ಪಾಕ್ ಬಂಕರ್ ದ್ವಂಸ: ಪಾಕ್ ಹೀನ ಕೃತ್ಯಕ್ಕೆ ಇದು ಭಾರತದ ಉತ್ತರ!

ಭಾರತೀಯ ಸೈನಿಕರ ದೇಹವನ್ನು ತುಂಡರಿಸಿದ್ದ ಜಾಗದಲ್ಲಿದ್ದ ಪಾಕ್ ಸೇನೆಗೆ ಸೇರಿದ್ದ ಬಂಕರ್ ಗಳನ್ನು ಕೇವಲ 60 ಸೆಕೆಂಡ್ ಗಳಲ್ಲಿ ದ್ವಂಸ ಮಾಡುವ ಮೂಲಕ ಭಾರತ ಪ್ರತ್ಯುತ್ತರ ನೀಡಿದೆ.

ಜಮ್ಮು-ಕಾಶ್ಮೀರ, ಮೇ 08: ಮೇ 1 ರಂದು ಭಾರತೀಯ ಸೇನೆಯ ಇಬ್ಬರು ಯೋಧರ ಶಿರಚ್ಛೇದ ಮಾಡಿದ್ದ ಪಾಕ್ ಸೇನೆಗೆ ಭಾರತೀಯ ಸೇನೆ ಇಂದು ತಕ್ಕ ಉತ್ತರ ನೀಡಿದೆ. ಭಾರತೀಯ ಸೈನಿಕರ ದೇಹವನ್ನು ತುಂಡರಿಸಿದ್ದ ಜಾಗದಲ್ಲಿದ್ದ ಪಾಕ್ ಸೇನೆಗೆ ಸೇರಿದ್ದ 2 ಬಂಕರ್ ಗಳನ್ನು ಕೇವಲ 60 ಸೆಕೆಂಡ್ ಗಳಲ್ಲಿ ದ್ವಂಸ ಮಾಡುವ ಮೂಲಕ ಭಾರತ ಪ್ರತ್ಯುತ್ತರ ನೀಡಿದೆ.

ಪಾಕ್ ಬಂಕರ್ ಅನ್ನು ಗುರಿಯಾಗಿಸಿ 6 ರಾಕೆಟ್ ಗಳನ್ನು ಚಿಮ್ಮಿಸಿದ ಭಾರತ, ಜಮ್ಮು-ಕಾಶ್ಮೀರದ ಗಡಿ ಭಾಗದ ಕೃಷ್ಣ ಘಾಟಿ ಸೆಕ್ಟರ್ ಬಳಿ ಇದ್ದ ಪಾಕ್ ಬಂಕರ್ ಗಳನ್ನು ದ್ವಂಸಗೊಳಿಸುವಲ್ಲಿ ಯಶಸ್ವಿಯಾಗಿದೆ.

ನಮ್ಮ ಯೋಧರನ್ನು ಕಾಡಿದರೆ ಸುಮ್ಮನಿರಲಾರೆವು ಎಂಬ ಸ್ಪಷ್ಟ ಸಂದೇಶವನ್ನು ಭಾರತ ಈ ಮೂಲಕ ನೀಡಿದೆ.

ಪಾಕ್ ಕೃತ್ಯಕ್ಕೆ ಇನ್ನೊಂದು ವಾರದಲ್ಲಿ ತಕ್ಕ ಉತ್ತರ ನೀಡುವುದಾಗಿ ಹೇಳಿದ್ದ ಭಾರತೀಯ ಸೇನಾ ಮುಖ್ಯಸ್ಥ ಜ.ಬಿಪಿನ್ ರಾವತ್ ತಮ್ಮ ಮಾತನ್ನು ಉಳಿಸಿಕೊಂಡಿದ್ದಾರೆ.

English summary

The Indian Army Chief, General Bipin Rawat had promised action against Pakistan. In less than a week of that promise being made, the Indian Army has destroyed a major bunker of the Pakistan army at the Naushera sector at Jammu and Kashmir.