ಧಾರಾಕಾರ ಮಳೆಗೆ ಗುಜರಾತ್ ನಲ್ಲಿ ಜಲಪ್ರಳಯ

Updated: Thursday, June 25, 2015, 19:48 [IST]

ನವದೆಹಲಿ, ಜೂ. 25: ಮುಂಗಾರು ಮಾರುತಗಳ ಆರ್ಭಟ ದೇಶಾದ್ಯಂತ ಜೋರಾಗಿದೆ. ಮುಂಬೈ, ದೆಹಲಿ ಮತ್ತು ಈಶಾನ್ಯ ರಾಜ್ಯಗಳಲ್ಲಿ ಅಬ್ಬರಿಸಿದ್ದ ವರುಣ ಈಗ ಗುಜರಾತ್ ನಲ್ಲಿ ತನ್ನಪ್ರತಾಪ ತೋರಿಸುತ್ತಿದ್ದಾನೆ.

ಗುಜರಾತ್ ನಲ್ಲಿ ಬೀಳುತ್ತಿರುವ ಧಾರಾಕಾರ ಮಳೆ 40 ಜೀವಗಳನ್ನು ಬಲಿ ಪಡೆದುಕೊಂಡಿದೆ. ರಾಜ್ ಕೋಟ್ ಮತ್ತು ಅಮ್ರೇಲಿ ಜಿಲ್ಲೆಗಳಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ವಾಯುಭಾರ ಕುಸಿತದಿಂದ ಗುಜರಾತ್ ನಲ್ಲಿ ಭಾರೀ ಮಳೆ ಸುರಿಯುತ್ತಿದೆ.[ಕರ್ನಾಟಕದಲ್ಲಿ ಮಳೆ ಮಾಡಿದ ಹಾನಿ ಚಿತ್ರಗಳು]

ಉಳಿದಂತೆ ಕಣಿವೆ ರಾಜ್ಯ ಜಮ್ಮು ಕಾಶ್ಮೀರ ಮತ್ತು ಮಹಾರಾಷ್ಟ್ರದಲ್ಲೂ ವ್ಯಾಪಕ ಮಳೆಯಾಗುತ್ತಿದೆ. ರಾಜಸ್ಥಾನ ಮತ್ತು ಹಿಮಾಚಲ ಪ್ರದೇಶಲ್ಲೂ ಮುಂದಿನ 24 ಗಂಟೆಗಳಲ್ಲಿ ಭಾರೀ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ.(ಪಿಟಿಐ ಚಿತ್ರಗಳು)

ದಾರಿ ಯಾವುದಯ್ಯಾ?

ಮಳೆ ಹೊಡೆತಕ್ಕೆ ಸಿಕ್ಕಿರುವ ಗುಜರಾತ್ ನ ಅಮ್ರೇಲಿ ಜಿಲ್ಲೆಯ ಜನರನ್ನು ಭಾರತೀಯ ಸೈನಿಕರು ರಕ್ಷಣೆ ಮಾಡಿದ್ದಾರೆ. ಇನ್ನು ಹಲವರು ರಕ್ಷಣೆಗಾಗಿ ಸಹಾಯಕ್ಕಾಗಿ ಕಾದು ನಿಂತಿದ್ದಾರೆ.

ಮುಳುಗಿದ ಮನೆ, ಹೊಲ

ಧಾರಾಕಾರ ಮಳೆಗೆ ಹೊಲ ಗದ್ದೆ, ಮನೆಗಳು ಜಲಾವೃತವಾಗಿದ್ದು ಸುರಕ್ಷಿತ ತಾಣಕ್ಕೆ ಕರೆದೊಯ್ಯಲು ಆಗಮಿಸುತ್ತಿರುವ ಹೆಲಿಕಾಪ್ಟರ್ ಗೆ ಮನೆ ಮೇಲೇರಿ ಕಾದು ಕುಳಿತ ಜನರು.

ಭರದಿಂದ ಸಾಗಿರುವ ರಕ್ಷಣಾ ಕಾರ್ಯ

ಭಾರೀ ಮಳೆ ಗುಜರಾತ್ ನ ಜನ ಜೀವನವನ್ನು ಅಸ್ತವ್ಯಸ್ತ ಮಾಡಿದ್ದು ವಿಮಾನ ಮತ್ತು ಹೆಲಿಕಾಪ್ಟರ್ ನೆರವಿನಲ್ಲಿ ರಕ್ಷಣೆ ಮಾಡಲಾಗುತ್ತಿದೆ. ಅತ್ತ ಅಸ್ಸಾಂನ 25 ಜಿಲ್ಲೆಗಳ ಸುಮಾರು 22 ಸಾವಿರ ಮಂದಿ ಮಳೆಯಿಂದ ತೊಂದರೆ ಅನುಭವಿಸುತ್ತಿದ್ದಾರೆ.