವಿಷಯಗಳಲ್ಲಿ ಮಂಗಳಕರವಾಗಿರುತ್ತದೆ. ಚಂದ್ರಗ್ರಹಣದ ನಂತರ ಸುಮಾರು 10 ದಿನಗಳಲ್ಲಿ ಅವರು ಸಾಕಷ್ಟು ಪ್ರಯೋಜನಗಳನ್ನು ಪಡೆಯುವ ಸಾಧ್ಯತೆಯಿದೆ. ಇನ್ನೂ ಒಳ್ಳೆಯ ಸುದ್ದಿ ಮತ್ತು ಉಡುಗೊರೆಗಳನ್ನು ಪಡೆಯುವ ಸಾಧ್ಯತೆಯಿದೆ. ಆದರೆ ನಿಮ್ಮನ್ನು ಮಾನಸಿಕ ಸಮಸ್ಯೆಗಳು ಕಾಡುವ ಸಾಧ್ಯತೆಯಿದೆ. ಈ ಸಮಯದಲ್ಲಿ ನಿಮಗೆ ಆತಂಕ ಹೆಚ್ಚಾಗಬಹುದು. ನಿಮ್ಮ ಆರೋಗ್ಯದ ಬಗ್ಗೆಯೂ ನೀವು ಜಾಗರೂಕರಾಗಿರಬೇಕು.
ಕುಂಭ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಮೊದಲನೇ ಚಂದ್ರಗ್ರಹಣದ ಸಮಯದಲ್ಲಿ ಚಂದ್ರನು ಕುಂಭ ರಾಶಿಯಿಂದ ಒಂಬತ್ತನೇ ಮನೆಯಲ್ಲಿರುತ್ತಾನೆ. ಹೀಗಾಗಿ ಕುಂಭ ರಾಶಿಯವರಿಗೆ ಈ ಚಂದ್ರಗ್ರಹಣದಿಂದ ಅದೃಷ್ಟಒಲಿದು ಬರುತ್ತದೆ. ತಂದೆಯ ಬಳಗದವರೊಂದಿಗೆ ನಿಮ್ಮ ಸಂಬಂಧವು ಸುಧಾರಿಸುತ್ತದೆ. ಮತ್ತು ನೀವು ಅವರಿಂದ ಲಾಭವನ್ನು ಪಡೆಯುತ್ತೀರಿ. ಈ ಸಮಯದಲ್ಲಿ ನೀವು ಧರ್ಮ-ಆಧ್ಯಾತ್ಮಿಕತೆಯಲ್ಲಿ ಆಸಕ್ತಿ ಹೊಂದಿರುತ್ತೀರಿ. ಪ್ರಯಾಣವು ಶುಭ ಫಲವನ್ನೇ ನೀಡಲಿದೆ. ಈ ಚಂದ್ರಗ್ರಹಣದ ನಂತರ ನೀವು ಹಿಂದೆ ಮಾಡಿದ ಹೂಡಿಕೆಗಳು ಮತ್ತು ಕೆಲಸಗಳಿಂದ ಲಾಭವನ್ನು ಪಡೆಯಬಹುದು.
ಮಕರ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ವೈಶಾಖ ಪೂರ್ಣಿಮೆಯಂದು ಚಂದ್ರಗ್ರಹಣ ಸಂಭವಿಸ್ತಿರೋದ್ರಿಂದ ಮಕರ ರಾಶಿಯವರಿಗೆ ಮಂಗಳಕರವಾಗಿರುತ್ತದೆ. ಹೀಗಾಗಿ ಚಂದ್ರಗ್ರಹಣವು ಮಕರ ರಾಶಿಯವರಿಗೆ ಉದ್ಯೋಗ ಮತ್ತು ವ್ಯವಹಾರದ ವಿಷಯದಲ್ಲಿ ಅನುಕೂಲಕರವಾಗಿರುತ್ತದೆ. ಕೆಲಸದ ಸ್ಥಳದಲ್ಲಿ ಕೆಲಸದ ಒತ್ತಡವಿರುತ್ತದೆ, ಆದರೆ ನೀವು ಅದರ ಲಾಭವನ್ನು ಸಹ ಪಡೆಯುತ್ತೀರಿ. ನೀವು ದೈಹಿಕ ಸಂತೋಷ ಪಡೆಯುತ್ತೀರಿ. ನಿಮ್ಮ ಗೌರವ ಹಾಗೂ ಪ್ರತಿಷ್ಠೆ ಹೆಚ್ಚಾಗುತ್ತದೆ.
ನೇಪಾಳದ ಆಕಾಶದಲ್ಲಿ ಪೆನಂಬ್ರಾಲ್ ಚಂದ್ರಗ್ರಹಣ ಗೋಚರ
ಹುಣ್ಣಿಮೆಯ ದಿನದಂದು ನೇಪಾಳಿ ಆಕಾಶದಲ್ಲಿ ಪೆನಂಬ್ರಾಲ್ ಚಂದ್ರಗ್ರಹಣವನ್ನು ನೋಡಲಾಯಿತು. ಶುಕ್ರವಾರ ರಾತ್ರಿ 8:59 ಕ್ಕೆ (ಸ್ಥಳೀಯ ಕಾಲಮಾನ) ಚಂದ್ರಗ್ರಹಣ ಪ್ರಾರಂಭವಾಯಿತು ಮತ್ತು 1:16 AM (ಸ್ಥಳೀಯ ಕಾಲಮಾನ) ಶನಿವಾರದವರೆಗೆ ಮುಂದುವರಿಯುತ್ತದೆ.
ಮಿಥುನ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಚಂದ್ರಗ್ರಹಣದ ಪರಿಣಾಮದಿಂದ ಕೆಲವೊಂದು ಸಮಸ್ಯೆಗಳನ್ನು ನೀವು ಎದುರಿಸಬೇಕಾಗುತ್ತದೆ. ಹೀಗಾಗಿ ನಿಮ್ಮ ಮಾತಿನ ಮೇಲೆ ಹಿಡಿತವಿರಬೇಕು. ಇನ್ನೂ ನಿಮ್ಮ ಹಣಕಾಸಿನ ಪರಿಸ್ಥಿತಿಯ ಬಗ್ಗೆಯೂ ಗಮನ ಹರಿಸಬೇಕು. ಅನಗತ್ಯ ವೆಚ್ಚಗಳು ನಿಮಗೆ ಮಾನಸಿಕ ಒತ್ತಡವನ್ನು ಉಂಟುಮಾಡಬಹುದು.
ಮೇಷ ರಾಶಿಯವರ ಮೇಲೆ ಚಂದ್ರಗ್ರಹಣದ ಪರಿಣಾಮ
ಮೇಷ ರಾಶಿಯವರ ಮೇಲೆ ಈ ಚಂದ್ರ ಗ್ರಹಣವು ನಕಾರಾತ್ಮಕ ಪರಿಣಾಮವನ್ನು ಬೀರಲಿದೆ. ಈ ಸಮಯದಲ್ಲಿ ನೀವು ಸ್ವಲ್ಪ ಜಾಗರೂಕರಾಗಿರಬೇಕು. ಈ ಅವಧಿಯಲ್ಲಿ ನೀವು ಮಾನಸಿಕ ಒತ್ತಡವನ್ನು ಅನುಭವಿಸುತ್ತೀರಿ. ಆದ್ದರಿಂದ ಈ ಸಮಯದಲ್ಲಿ ಯಾವುದೇ ದೊಡ್ಡ ನಿರ್ಧಾರ ತೆಗೆದುಕೊಳ್ಳಲು ಹೋಗಬೇಡಿ.
ರಾತ್ರಿ 10:53 ಕ್ಕೆ ಪೆನಂಬ್ರಾಲ್ ಚಂದ್ರಗ್ರಹಣ
ಭೂಮಿಯ ನೆರಳು ಚಂದ್ರನ ಮೇಲೆ ಬಿದ್ದಾಗ ಅದನ್ನು ಪೆನಂಬ್ರಾಲ್ ಚಂದ್ರಗ್ರಹಣ ಎಂದು ಕರೆಯಲಾಗುತ್ತದೆ. ಪೆನಂಬ್ರಾಲ್ ಚಂದ್ರಗ್ರಹಣ ರಾತ್ರಿ 10:53 ಕ್ಕೆ ನಡೆಯಲಿದೆ. ಗ್ರಹಣದ ಮೊದಲು, ಚಂದ್ರನು ಭೂಮಿಯ ನೆರಳನ್ನು ಪ್ರವೇಶಿಸುತ್ತಾನೆ. ಅದನ್ನು ಚಂದ್ರ ಮಾಲಿನ್ಯಾ ಎಂದು ಕರೆಯಲಾಗುತ್ತದೆ ಇದಾದ ಬಳಿಕ ಚಂದ್ರನು ಭೂಮಿಯ ನಿಜವಾದ ನೆರಳನ್ನು ಪ್ರವೇಶಿಸುತ್ತಾನೆ. ಈ ಪರಿಸ್ಥಿತಿಯಲ್ಲಿ, ಪೆನಂಬ್ರಾ ಸಮಯದಲ್ಲಿ ಚಂದ್ರನ ಬೆಳಕಿನಲ್ಲಿ ಸ್ವಲ್ಪ ಮಂದತೆ ಉಂಟಾಗುತ್ತದೆ. ಹಾಗೂ ಚಂದ್ರನ ಬಣ್ಣವು ಮಂದವಾಗುತ್ತದೆ.
ಇಂಡಿಯಾ ಗೇಟ್ ಮೇಲೆ ಹುಣ್ಣಿಮೆ ಚಂದ್ರ
ದೆಹಲಿಯ ಇಂಡಿಯಾ ಗೇಟ್ ಮೇಲೆ ಹುಣ್ಣಿಮೆ ಚಂದ್ರ ಗೋಚರಿಸಿತು. ಚಂದ್ರಗ್ರಹಣಕ್ಕೂ ಮುನ್ನ ಕಂಡ ಚಂದ್ರನ ಬೆಳದಿಂಗಳು..
ಹುಣ್ಣಿಮೆಯನ್ನು ಸ್ವಲ್ಪಮಟ್ಟಿಗೆ ಮಂದಗೊಳಿಸುವ ಚಂದ್ರ
ಏಷ್ಯಾ ಮತ್ತು ಆಸ್ಟ್ರೇಲಿಯಾದಲ್ಲಿ ವರ್ಷದ ಮೊದಲ ಚಂದ್ರಗ್ರಹಣಕ್ಕೆ ಅತ್ಯುತ್ತಮವಾಗಿ ವೀಕ್ಷಿಸಬಹುದು. ಗುಜರಾತ್ನ ಪ್ರಾದೇಶಿಕ ವಿಜ್ಞಾನ ಕೇಂದ್ರ ಭುಜ್ನಲ್ಲಿ (Gujrath's Regional Science Centre - Bhuj) 150 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಮತ್ತು ಸಂದರ್ಶಕರು ಬುದ್ಧಪೂರ್ಣಿಮಾ ಸಂದರ್ಭದಲ್ಲಿ ಪೆನಂಬ್ರಾಲ್ ಚಂದ್ರಗ್ರಹಣವನ್ನು ಆನಂದಿಸಿದರು.
Excitement is in the air, More than 150 students and visitors enjoyed the penumbral Lunar eclipse @RSCBhuj on occasion of #BudhPurnima @vnehra @narottamsahoo @InfoGujcost @GujScienceCity @IIABengaluru @asipoec @somakrc @ydnad0 @CollectorKutch @Bhujmahiti pic.twitter.com/IgM6OwfMos
— Regional Science Centre Bhuj (@RscBhuj) May 5, 2023
ಚಂದ್ರ ಗ್ರಹಣ 2023: ಆಕಾಶದಲ್ಲಿ ಕೆಂಪು ಚಂದ್ರನನ್ನು ವೀಕ್ಷಿಸಿ
ಇಂದಿನ ಚಂದ್ರ ಗ್ರಹಣದ ಸಮಯದಲ್ಲಿ ಭೂಮಿಯು ಸೂರ್ಯನ ಬೆಳಕನ್ನು ಮರೆ ಮಾಡವುದರಿಂದ ಚಂದ್ರನು ಕೆಂಪು ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತಾನೆ. ಈ ಅದ್ಬುತ ನೋಟವನ್ನು ಇಂದು ನೀವು ಕಣ್ತುಂಬಿಕೊಳ್ಳಬಹುದು. ಈಗಾಗಲೇ ಚಂದ್ರಗ್ರಹಣ ಆರಂಭವಾಗಿದ್ದು ರಾತ್ರಿ 10:53 ಕ್ಕೆ ಪೆನಂಬ್ರಾಲ್ ಚಂದ್ರಗ್ರಹಣ ಸಂಭವಿಸಲಿದೆ.
Lunar Eclipse 2023: ಉಜ್ಜಯಿನಿಯಲ್ಲಿ ಚಂದ್ರಗ್ರಹಣದ ವಿಶೇಷತೆ ಏನು?
ವರ್ಷದ ಮೊದಲ ಚಂದ್ರಗ್ರಹಣ ಇಂದು ಸಂಭವಿಸಲಿದೆ. ಈ ಚಂದ್ರಗ್ರಹಣ ಹಿಂದೂ ಸಂಪ್ರದಾಯದಲ್ಲಿ ಭಾರೀ ಮಹತ್ವವನ್ನು ಪಡೆದುಕೊಂಡಿದೆ. ಧಾರ್ಮಿಕ ನಗರಿ ಮಧ್ಯಪ್ರದೇಶದ ಉಜ್ಜಯಿನಿಯಲ್ಲಿ ಈ ಚಂದ್ರಗ್ರಹಣ ವಿಶೇಷವಾಗಿ ಪರಿಗಣಿಸಲಾಗುತ್ತದೆ. ಗ್ರಹಣದ ಸಮಯದಲ್ಲಿ ಹೆಚ್ಚಿನ ದೇವಸ್ಥಾನಗಳನ್ನು ಮುಚ್ಚಲಾಗುತ್ತದೆ. ಗ್ರಹಣ ನಡೆಯುವಾಗ ದೇವಸ್ಥಾನಗಳನ್ನು ತೆರೆದಿರುವುದಿಲ್ಲ. ಕೆಲವೆಡೆ ಪವಿತ್ರ ನದಿಗಳಲ್ಲಿ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರುತ್ತಾರೆ, ಬಳಿಕ ಸ್ನಾನ ಮಾಡುವ ಪದ್ಧತಿ ಇದೆ. ಉಜ್ಜಯಿನಿಯಲ್ಲಿ ಚಂದ್ರಗ್ರಹಣ ವಿಶೇಷತೆಯನ್ನು ಪಡೆದುಕೊಂಡಿದೆ.
ಪೆನಂಬ್ರಾಲ್ ಚಂದ್ರಗ್ರಹಣ 2023: ಚಂದ್ರ ಗ್ರಹಣದ ಸಮಯದಲ್ಲಿ ಇದನ್ನು ತಪ್ಪಿಸಿ
1. ವಾಸ್ತು ಶಾಸ್ತ್ರದಲ್ಲಿ, ಚಂದ್ರಗ್ರಹಣದ ಸಮಯದಲ್ಲಿ ತಿನ್ನುವುದು ನಿಮ್ಮ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ನಂಬಲಾಗಿದೆ. ಈ ಸಮಯದಲ್ಲಿ ಏನನ್ನೂ ತಿನ್ನುವುದನ್ನು ತಪ್ಪಿಸುವುದು ಉತ್ತಮ.
2. ಚಂದ್ರಗ್ರಹಣ ಬದಲಾವಣೆ ಮತ್ತು ರೂಪಾಂತರದ ಸಮಯವಾಗಿದೆ. ಈ ಸಮಯದಲ್ಲಿ ಯಾವುದೇ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸುವುದು ಉತ್ತಮ.
3. ಜ್ಯೋತಿಷ್ಯದಲ್ಲಿ ಚಂದ್ರಗ್ರಹಣ ಪ್ರಯಾಣದಲ್ಲಿ ಅಡಚಣೆಗಳನ್ನು ಉಂಟುಮಾಡುತ್ತದೆ ಎಂದು ನಂಬಲಾಗಿದೆ. ಸಾಧ್ಯವಾದರೆ, ಈ ಸಮಯದಲ್ಲಿ ಪ್ರಯಾಣವನ್ನು ತಪ್ಪಿಸಿ.
ಚಂದ್ರಗ್ರಹಣ ವೀಕ್ಷಿಸುವುದು ಹೇಗೆ?
ಬಲು ಅಪರೂಪದ ಈ ಖಗೋಳ ವಿದ್ಯಮಾನವನ್ನು ನೋಡುವುದು ಹೇಗೆ? ಚಂದ್ರನು ಭೂಮಿಯ ನೆರಳಿನಲ್ಲಿ ಬಂದಾಗ ಚಂದ್ರಗ್ರಹಣ ಸಂಭವಿಸುತ್ತದೆ. ಅಂದರೆ ಭೂಮಿ ಸೂರ್ಯ ಮತ್ತು ಚಂದ್ರನ ನಡುವೆ ಬರುತ್ತದೆ. ಆಗ ಸೂರ್ಯನ ಪ್ರಕಾಶಮಾನ ಕಿರಣ ಭೂಮಿಯ ಮೇಲೆ ಬಿದ್ದು, ಭೂಮಿಯ ನೆರಳು ಚಂದ್ರನ ಮೇಲೆ ಬೀಳುತ್ತದೆ. ಚಂದ್ರನು ಭೂಮಿಯ ನೆರಳಿನ ಕಪ್ಪು ಭಾಗವನ್ನು ಪ್ರವೇಶಿಸಿದಾಗ ಸಂಪೂರ್ಣ ಚಂದ್ರ ಗ್ರಹಣ ಸಂಭವಿಸುತ್ತದೆ. ಚಂದ್ರಗ್ರಹಣವನ್ನು ಬರಿಗಣ್ಣಿನಲ್ಲೇ ವೀಕ್ಷಿಸಬಹುದಾಗಿದೆ, ಇದರಿಂದ ಯಾವುದೇ ಅಪಾಯವಿಲ್ಲ.
ಪೆನಂಬ್ರಾಲ್ ಚಂದ್ರಗ್ರಹಣ 2023: ಚಂದ್ರಗ್ರಹಣ ಭಾರತದಲ್ಲಿ ಗೋಚರ
ಪೆನಂಬ್ರಾಲ್ ಚಂದ್ರಗ್ರಹಣ ಭಾರತದಾದ್ಯಂತ ಗೋಚರಿಸುತ್ತದೆ. ಆಕಾಶವು ಸ್ಪಷ್ಟವಾಗಿದ್ದರೆ, ನೀವು ಅದನ್ನು ನಿಮ್ಮ ಬರಿಗಣ್ಣಿನಿಂದ ವೀಕ್ಷಿಸಬಹುದು. ಆದರೆ ಮೋಡ ಕವಿದಿದ್ದಲ್ಲಿ, ಅದನ್ನು ವೀಕ್ಷಿಸಲು ಶಕ್ತಿಯುತ ಬೈನಾಕ್ಯುಲರ್ಗಳು ಅಥವಾ ಉತ್ತಮ ಗುಣಮಟ್ಟದ ಕ್ಯಾಮೆರಾಗಳು ಬೇಕಾಗುತ್ತವೆ. ಆದರೂ ಇದನ್ನು ನೋಡುವುದು ತುಂಬಾ ಸುಲಭವಲ್ಲ.
ಬುದ್ಧ ಪೂರ್ಣಿಮಾದ ಹುಣ್ಣಿಮೆಯಂದು ಚಂದ್ರಗ್ರಹಣ
ಇಂದು ಬುದ್ಧ ಪೂರ್ಣಿಮಾದ ಹುಣ್ಣಿಮೆಯಂದು ವರ್ಷದ ಮೊದಲ ಚಂದ್ರಗ್ರಹಣ ನಡೆಯುತ್ತಿದೆ. ಬೆಳದಿಂಗಳ ಈ ಅದ್ಬುತ ಸಮಯದಲ್ಲಿ ಚಂದ್ರ ಭೂಮಿಗೆ ನೆರಳು ನೀಡುತ್ತಾನೆ. ಆಕಾಶದಲ್ಲಿ ನಡೆಯುವ ಈ ಘಟನೆಯನ್ನು ಮೇ 6 ರಂದು ಬೆಳಿಗ್ಗೆ 1:01 ರವರೆಗೆ ವೀಕ್ಷಿಸಬಹುದು. ಪೆನಂಬ್ರಲ್ ಚಂದ್ರಗ್ರಹಣ ರಾತ್ರಿ 8:44ಕ್ಕೆ ಪ್ರಾರಂಭವಾಗಿದೆ.
ಬುದ್ಧ ಪೂರ್ಣಿಮಾದ ಹುಣ್ಣಿಮೆಯಂದು ಚಂದ್ರಗ್ರಹಣ
ಇಂದು ಬುದ್ಧ ಪೂರ್ಣಿಮಾದ ಹುಣ್ಣಿಮೆಯಂದು ವರ್ಷದ ಮೊದಲ ಚಂದ್ರಗ್ರಹಣ ನಡೆಯುತ್ತಿದೆ. ಬೆಳದಿಂಗಳ ಈ ಅದ್ಬುತ ಸಮಯದಲ್ಲಿ ಚಂದ್ರ ಭೂಮಿಗೆ ನೆರಳು ನೀಡುತ್ತಾನೆ. ಆಕಾಶದಲ್ಲಿ ನಡೆಯುವ ಈ ಘಟನೆಯನ್ನು ಮೇ 6 ರಂದು ಬೆಳಿಗ್ಗೆ 1:01 ರವರೆಗೆ ವೀಕ್ಷಿಸಬಹುದು. ಬುದ್ಧ ಪೂರ್ಣಿಮೆಯಂದು ಲಕ್ನೋದ ಗೋಮತಿ ನಗರ ಪ್ರದೇಶದಲ್ಲಿ ಗೌತಮ ಬುದ್ಧನ ಪ್ರತಿಮೆಯ ಹಿಂದೆ ಹುಣ್ಣಿಮೆಯ ಚಂದ್ರನ ಚಿತ್ರವನ್ನು ಸೆರೆಹಿಡಿಯಲಾಗಿದೆ. ಪೆನಂಬ್ರಲ್ ಚಂದ್ರಗ್ರಹಣ ರಾತ್ರಿ 8:44ಕ್ಕೆ ಪ್ರಾರಂಭವಾಗಿದೆ.
ಈ ಚಂದ್ರಗ್ರಹಣದ ಸಮಯದಲ್ಲಿ ಏನು ಮಾಡಬೇಕು?
ಚಂದ್ರಗ್ರಹಣದ ಸಮಯದಲ್ಲಿ ಗರ್ಭಿಣಿಯರು ಮನೆಯೊಳಗೆ ಇರಬೇಕು ಎಂದು ಹೇಳಲಾಗುತ್ತದೆ. ಗ್ರಹಣದ ಸಮಯದಲ್ಲಿ ಊಟ ಮಾಡದಂತೆ ಮತ್ತು ಸ್ನಾನ ಮಾಡದಂತೆ ಸೂಚಿಸಲಾಗುತ್ತದೆ. ಏಕಾಂತ ಸ್ಥಳಕ್ಕೆ ಹೋಗದಂತೆ ಜೊತೆಗೆ ಶುಭ ಕಾರ್ಯಗಳನ್ನು ಮಾಡದಿರಲು ಸೂಚಿಸಲಾಗುತ್ತದೆ. ದೇವಸ್ಥಾನದ ಬಾಗಿಲುಗಳನ್ನು ಈ ಸಮಯದಲ್ಲಿ ಮುಚ್ಚಲಾಗುತ್ತದೆ.
ಹೂವಿನ ಚಂದ್ರ ಎಂದರೇನು?
ವಸಂತಕಾಲದಲ್ಲಿ ಹೂವುಗಳು ಹೇರಳವಾಗಿರುವುದರಿಂದ ಮೇ ತಿಂಗಳ ಹುಣ್ಣಿಮೆಯಂದು ಸಂಭವಿಸುವ ಗ್ರಹಣವನ್ನು ಹೂವಿನ ಚಂದ್ರಗ್ರಹಣ ಎಂದೂ ಕರೆಯಲಾಗುತ್ತದೆ. ಮೊಲ ಚಂದ್ರಗ್ರಹಣ, ಹಾಲು ಬೆಳದಿಂಗಳ ಚಂದ್ರಗ್ರಹಣ ಹೀಗೆ ಇನ್ನೂ ಕೆಲ ಹೆಸರುಗಳು ಇದಕ್ಕಿವೆ. ಈ ವರ್ಷ ಹೂವಿನ ಚಂದ್ರ ನಡೆಯಲಿದೆ.
ವರ್ಷದ ಮೊದಲ ಚಂದ್ರಗ್ರಹಣ ಆರಂಭ
ವರ್ಷದ ಮೊದಲ ಚಂದ್ರಗ್ರಹಣ ಆರಂಭವಾಗಿದೆ. ಬಾನಂಗಳದಲ್ಲಿ ಗ್ರಹಗಳು ಮಿಲನವಾಗುವ ಸಮಯ ಇದು. ಭೂಮಿಯು ಸೂರ್ಯ ಮತ್ತು ಚಂದ್ರನ ನಡುವೆ ಬಂದಾಗ ಮೂರೂ ಸ್ವಲ್ಪ ಸಮಯದವರೆಗೆ ಸರಳ ರೇಖೆಯಲ್ಲಿ ಬರುತ್ತವೆ. ಈ ಅದ್ಬುತ ಸಮಯವನ್ನು ವಿಶ್ವದ ಹಲವೆಡೆ ಜನ ಕಣ್ತುಂಬಿಕೊಳ್ಳಲ್ಲಿದ್ದಾರೆ.
ಸೂತಕದ ಅವಧಿ
ಸೂತಕ ಅವಧಿಯು ಚಂದ್ರಗ್ರಹಣ ಪ್ರಾರಂಭವಾಗುವ 9 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ, ಆದರೆ ಇದು ಸೂರ್ಯಗ್ರಹಣದ ಸಮಯದಲ್ಲಿ 12 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ. 2023 ರ ಮೊದಲ ಚಂದ್ರಗ್ರಹಣವು ಭಾರತದಲ್ಲಿ ಗೋಚರಿಸುವುದಿಲ್ಲ, ಈ ಸಂದರ್ಭದಲ್ಲಿ ಸೂತಕ ಅವಧಿಯು ಭಾರತಕ್ಕೆ ಮಾನ್ಯವಾಗಿರುವುದಿಲ್ಲ.
ಚಂದ್ರಗ್ರಹಣದ ಸಮಯ
2023 ರ ಮೇ 5 ಶುಕ್ರವಾರ ರಾತ್ರಿ 8:45ಕ್ಕೆ ನೆರಳು ಚಂದ್ರಗ್ರಹಣ ಸಂಭವಿಸಲಿದೆ. ಈ ಗ್ರಹಣ ಮಧ್ಯರಾತ್ರಿ 1 ಗಂಟೆಗೆ ಮುಕ್ತಾಯವಾಗಲಿದೆ. ನೆರಳಿನಿಂದ ಮೊದಲ ಸ್ಪರ್ಶ ಸಮಯ - ರಾತ್ರಿ 08:45 ಕ್ಕೆ ನಡೆಯಲಿದೆ. ರಾತ್ರಿ 10:53 ಕ್ಕೆ ಪೆನಂಬ್ರಾಲ್ ಚಂದ್ರಗ್ರಹಣ ಸಮಯ, ರಾತ್ರಿ 01:00 ಗಂಟೆಗೆ ನೆರಳಿನಿಂದ ಕೊನೆಯ ಸ್ಪರ್ಶ ಸಮಯ, 04 ಗಂಟೆ 15 ನಿಮಿಷ 34 ಸೆಕೆಂಡುಗಳು ಪೆನಂಬ್ರಾಲ್ ಚಂದ್ರ ಗ್ರಹಣದ ಒಟ್ಟು ಅವಧಿ ಆಗಿದೆ.
READ MORE
Click it and Unblock the Notifications
Sign in with Google