'ಗುಜರಾತ್ ಅಂದರೆ ಗಾಂಧಿ, ವಲ್ಲಭ ಭಾಯ್ ಪಟೇಲ್ ಹಾಗೂ ವ್ಯಾಪಾರ'

ಗಾಂಧಿನಗರ, ಜನವರಿ 10: ಗುಜರಾತ್ ಅಂದರೆ ಗಾಂಧಿ, ವಲ್ಲಭ ಭಾಯ್ ಪಟೇಲ್ ಹುಟ್ಟಿದ ನಾಡು, ವ್ಯವಹಾರ-ವ್ಯಾಪಾರಗಳ ಭೂಮಿ ಎಂದು ಪ್ರಧಾನಿ ನರೇಂದ್ರ ಮೋದಿ ವೈಬ್ರಂಟ್ ಗುಜರಾತ್ ಸಮಾವೇಶದಲ್ಲಿ ಹೇಳಿದ ಮಾತುಗಳಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಯಿತು. ಈ ಸಮಾವೇಶದಲ್ಲಿ ಮೋದಿ ಅವರಾಡಿದ ಮಾತುಗಳ ಮುಖ್ಯಾಂಶಗಳು ಇಲ್ಲಿವೆ.

* 2003ರ ನಂತರ ನಡೆಯುತ್ತಿರುವ ಅತ್ಯಂತ ಯಶಸ್ವಿ ಸಮಾವೇಶ ಇದು
* ಭಾರತವು ಆಟೋ ಕೈಗಾರಿಕೆಯ ಮಾರಾಟ ಹಾಗೂ ಉತ್ಪಾದನೆ ದೃಷ್ಟಿಯಿಂದಲೂ ಪ್ರಮುಖ ಮಾರುಕಟ್ಟೆ
* ಬಂಡವಾಳ ವಾಪಸಾತಿ ರಿಟರ್ನ್ ಆನ್ ಇನ್ವೆಸ್ಟ್ ಮೆಂಟ್ ನಲ್ಲಿ ಭಾರತ ಎತ್ತರದ ಸ್ಥಾನದಲ್ಲಿದೆ
* ಸಮಾವೇಶದ ಆರಂಭದಿಂದಲೂ ಭಾಗವಹಿಸುತ್ತಿರುವ ಜಪಾನ್ ಹಾಗೂ ಕೆನಡಾ ದೇಶಗಳನ್ನು ವಿಶೇಷವಾಗಿ ಉಲ್ಲೇಖಿಸಬೇಕು
* ಗುಜರಾತ್-ಮಹಾತ್ಮ ಗಾಂಧಿ ಹಾಗೂ ಸರ್ದಾರ್ ವಲ್ಲಭ ಭಾಯ್ ಪಟೇಲ್ ಹುಟ್ಟಿದ ನಾಡು. ಜತೆಗೆ ವ್ಯವಹಾರ-ವ್ಯಾಪಾರಗಳ ನಾಡು
* ಭಾರತವು ಆರ್ ಅಂಡ್ ಡಿಗೆ ಉತ್ತಮ ದೇಶ. ಜಗತ್ತಿನಲ್ಲೇ ಎರಡನೇ ಅತಿ ಹೆಚ್ಚು ಸಂಖ್ಯೆಯ ಎಂಜಿನಿಯರ್ ಗಳು, ವಿಜ್ಞಾನಿಗಳು ಇರುವ ದೇಶ ಭಾರತ
* 2014-15ರಲ್ಲಿ ಜಾಗತಿಕ ಆರ್ಥಿಕತೆಗೆ ಭಾರತ ಶೇ 12.4ರಷ್ಟು ಕೊಡುಗೆ ನೀಡಿದೆ.
* ವಿದೇಶಿ ಬಂಡವಾಳ ಅತಿ ಹೆಚ್ಚು ಹರಿದುಬರುತ್ತಿರುವ ಹತ್ತು ದೇಶಗಳಲ್ಲಿ ಭಾರತವೂ ಒಂದು
* 2015-16ರಲ್ಲಿ ಉತ್ಪಾದನಾ ವಲಯ ಶೇ 9ರಷ್ಟು ಅಭಿವೃದ್ಧಿ ಕಂಡಿದೆ. ಉತ್ಪಾದನಾ ವಲಯದಲ್ಲಿ ನಾವೀಗ ಜಗತ್ತಿನಲ್ಲೇ ಆರನೇ ಸ್ಥಾನದಲ್ಲಿದ್ದೇವೆ.
* ಪ್ರತಿಯೊಬ್ಬರ ಜೀವನ ಮಟ್ಟ ಸುಧಾರಿಸುತ್ತದೆ. ಪ್ರತಿ ಭಾರತೀಯರಿಗೂ ಸ್ವಂತ ಸೂರು ದೊರೆಯುತ್ತದೆ. ಎಲ್ಲರಿಗೂ ಶುದ್ಧ ನೀರು ಹಾಗೂ ದಿನದ ಇಪ್ಪತ್ನಾಲ್ಕು ಗಂಟೆಯೂ ವಿದ್ಯುತ್, ವಿಶಾಲವಾದ ರಸ್ತೆಗಳು, ವೇಗದ ರೈಲು ದೊರೆಯುತ್ತದೆ.

English summary

Gujarat, the land of Gandhi and Patel, is also the land of business, Prime Minister Narendra Modi said on Tuesday evening, speaking at the Vibrant Gujarat Summit 2017, an event being attended by Nobel Prize winners, global leaders and top industrialists from India and from other countries.