ಚಿತ್ರಗಳು : ಇಸ್ರೋ ಸಾಧನೆ, 20 ಉಪಗ್ರಹ ಉಡಾವಣೆ

| Updated: Wednesday, June 22, 2016, 16:10 [IST]

ಬೆಂಗಳೂರು, ಜೂನ್ 22 : ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಐತಿಹಾಸಿಕ ದಾಖಲೆ ಮಾಡಿದೆ. ಬುಧವಾರ ಏಕಕಾಲಕ್ಕೆ 20 ಉಪಗ್ರಹಗಳನ್ನು ಪಿಎಸ್‌ಎಲ್‌ವಿ ಸಿ-34 ರಾಕೆಟ್ ಮೂಲಕ ಉಡ್ಡಯನ ಮಾಡಿದೆ.

ಬುಧವಾರ ಬೆಳಗ್ಗೆ ಬೆಳಗ್ಗೆ 9.25ಕ್ಕೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಉಡಾವಣಾ ಕೇಂದ್ರದಿಂದ 20 ಉಪಗ್ರಹಗಳನ್ನು ಹೊತ್ತ ಪಿಎಸ್‌ಎಲ್‌ವಿ ನಭಕ್ಕೆ ಚಿಮ್ಮಿತು. ಒಂದೇ ಬಾರಿಗೆ 20 ಉಪಗ್ರಹಗಳನ್ನು ಇಸ್ರೋ ಉಡಾವಣೆ ಮಾಡಿದ್ದು, ಇದೇ ಮೊದಲು. [ಮತ್ತೊಂದು ಸಾಧನೆಗೆ ಸಾಕ್ಷಿಯಾದ ಇಸ್ರೋ]

ಅಮೆರಿಕ, ಜರ್ಮನಿ, ಕೆನಡಾ ಮತ್ತು ಇಂಡೋನೇಷ್ಯಾ ಸೇರಿದಂತೆ ವಿವಿಧ ರಾಷ್ಟ್ರಗಳ ಉಪಗ್ರಹಗಳನ್ನು ಉಡಾವಣೆ ಮಾಡಲಾಗಿದೆ. ಏಕಕಾಲದಲ್ಲಿ 36 ಉಪಗ್ರಹಗಳನ್ನು ಕಕ್ಷೆಗೆ ರಷ್ಯಾ ಹಾರಿಸಿದೆ, ಅದು ಬಿಟ್ಟರೆ ಒಟ್ಟಿಗೆ 20 ಉಪಗ್ರಹ ಉಡ್ಡಯನ ಮಾಡಿದ ದೇಶ ಭಾರತ. [ಅಬ್ಬಬ್ಬಾ ಒಂದೇ ಬಾರಿಗೆ 20 ಉಪಗ್ರಹ ಉಡಾವಣೆ]

20 ಉಪಗ್ರಹಗಳ ಪೈಕಿ ಇಸ್ರೋದ ಭೂ ಸರ್ವೇಕ್ಷಣಾ ಉಪಗ್ರಹ ಕಾರ್ಟೋಸ್ಯಾಟ್ 2 ಅತಿ ದೊಡ್ಡದು. ಸುಮಾರು 727 ಕೆಜಿ ತೂಕ ಹೊಂದಿರುವ ಈ ಉಪಗ್ರಹದ ಜೊತೆ 19 ಚಿಕ್ಕ ಉಪಗ್ರಹಗಳನ್ನು ಉಡಾವಣೆ ಮಾಡಲಾಗಿದೆ.

ಕಕ್ಷೆಗೆ ಚಿಮ್ಮಿದ ಉಪಗ್ರಹಗಳಲ್ಲಿ ಚೆನ್ನೈನ ಸತ್ಯಭಾಮಾ ವಿಶ್ವವಿದ್ಯಾಲಯದ 1.5 ಕೆ.ಜಿ.ತೂಕದ 'ಸತ್ಯಭಾಮ ಸ್ಯಾಟ್', ಪುಣೆ ಕಾಲೇಜ್ ಆಫ್ ಇಂಜಿನಿಯರಿಂಗ್‌ನ 1 ಕೆಜಿ ತೂಕದ 'ಸ್ವಯಂ' ಹೆಸರಿಗ ಉಪಗ್ರಹವೂ ಇದೆ.

ಇಸ್ರೋದ ಕಾರ್ಟೋಸ್ಯಾಟ್ ಭೂಮಿಯ ಚಿತ್ರಗಳನ್ನು ಕಳುಹಿಸಲಿದ್ದು, ನಕ್ಷೆ ತಯಾರಿಕೆ, ಗ್ರಾಮೀಣ ಮತ್ತು ಕರಾವಳಿಯ ಭೂಮಿ ಬಳಕೆ, ನೀರಿನ ಬಳಕೆ ಕುರಿತ ಸಂಶೋಧನೆಗೆ ನೆರವಾಗಲಿದೆ.

Andhra Pradesh: ISRO launches record 20 satellites from Sriharikota pic.twitter.com/t5FnVjfzq4
— ANI (@ANI_news) June 22, 2016

ಅಭಿನಂದನೆ ಸಲ್ಲಿಸಿದ ನಾಯಕರು

ಇಸ್ರೋದ ಐತಿಹಾಸಿಕ ಸಾಧನೆಗೆ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ವಿವಿಧ ನಾಯಕರು ಅಭಿನಂದನೆ ಸಲ್ಲಿಸಿದ್ದಾರೆ.

Witnessed with immense pride and delight the brilliant moments on TV & took photos for my Instagram account. pic.twitter.com/lfGSkCUmjk
— Narendra Modi (@narendramodi) June 22, 2016

ಮೆಚ್ಚುಗೆ ಸೂಚಿಸಿದ ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್

Congratulations to the scientists on successful injection of record 20 satellites in a single PSLV-C34 mission. We are proud of team @isro
— Rajnath Singh (@rajnathsingh) June 22, 2016

ಅಭಿನಂದನೆ ಸಲ್ಲಿಸಿದ ರಾಷ್ಟ್ರಪತಿಗಳು