Indian Railways: ಭಾರತೀಯ ರೈಲ್ವೆಯ ‘ಯಾತ್ರಿ ಆ್ಯಪ್’ ಬಗ್ಗೆ ನಿಮಗೆಷ್ಟು ಗೊತ್ತು? ಇದರ ಕಾರ್ಯವಿಧಾನ, ವಿಶೇಷತೆ ತಿಳಿಯಿರಿ
ಜನರ ಪ್ರಯಾಣವನ್ನು ಸುಲಭವಾಗಿಸಲು ಭಾರತೀಯ ರೈಲ್ವೆಯು ಹಲವಾರು ಕ್ರಮಗಳನ್ನು ಕೈಗೊಂಡಿದೆ. ಸೆಂಟ್ರಲ್ ರೈಲ್ವೆಯ ಯಾತ್ರಿ ಅಪ್ಲಿಕೇಶನ್ ಇತ್ತೀಚಿನ ದಿನಗಳಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತಿದೆ. ಇದು ರೈಲ್ವೆ ಪ್ರಯಾಣಿಕರಿಗೆ ಬಹಳಷ್ಟು ಉಪಯುಕ್ತವಾಗಿದೆ. ಇದು ಮೊದಲ ಅಧಿಕೃತ ಸ್ಥಳೀಯ ರೈಲ್ವೆ ಮೊಬೈಲ್ ಅಪ್ಲಿಕೇಶನ್ ಆಗಿದೆ. ಇದು ಸ್ಥಳೀಯ ರೈಲುಗಳ ಲೈವ್ ಅಪ್ಡೇಟ್ಗಳನ್ನು ಒದಗಿಸುತ್ತದೆ.
ಮಳೆಗಾಲದಲ್ಲಿ ವರದಾನವಾದ ಯಾತ್ರಿ ಅಪ್ಲಿಕೇಶನ್
ಈ ಮಳೆಗಾಲದಲ್ಲಿ ರೈಲುಗಳ ಸುಗಮ ಸಂಚಾರಕ್ಕಾಗಿ ಭಾರತೀಯ ರೈಲ್ವೆಯು ಮಹತ್ವದ ಕ್ರಮಗಳನ್ನು ಕೈಗೊಂಡಿದೆ. ಮಳೆಯಿಂದಾಗಿ ಹಲವಾರು ರೈಲುಗಳು ವಿಳಂಬವಾಗುತ್ತವೆ ಅಥವಾ ರದ್ದುಗೊಳ್ಳುತ್ತವೆ. ಇಲ್ಲದಿದ್ದರೆ, ರೈಲುಗ ಸಂಚಾರಕ್ಕೆ ಪರ್ಯಾಯ ಮಾರ್ಗಗಳನ್ನು ಒದಗಿಸಲಾಗುತ್ತದೆ. ಹೀಗಾಗಿ ನಿತ್ಯ ಕಚೇರಿ, ಶಾಲಾ-ಕಾಲೇಜುಗಳಿಗೆ ಹೋಗಬೇಕಾದ ಪ್ರಯಾಣಿಕರು ಪರದಾಡುವಂತಾಗುತ್ತದೆ.
ಈ ಸಮಸ್ಯೆಗಳನ್ನು ನಿವಾರಿಸುವ ದೃಷ್ಟಿಯಿಂದ, ಮಳೆಗಾಲದ ತೊಂದರೆಗಳನ್ನು ತಪ್ಪಿಸಲು ರೈಲ್ವೇಯು 'ಯಾತ್ರಿ' ಅಪ್ಲಿಕೇಶನ್ ಅನ್ನು ಪರಿಚಯಿಸಿದೆ. ಅಪ್ಲಿಕೇಶನ್ ಮೂಲಕ, ಪ್ರಯಾಣಿಕರು ತಮ್ಮ ಪ್ರಯಾಣವನ್ನು ಮುಂಚಿತವಾಗಿ ಪ್ಲ್ಯಾನ್ ಮಾಡಿಕೊಳ್ಳಬಹುದು. ಆ ಮೂಲಕ ಮಳೆಗಾಲದ ಸಂಕಷ್ಟವನ್ನು ಕಡಿಮೆ ಮಾಡಿಕೊಳ್ಳಬಹುದು.
'ಯಾತ್ರಿ ಅಪ್ಲಿಕೇಶನ್' ಹೇಗೆ ಕಾರ್ಯನಿರ್ವಹಿಸುತ್ತದೆ?
ಯಾತ್ರಿ ಅಪ್ಲಿಕೇಶನ್ ಎಲ್ಲಾ ಸುದ್ದಿಗಳು, ಮಾಹಿತಿ ಮತ್ತು ಪ್ರಕಟಣೆಗಳನ್ನು ನೇರವಾಗಿ ರೈಲ್ವೆ ನಿಯಂತ್ರಣ ಕೊಠಡಿಯಿಂದ ಸಂಗ್ರಹಿಸುತ್ತದೆ. ಆದ್ದರಿಂದ ಇದು ಎಲ್ಲರಿಗೂ ವಿಶ್ವಾಸಾರ್ಹ ಮೂಲವಾಗಿದೆ.
ಯಾತ್ರಿ ಅಪ್ಲಿಕೇಶನ್ನ ಪ್ರಮುಖ ವೈಶಿಷ್ಟ್ಯಗಳೇನು?
ಸೆಂಟ್ರಲ್ ರೈಲ್ವೆಯ ಯಾತ್ರಿ ಅಪ್ಲಿಕೇಶನ್ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಇವುಗಳೆಂದರೆ,
ಪರ್ಯಾಯ ಮಾರ್ಗಗಳು ಮತ್ತು ರೈಲುಗಳು
ಅಧಿಕೃತ ಪ್ರಕಟಣೆಗಳು
ಸ್ಮಾರ್ಟ್ ಜರ್ನಿ ಯೋಜನೆ
ರೈಲುಗಳನ್ನು ತ್ವರಿತವಾಗಿ ಹುಡುಕಲು ಸಹಾಯ
ಮೆಟ್ರೋ, ಬಸ್ಸು ಇತ್ಯಾದಿಗಳ ಮಾಹಿತಿ.
'ಯಾತ್ರಿ ಆ್ಯಪ್' ಅನ್ನು ಡೌನ್ಲೋಡ್ ಮಾಡುವುದು ಹೇಗೆ?
ಮಳೆಗಾಲಕ್ಕೆ ಸಂಬಂಧಿಸಿದ ಇತ್ತೀಚಿನ ಅಪ್ಡೇಟ್ಗಳನ್ನು ಮೊಬೈಲ್ ಫೋನ್ಗಳಲ್ಲಿ ಸ್ವೀಕರಿಸಲು ಯಾತ್ರಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡುವಂತೆ ವಲಯ ರೈಲ್ವೆ ಪ್ರಯಾಣಿಕರನ್ನು ಒತ್ತಾಯಿಸಿದೆ. ಯಾತ್ರಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಲು, ಪ್ರಯಾಣಿಕರು ಗೂಗಲ್ ಪ್ಲೇ ಸ್ಟೋರ್ ಅಥವಾ ಆಪಲ್ ಆಪ್ ಸ್ಟೋರ್ಗೆ ಭೇಟಿ ನೀಡಬೇಕು ಮತ್ತು 'YATRI - Your Railway Companion' ಎಂದು ಹುಡುಕಬೇಕು.
Click it and Unblock the Notifications
Sign in with Google