ವಿಪರೀತ ಮಳೆ: ಅಸ್ಸಾಂನಲ್ಲಿ 22 ಜಿಲ್ಲೆಗಳ 5 ಲಕ್ಷ ಮಂದಿ ಸಂತ್ರಸ್ತ, ಒರ್ವ ಸಾವು
ಗುವಾಹಟಿ, ಜೂನ್ 23: ವಿಪರೀತ ಮಳೆಯಿಂದ ಅಸ್ಸಾಂನ 22 ಜಿಲ್ಲೆಗಳಲ್ಲಿ ಸುಮಾರು 4.96 ಲಕ್ಷ ಜನರು ತೀವ್ರವಾಗಿ ಬಾಧಿತರಾಗಿದ್ದು, ತಮುಲ್ಪುರದಲ್ಲಿ ಪ್ರವಾಹದ ನೀರಿನಲ್ಲಿ ಮುಳುಗಿ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದಾನೆ.
ಅಸ್ಸಾಂ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ (ಎಎಸ್ಡಿಎಂಎ) ಪ್ರವಾಹ ವರದಿಯ ಪ್ರಕಾರ, ಬಜಾಲಿಯಲ್ಲಿ ಪ್ರವಾಹ ಪರಿಸ್ಥಿತಿ ಹೆಚ್ಚು ಕೆಟ್ಟದಾಗಿದ್ದು, ಜಿಲ್ಲೆಯಲ್ಲಿ ಸುಮಾರು 2.60 ಲಕ್ಷ ಜನರು ಸಂತ್ರಸ್ತರಾಗಿದ್ದಾರೆ. ಇದಲ್ಲದೆ ನಲ್ಬರಿಯಲ್ಲಿ 77,702 ಜನರು, ಬಾರ್ಪೇಟಾದಲ್ಲಿ 65,221 ಜನರು, 25,613 ಜನರು ಲಖಿಂಪುರ, ಬಕ್ಸಾದಲ್ಲಿ 24,023 ಜನರು, ತಮುಲ್ಪುರದಲ್ಲಿ 19,208 ಜನರು, ದರ್ರಾಂಗ್ನಲ್ಲಿ 13,704 ಜನರು, ಕೊಕ್ರಜಾರ್ ಜಿಲ್ಲೆಯಲ್ಲಿ 6538 ಜನರು ಸಂತ್ರಸ್ತರಾಗಿದ್ದಾರೆ ಎಂದರು.
ಪ್ರವಾಹ ಪೀಡಿತ ಜಿಲ್ಲೆಗಳಲ್ಲಿ 14091.90 ಹೆಕ್ಟೇರ್ ಪ್ರದೇಶದ ಬೆಳೆ ಮುಳುಗಡೆಯಾಗಿದೆ. ಬಜಾಲಿ, ಬಕ್ಸಾ, ಬರ್ಪೇಟಾ, ಬಿಸ್ವನಾಥ್, ಬೊಂಗೈಗಾಂವ್, ಚಿರಾಂಗ್, ದರ್ರಾಂಗ್, ಧೇಮಾಜಿ, ಧುಬ್ರಿ, ದಿಬ್ರುಗಢ, ಗೋಲಾಘಾಟ್, ಹೊಜೈ, ಕಾಮ್ರೂಪ್, ಕೊಕ್ರಜಾರ್, ಲಖಿಂಪುರ, ಮಜುಲಿ ನಾಗಾಂವ್, ನಲ್ಬರಿ, ಸೋನಿತ್ಪುರ ಜಿಲ್ಲೆಯ 58 ಕಂದಾಯ ವೃತ್ತಗಳ ವ್ಯಾಪ್ತಿಯಲ್ಲಿರುವ 1,366 ಗ್ರಾಮಗಳು ಮುಳುಗಡೆಯಾಗಿವೆ.
ಧಾರಾಕಾರ ಸುರಿದ ಮಳೆಯಿಂದಾಗಿ ಬ್ರಹ್ಮಪುತ್ರ ನದಿಯ ನೀರಿನ ಮಟ್ಟ ಜೋರ್ಹತ್ ಜಿಲ್ಲೆಯ ನೇಮತಿಘಾಟ್ ಮತ್ತು ಧುಬ್ರಿ, ರೋಡ್ ಬ್ರಿಡ್ಜ್ನಲ್ಲಿ ಬೇಕಿ ನದಿ, ಎನ್ಎಚ್ ರೋಡ್ ಕ್ರಾಸಿಂಗ್ನಲ್ಲಿ ಮಾನಸ್ ನದಿ, ಎನ್ಟಿ ರಸ್ತೆ ಕ್ರಾಸಿಂಗ್ನಲ್ಲಿ ಪಗ್ಲಾಡಿಯಾ ನದಿ, ಪುತಿಮರಿರಿವರ್ನಲ್ಲಿ ಅಪಾಯದ ಮಟ್ಟ ಮೀರಿ ಹರಿಯುತ್ತಿದೆ.
ಮತ್ತೊಂದೆಡೆ ಸ್ಥಳೀಯ ಆಡಳಿತವು 11 ಪ್ರವಾಹ ಪೀಡಿತ ಜಿಲ್ಲೆಗಳಲ್ಲಿ 83 ಪರಿಹಾರ ಶಿಬಿರಗಳನ್ನು ಮತ್ತು 79 ಪರಿಹಾರ ವಿತರಣಾ ಕೇಂದ್ರಗಳನ್ನು ಸ್ಥಾಪಿಸಿದೆ ಮತ್ತು 14,035 ಜನರು ಈ ಪರಿಹಾರ ಶಿಬಿರಗಳಲ್ಲಿ ಆಶ್ರಯ ಪಡೆದಿದ್ದಾರೆ. ಇನ್ನೂ ಅನೇಕರು ರಸ್ತೆಗಳು, ಎತ್ತರದ ಪ್ರದೇಶಗಳು ಮತ್ತು ಒಡ್ಡುಗಳಲ್ಲಿ ಆಶ್ರಯ ಪಡೆದಿದ್ದಾರೆ.
ಪ್ರವಾಹದಿಂದಾಗಿ 3,46,639 ಸಾಕುಪ್ರಾಣಿಗಳು ಸಹ ಬಾಧಿತವಾಗಿವೆ ಎಂದು ASDMA ಪ್ರವಾಹ ವರದಿ ಹೇಳಿದೆ. NDRF, SDRF, ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳು ಮತ್ತು ನಾಗರಿಕ ರಕ್ಷಣಾ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ. ಕಳೆದ 24 ಗಂಟೆಗಳಲ್ಲಿ ಅವರು 561 ಪ್ರವಾಹ ಪೀಡಿತ ಜನರನ್ನು ರಕ್ಷಿಸಿದ್ದಾರೆ.
ಮತ್ತೊಂದೆಡೆ, ಕಳೆದ 24 ಗಂಟೆಗಳಲ್ಲಿ, ಪ್ರವಾಹದ ನೀರು 10 ಒಡ್ಡುಗಳನ್ನು ಮುಳುಗಿದ್ದು, ಇತರ 3 ಒಡ್ಡುಗಳು, 92 ರಸ್ತೆಗಳು, 3 ಸೇತುವೆಗಳು, ಹಲವಾರು ಅಂಗನವಾಡಿ ಕೇಂದ್ರಗಳು, ನೀರಾವರಿ ಕಾಲುವೆಗಳು ಮತ್ತು ಮೋರಿಗಳಿಗೆ ಹಾನಿಯಾಗಿದೆ.
Click it and Unblock the Notifications
Sign in with Google