ಪೈಲೆಟ್ ಅಭಿನಂದನ್ ಬಿಡುಗಡೆ ಘೋಷಣೆ : ಯಾರು, ಏನು ಹೇಳಿದರು?

Updated: Thursday, February 28, 2019, 18:48 [IST]

ಬೆಂಗಳೂರು, ಫೆಬ್ರವರಿ 28 : ವಿಂಗ್ ಕಮಾಂಡರ್ ಅಭಿನಂದನ್ ಬಿಡುಗಡೆ ಮಾಡಲಾಗುತ್ತದೆ ಎಂದು ಪಾಕಿಸ್ತಾನ ಘೋಷಣೆ ಮಾಡಿದೆ. ಭಾರತೀಯ ವಾಯುಪಡೆಯ ಪೈಲೆಟ್ ಅಭಿನಂದನ್ ಬುಧವಾರದಿಂದ ಪಾಕಿಸ್ತಾನದ ವಶದಲ್ಲಿದ್ದಾರೆ.

ಗುರುವಾರ ಪಾಕಿಸ್ತಾನದ ಸಂಸತ್‌ನಲ್ಲಿ ಪ್ರಧಾನಿ ಇಮ್ರಾನ್ ಖಾನ್ ಅವರು ಮಾರ್ಚ್ 1ರ ಶುಕ್ರವಾರ ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನು ಬಿಡುಗಡೆ ಮಾಡಲಾಗುತ್ತದೆ ಎಂದು ಘೋಷಣೆ ಮಾಡಿದ್ದಾರೆ ಭಾರತ ಅಭಿನಂದನ್ ಬಿಡಗಡೆ ಮಾಡಬೇಕು ಎಂದು ಭಾರಿ ಒತ್ತಡ ಹೇರಿತ್ತು.

ಅಭಿನಂದನ್ ಬಿಡುಗಡೆ ಸುದ್ದಿ ಹೊರಬೀಳುತ್ತಿದ್ದಂತೆ ಭಾರತದಲ್ಲಿ ಸಂಭ್ರಮಾಚರಣೆ ನಡೆಸಲಾಗುತ್ತಿದೆ. ದೇಶದ ಜನರೆಲ್ಲರೂ ಒಟ್ಟಾಗಿ ಬುಧವಾರದಿಂದ ಅಭಿನಂದನ್ ಸುರಕ್ಷಿತವಾಗಿ ವಾಪಸ್ ಬರಲಿ ಎಂದು ಪ್ರಾರ್ಥಿಸುತ್ತಿದ್ದರು.

ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಸೇರಿದಂತೆ ಹಲವು ಗಣ್ಯರು ಅಭಿನಂದನ್ ಬಿಡುಗಡೆ ಮಾಡುವ ಪಾಕಿಸ್ತಾನದ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ. ಪಾಕಿಸ್ತಾನದ ಈ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಶುಕ್ರವಾರ ವಾಘಾ ಗಡಿ ಮೂಲಕ ಅಭಿನಂದನ್ ಸ್ವದೇಶಕ್ಕೆ ವಾಪಸ್ ಆಗಲಿದ್ದಾರೆ.

ಉತ್ತಮವಾದ ನಡೆ

ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಅವರು ಅಭಿನಂದನ್ ಬಿಡುಗಡೆ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, 'ನನಗೆ ಬಹಳ ಸಂತೋಷವಾಗಿದೆ. ಬೇಗ ಬಿಡುಗಡೆಗೊಳಿಸುವಂತೆ ಬೇಡಿಕೆ ಇಟ್ಟಿದ್ದೆ. ಇದೊಂದು ಉತ್ತಮ ನಡೆ' ಎಂದು ಹೇಳಿದ್ದಾರೆ.

Thank you Imran Khan! Best shot of your career.We are happy at your most mature decision!
— Ratna Prabha (@Ratnaprabha_IAS) February 28, 2019

ಇಮ್ರಾನ್ ಖಾನ್ ಬೆಸ್ಟ್ ಶಾಟ್

ಥ್ಯಾಂಕ್ಯೂ ಇಮ್ರಾನ್ ಖಾನ್, ಇದು ನಿಮ್ಮ ಕೆರಿಯರ್‌ನ ಬೆಸ್ಟ್ ಶಾಟ್, ನಿಮ್ಮ ಉತ್ತಮ ನಿರ್ಧಾರದಿಂದ ಸಂತಸವಾಗಿದೆ ಎಂದು ಕರ್ನಾಟಕ ಸರ್ಕಾರದ ನಿವೃತ್ತ ಮುಖ್ಯ ಕಾರ್ಯದರ್ಶಿ ರತ್ನಪ್ರಭಾ ಅವರು ಟ್ವೀಟ್ ಮಾಡಿದ್ದಾರೆ.

Great news from Pakistan on the release of Wing Commander #Abhinandan. We eagerly wait for our son to return home. #Peace
— Dr. G Parameshwara (@DrParameshwara) February 28, 2019

ಮನೆ ಮಗ ಬರಲಿ ಎಂದು ಕಾಯುತ್ತಿದ್ದೆವು

ಕರ್ನಾಟಕದ ಉಪ ಮುಖ್ಯಮಂತ್ರಿ ಡಾ.ಜಿ.ಪರಮೇಶ್ವರ ಅವರು ಟ್ವೀಟ್ ಮಾಡಿದ್ದು, 'ಪಾಕಿಸ್ತಾನದಿಂದ ಉತ್ತಮ ಸುದ್ದಿ ಸಿಕ್ಕಿದೆ. ಅಭಿನಂದನ್ ಬಿಡುಗಡೆಗೊಳ್ಳುತ್ತಿದ್ದಾರೆ. ನಮ್ಮ ಮನೆ ಮಗ ಬೇಗ ಬರಲಿ ಎಂದು ಕಾಯುತ್ತಿದ್ದೆವು ಎಂದು ಹೇಳಿದ್ದಾರೆ.

ಇಡೀ ದೇಶಕ್ಕೆ "ಅಭಿನಂದನ"
— Sureshkumar (@nimmasuresh) February 28, 2019

ಇಡೀ ದೇಶಕ್ಕೆ ಅಭಿನಂದನೆ

ಬಿಜೆಪಿ ಶಾಸಕ ಸುರೇಶ್ ಕುಮಾರ್ ಅವರು ಇಡೀ ದೇಶಕ್ಕೆ 'ಅಭಿನಂದನೆ' ಎಂದು ಟ್ವೀಟ್ ಮಾಡಿದ್ದಾರೆ. ಈ ಮೂಲಕ ಪೈಲೆಟ್ ಬಿಡುಗಡೆಗೆ ಪ್ರಾರ್ಥಿಸಿದವರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.

The release of #IAF pilot Wing Commander #AbhinandanVarthaman by Pakistan is a welcome gesture.

Happy that our brave soldier is returning.#WelcomeHomeAbhinandan
— H D Kumaraswamy (@hd_kumaraswamy) February 28, 2019

ನಮ್ಮ ಹೆಮ್ಮೆಯ ಸೈನಿಕ ವಾಪಸ್ ಬರುತ್ತಿದ್ದಾನೆ

ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರು ಟ್ವೀಟ್ ಮಾಡಿದ್ದು, 'ಪಾಕಿಸ್ತಾನ ಅಭಿನಂದನ್ ಬಿಡುಗಡೆ ಮಾಡುವುದು ಉತ್ತಮ ನಡೆ. ನಮ್ಮ ಹೆಮ್ಮೆಯ ಸೈನಿಕ ವಾಪಸ್ ಆಗುತ್ತಿದ್ದಾನೆ ಎಂಬುದು ಸಂತಸ ತಂದಿದೆ' ಎಂದು ಟ್ವೀಟ್ ಮಾಡಿದ್ದಾರೆ.

Mehbooba Mufti: Good news,whole nation will be relieved. I hope our leadership will also reciprocate this peace gesture. I hope Imran Khan will stand by his word and take steps on Indian dossier on Pulwama attack. Imran Khan has acted like a statesman. #AbhinandanVartaman pic.twitter.com/mefxTZBJdO
— ANI (@ANI) February 28, 2019

ಇಮ್ರಾನ್ ಖಾನ್ ತಮ್ಮ ಹೇಳಿಕೆಗೆ ಬದ್ಧರಾಗಿರುತ್ತಾರೆ

ಇಡೀ ದೇಶಕ್ಕೆ ಸಂತಸದ ಸುದ್ದಿ. ಇಮ್ರಾನ್ ಖಾನ್ ತಮ್ಮ ಹೇಳಿಕೆಗೆ ಬದ್ಧರಾಗಿರುತ್ತಾರೆ ಎಂಬ ಭರವಸೆ ಇದೆ. ಉತ್ತಮ ರಾಜಕೀಯ ನಾಯಕರಂತೆ ಅವರು ವರ್ತಿಸಿದ್ದಾರೆ ಎಂದು ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಮೆಹಬೂಬಾ ಮಫ್ತಿ ಹೇಳಿದ್ದಾರೆ.