ಮಣಿಪುರ ಚುನಾವಣಾ ಕಣದಲ್ಲಿ ಕಳಂಕಿತರೇ ಇಲ್ಲ.. ಆಶ್ಚರ್ಯ!
ಬೆಂಗಳೂರು, ಮಾರ್ಚ್ 3: ಬಹುಶಃ ಇದೊಂದು ಅಪರೂಪದ ದಾಖಲೆಯೇ ಸರಿ. ಮಣಿಪುರ ಎರಡನೇ ಹಂತದ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ 98 ಅಭ್ಯರ್ಥಿಗಳಲ್ಲಿ ಕೇವಲ ಒಬ್ಬರ ಮೇಲೆ ಮಾತ್ರ ಕ್ರಿಮಿನಲ್ ಕೇಸ್ ಇದೆ.
ಅಸೋಸಿಯೇಶನ್ ಫಾರ್ ಡೆಮಾಕ್ರಾಟಿಕ್ ರಿಫಾರ್ಮ್ಸ್ ಅಭ್ಯರ್ಥಿಗಳು ಸಲ್ಲಿಸಿದ ಅಫಿದವಿತ್ ಜಾಲಾಡಿದ್ದುಈ ಮಾಹಿತಿಗಳು ಸಿಕ್ಕಿವೆ.[20 ಕಿ.ಮೀ ಸೈಕಲ್ ಏರಿ ಬಂದ ಶರ್ಮಿಳಾಗೆ ಕೇಜ್ರಿವಾಲ್ ಕೊಟ್ರು 50,000]
ಕಣದಲ್ಲಿರುವ ಮಂಗಳಂ ರಾಮೇಶ್ವರ್ ಸಿಂಗ್ ಮೇಲೆ ಮಾತ್ರ ಕ್ರಿಮಿನಲ್ ಮೊಕದ್ದಮೆ ಇದೆ. ಅದೂ ಕೇವಲ ಚೀಟಿಂಗ್ (ವಂಚನೆ) ಕೇಸ್ ಮಾತ್ರ ಇದೆ. ಇವರು ಬಿಜೆಪಿ ಟಿಕೆಟ್ ನಿಂದ ಕಾಕ್ಚಿಂಗ್ ಕ್ಷೇತ್ರದಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.[ಮಣಿಪುರ: ಕಾಂಗ್ರೆಸ್ ಸರಕಾರ ಕಿತ್ತೊಗೆಯಲು ಬಿಜೆಪಿ ಮಾಸ್ಟರ್ ಪ್ಲಾನ್]
ಇನ್ನು ಕಣದಲ್ಲಿ 29 ಕೋಟ್ಯಾಧಿಪತಿಗಳಿದ್ದಾರೆ. ಕಾಂಗ್ರೆಸ್ ನಿಂದ 8, ಬಿಜೆಪಿಯಿಂದ 1, ಎನ್.ಪಿ.ಪಿಯಿಂದ 5, ಎನ್.ಪಿ.ಎಫ್ ನಿಂದ 1 ಹಾಗೂ ಎಂ.ಎನ್.ಡಿ ಯಿಂದ 1 ಕೋಟ್ಯಾಧಿಪತಿ ಅಭ್ಯರ್ಥಿಗಳು ಚುನಾವಣಾ ಕಣದಲ್ಲಿದ್ದಾರೆ.
ಕಾಂಗ್ರೆಸ್ ನ ಆಲ್ಫ್ರೆಡ್ ಎಸ್ ಅರ್ಥುರ್ 36 ಕೋಟಿ ಆಸ್ತಿ ಘೋಷಿಸಿದ್ದು ಕಣದಲ್ಲಿರುವ ಶ್ರೀಮಂತ ಅಭ್ಯರ್ಥಿಯಾಗಿದ್ದಾರೆ. ಎಐಟಿಸಿಯ ಕಮೆವಿಲೈಮ್ ಕಬುಯ್ 13,000 ರೂಪಾಯಿ ಆಸ್ತಿ ಘೋಷಿಸಿದ್ದು ಕಣದಲ್ಲಿರುವ ಅತ್ಯಂತ ಬಡ ಅಭ್ಯರ್ಥಿಯಾಗಿದ್ದಾರೆ.
Click it and Unblock the Notifications
Sign in with Google