ಅಸ್ಸಾಂನಲ್ಲಿ ಭೀಕರ ಪ್ರವಾಹ ಪರಿಸ್ಥಿತಿ: 1.2 ಲಕ್ಷ ಜನರು ಸಂತ್ರಸ್ತ

ಗುವಾಹಟಿ, ಜೂನ್‌ 22: ಅಸ್ಸಾಂನಲ್ಲಿ ಪ್ರವಾಹ ಪರಿಸ್ಥಿತಿಯು ಗುರುವಾರ ಬೆಳಿಗ್ಗೆ ವಿಕೋಪಕ್ಕೆ ತಿರುಗಿದೆ. ರಾಜ್ಯದ ಹಲವಾರು ಭಾಗಗಳಲ್ಲಿ ನಿರಂತರ ಮಳೆಯಿಂದಾಗಿ ಅನೇಕ ಪ್ರದೇಶಗಳು ಮುಳುಗಡೆಯಾಗಿವೆ. 10 ಜಿಲ್ಲೆಗಳಲ್ಲಿ ಸುಮಾರು 1.2 ಲಕ್ಷ ಜನರು ಪ್ರವಾಹಕ್ಕೆ ಸಿಲುಕಿದ್ದಾರೆ ಎಂದು ಅಧಿಕೃತ ಬುಲೆಟಿನ್ ತಿಳಿಸಿದೆ.

ಭಾರತೀಯ ಹವಾಮಾನ ಇಲಾಖೆ (IMD) 'ಆರೆಂಜ್ ಅಲರ್ಟ್' ಅನ್ನು ನೀಡಿದ್ದು, ಮುಂದಿನ ಕೆಲವು ದಿನಗಳಲ್ಲಿ ಅಸ್ಸಾಂನ ಹಲವಾರು ಜಿಲ್ಲೆಗಳಲ್ಲಿ ಭಾರೀ ಮಳೆಯಾಗುವ ಮುನ್ಸೂಚನೆ ನೀಡಿದೆ. ಗುವಾಹಟಿಯಲ್ಲಿರುವ IMD ಯ ಪ್ರಾದೇಶಿಕ ಹವಾಮಾನ ಕೇಂದ್ರ (RMC) ಬುಧವಾರದಿಂದ 24 ಗಂಟೆಗಳ ಕಾಲ ಎಚ್ಚರಿಕೆಯನ್ನು ನೀಡಿದೆ. ಗುರುವಾರ ಮತ್ತು ಶುಕ್ರವಾರದಂದು 'ಹಳದಿ' ಎಚ್ಚರಿಕೆಯನ್ನು ನೀಡಿದೆ.

ಅಸ್ಸಾಂ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ (ಎಎಸ್‌ಡಿಎಂಎ) ಪ್ರವಾಹ ವರದಿಯ ಪ್ರಕಾರ, ಬಕ್ಸಾ, ಬರ್ಪೇಟಾ, ದರ್ರಾಂಗ್, ಧೇಮಾಜಿ, ಧುಬ್ರಿ, ಕೊಕ್ರಜಾರ್, ಲಖಿಂಪುರ, ನಲ್ಬರಿ, ಸೋನಿತ್‌ಪುರ್ ಮತ್ತು ಉದಲ್‌ಗುರಿ ಜಿಲ್ಲೆಗಳಲ್ಲಿ 1,19,800 ಕ್ಕೂ ಹೆಚ್ಚು ಜನರು ಪ್ರವಾಹದಿಂದ ಸಂತ್ರಸ್ತರಾಗಿದ್ದಾರೆ.

ನಲ್ಬರಿಯಲ್ಲಿ ಸುಮಾರು 45,000 ಜನರು ಸಂತ್ರಸ್ತರಾಗಿದ್ದಾರೆ, ಬಕ್ಸಾ 26,500 ಕ್ಕಿಂತ ಹೆಚ್ಚು ಮತ್ತು ಲಖಿಂಪುರದಲ್ಲಿ 25,000 ಕ್ಕಿಂತ ಹೆಚ್ಚು ಜನರು ಸಂತ್ರಸ್ತರಾಗಿದ್ದಾರೆ ಎಂದು ಅದು ಹೇಳಿದೆ. ಅಸ್ಸಾಂ ಆಡಳಿತವು ಐದು ಜಿಲ್ಲೆಗಳಲ್ಲಿ 14 ಪರಿಹಾರ ಶಿಬಿರಗಳನ್ನು ನಡೆಸುತ್ತಿದೆ. ಅಲ್ಲಿ 2,091 ಜನರು ಆಶ್ರಯ ಪಡೆದಿದ್ದಾರೆ ಮತ್ತು ಐದು ಜಿಲ್ಲೆಗಳಲ್ಲಿ 17 ಪರಿಹಾರ ವಿತರಣಾ ಕೇಂದ್ರಗಳನ್ನು ನಡೆಸಲಾಗುತ್ತಿದೆ.

ಸೇನೆ, ಅರೆಸೇನಾ ಪಡೆಗಳು, ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ, SDRF, ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳು (F&ES), ನಾಗರಿಕ ಆಡಳಿತಗಳು, NGOಗಳು ಮತ್ತು ಸ್ಥಳೀಯರು ವಿವಿಧ ಸ್ಥಳಗಳಿಂದ 1,280 ಜನರನ್ನು ರಕ್ಷಿಸಿದ್ದಾರೆ. ಪ್ರಸ್ತುತ, 780 ಹಳ್ಳಿಗಳು ನೀರಿನಿಂದ ಮುಳುಗಿವೆ. ಅಸ್ಸಾಂನಾದ್ಯಂತ 10,591.85 ಹೆಕ್ಟೇರ್ ಬೆಳೆ ಹಾನಿಯಾಗಿದೆ ಎಂದು ASDMA ಬುಲೆಟಿನ್ ತಿಳಿಸಿದೆ.

ಬಕ್ಸಾ, ಬರ್ಪೇಟಾ, ಸೋನಿತ್‌ಪುರ್, ಧುಬ್ರಿ, ದಿಬ್ರುಗಢ್, ಕಾಮ್ರೂಪ್, ಕೊಕ್ರಜಾರ್, ಲಖಿಂಪುರ, ಮಜುಲಿ, ಮೊರಿಗಾಂವ್, ನಾಗಾಂವ್, ಸೌತ್ ಸಲ್ಮಾರಾ ಮತ್ತು ಉದಲ್‌ಗುರಿಯಲ್ಲಿ ಭಾರಿ ಮಣ್ಣಿನ ಸವೆತವಾಗಿದೆ ಎಂದು ಅದು ಹೇಳಿದೆ. ಭಾರೀ ಮಳೆಯಿಂದಾಗಿ ಭೂಕುಸಿತದ ಘಟನೆಗಳು ದಿಮಾ ಹಸಾವೊ ಮತ್ತು ಕಾಮ್ರೂಪ್ ಮೆಟ್ರೋಪಾಲಿಟನ್‌ನ ಸ್ಥಳಗಳಲ್ಲಿ ವರದಿಯಾಗಿದೆ.

ಬಕ್ಸಾ, ನಲ್ಬರಿ, ಬಾರ್ಪೇಟಾ, ಸೋನಿತ್‌ಪುರ್, ಬೊಂಗೈಗಾಂವ್, ದರ್ರಾಂಗ್, ಚಿರಾಂಗ್, ಧುಬ್ರಿ, ಗೋಲ್‌ಪಾರಾ, ಕಾಮ್ರೂಪ್, ಕೊಕ್ರಜಾರ್, ಲಖಿಂಪುರ, ನಾಗಾಂವ್, ಉಡಲ್‌ಗುರಿ, ಧೇಮಾಜಿ ಮತ್ತು ಮಜುಲಿಯಲ್ಲಿ ಪ್ರವಾಹದ ನೀರಿನಿಂದ ಒಡ್ಡುಗಳು, ರಸ್ತೆಗಳು, ಸೇತುವೆಗಳು ಮತ್ತು ಇತರ ಮೂಲಸೌಕರ್ಯಗಳು ಹಾನಿಗೊಳಗಾಗಿವೆ.

ಬಾರ್ಪೇಟಾ, ದರ್ರಾಂಗ್, ಕಾಮ್ರೂಪ್ ಮೆಟ್ರೋಪಾಲಿಟನ್, ಕೊಕ್ರಜಾರ್ ಮತ್ತು ನಲ್ಬರಿ ಜಿಲ್ಲೆಗಳಾದ್ಯಂತ ಅನೇಕ ಸ್ಥಳಗಳಲ್ಲಿ ನಗರ ಪ್ರದೇಶಗಳು ಜಲಾವೃತಗೊಂಡಿವೆ. ಬ್ರಹ್ಮಪುತ್ರ ನದಿಯ ಉಪನದಿ ಬೆಕಿ ಮೂರು ಸ್ಥಳಗಳಲ್ಲಿ ಅಪಾಯದ ಮಟ್ಟಕ್ಕಿಂತ ಹೆಚ್ಚು ಹರಿಯುತ್ತಿದೆ ಎಂದು ಎಎಸ್‌ಡಿಎಂಎ ವರದಿ ತಿಳಿಸಿದೆ.

English summary

The flood situation in Assam turned catastrophic on Thursday morning. Due to incessant rain in several parts of the state, many areas are inundated. Around 1.2 lakh people have been affected by the floods in 10 districts, an official bulletin said.