ರೈಲು ಮಾಹಿತಿ ನೀಡುವ ವಾಟ್ಸಾಪ್ ಸೇವೆ ಬಳಸುವುದು ಹೇಗೆ?
ಬೆಂಗಳೂರು, ಜುಲೈ 25: ಪ್ರಯಾಣಿಕರಿಗೆ ತಂತ್ರಜ್ಞಾನದ ಮೂಲಕ ರೈಲುಗಳ ಕ್ಷಣಕ್ಷಣದ ಮಾಹಿತಿ ಒದಗಿಸುವ ವಾಟ್ಸಾಪ್ ಸೇವೆಯನ್ನು ಭಾರತೀಯ ರೈಲ್ವೆ ಆಹಾರ ಪೂರೈಕೆ ಮತ್ತು ಪ್ರವಾಸೋದ್ಯಮ ನಿಗಮ (ಐಆರ್ಸಿಟಿಸಿ) ಆರಂಭಿಸಿದೆ. ಈ ಸೇವೆ ಬಳಕೆ ಹೇಗೆ? ಇಲ್ಲಿದೆ ವಿವರ...
ರೈಲಿನ ಸಂಖ್ಯೆ ನಮೂದಿಸಿದ ಕೆಲವು ಕ್ಷಣಗಳಲ್ಲೆ ರೈಲಿನ ಸ್ಥಿತಿಗತಿಯ ಸಂದೇಶ ಬರುತ್ತದೆ. ರೈಲಿನ ರಿಯಲ್ ಟೈಮ್ ತಿಳಿಸುವ ಈ ವ್ಯವಸ್ಥೆಯನ್ನು ಹರಿಯಾಣದ ಗುರುಗ್ರಾಮ ಮೂಲದ 'ಮೇಕ್ವೆುೖಟ್ರಿಪ್ ' ಸಂಸ್ಥೆ ಸಹಯೋಗದಲ್ಲಿ ಐಆರ್ಸಿಟಿಸಿ ಆರಂಭಿಸಿದೆ.
ಪ್ರಯಾಣಿಕರು 'ಮೇಕ್ವೆುೖಟ್ರಿಪ್'ನ 7349389104 ಸಂಖ್ಯೆಯನ್ನು ಅಂತರ್ಜಾಲ ಸಂಪರ್ಕ ಇರುವ ಸ್ಮಾರ್ಟ್ಫೋನ್, ಟ್ಯಾಬ್ಲೆಟ್ನಲ್ಲಿ ಸೇವ್ ಮಾಡಿಕೊಂಡು ರೈಲಿನ ಸಂಖ್ಯೆಯನ್ನು ವಾಟ್ಸಾಪ್ ಮೂಲಕ ಕಳುಹಿಸಿದರೆ 10 ಸೆಕೆಂಡ್ಗಳಲ್ಲಿ ಸಂಬಂಧಿಸಿದ ರೈಲಿನ ಮಾಹಿತಿ ದೊರೆಯುತ್ತದೆ.
ಈ ಮಾಹಿತಿಯಲ್ಲಿ ರೈಲಿನ ಸಂಖ್ಯೆ- ಹೆಸರು, ತಡವಾಗಿ ಚಲಿಸುತ್ತಿದ್ದರೆ ಎಷ್ಟು ನಿಮಿಷ ತಡ, ಹಿಂದಿನ ನಿಲ್ದಾಣದಿಂದ ಹೊರಟ ಸಮಯ, ಮುಂದಿನ ನಿಲ್ದಾಣ ತಲುಪುವ ಸಮಯ ಇರುತ್ತದೆ. ಜತೆಗೆ ರೈಲಿನ ಮಾಹಿತಿ ಕಡೆಯ ಬಾರಿಗೆ ಅಪ್ಡೇಟ್ ಆಗಿರುವ ಸಮಯವೂ ಮೂಡುತ್ತದೆ. ರೈಲಿನ ಸ್ಥಿತಿಗತಿಯನ್ನು ತಿಳಿಯಲು ಪ್ರಯಾಣಿಕರು 139 ದೂರವಾಣಿ ಸಂಖ್ಯೆಗೆ ಕರೆ ಮಾಡಬೇಕಿತ್ತು ಇಲ್ಲವೆ ಬೇರೆ ಸಂಸ್ಥೆಗಳು ನಿರ್ವಹಿಸುವ ಆಪ್ಗಳನ್ನು ಆಶ್ರಯಿಸಬೇಕಿತ್ತು. ಈಗ ರೈಲ್ವೆ ಇಲಾಖೆಯ ಅಂಗಸಂಸ್ಥೆಯೆ ಈ ಸೌಲಭ್ಯ ನೀಡಿದೆ
Click it and Unblock the Notifications
Sign in with Google