ಚುನಾವಣೆ 2019: ಇಂದಿನ ಮತದಾರರ ಮನವೊಲಿಸಿದ ಫ್ಲಿಪ್ ಕಾರ್ಟ್
ಬೆಂಗಳೂರು, ಏಪ್ರಿಲ್ 17: ಭಾರತದ ಪ್ರಗತಿಪರ ಕಥೆಗಳನ್ನು ಹೇಳುತ್ತಾ ಮನರಂಜನೆ ನೀಡುವುದರಲ್ಲಿ ಚಾಂಪಿಯನ್ ಎಂದೆನಿಸಿಕೊಂಡಿರುವ ಫ್ಲಿಪ್ ಕಾರ್ಟ್, ಈಗ ಸಾಂಪ್ರದಾಯಿಕವಾಗಿ ವೈವಿಧ್ಯಮಯವಾದ ಪ್ರೇಕ್ಷಕರನ್ನು ಒಗ್ಗೂಡಿಸುವ ಕೆಲಸವೊಂದಕ್ಕೆ ಕೈಹಾಕಿದೆ.
ಬಿಜೆಪಿ, ಕಾಂಗ್ರೆಸ್, ಸಿಪಿಎಂ ಪ್ರಣಾಳಿಕೆಯ ತುಲನೆ. ಯಾವ ಪಕ್ಷದ ಪ್ರಣಾಳಿಕೆ ಉತ್ತಮವಾಗಿದೆ?
ಭಾರತವು ಶಾಪಿಂಗ್ ಮಾಡುತ್ತಿದ್ದ ಬಗೆಯನ್ನೇ ಬದಲಿಸಿರುವಂಥ ಬ್ರಾಂಡ್, ಇದೀಗ ನಾವು ಚುನಾವಣೆಗಳನ್ನು ನೋಡುವ ದೃಷ್ಟಿಯನ್ನೇ ಬದಲಿಸಲು ಹೊರಟಿದೆ. ಪ್ರಜಾತಂತ್ರ ವ್ಯವಸ್ಥೆಯಲ್ಲಿರುವ ಭಾರತದಲ್ಲಿ ಇದೀಗ, ಇಡೀ ದೇಶವೇ "ನಾವು ವರ್ಸಸ್ ಅವರು'' ಎಂಬ ವಿಭಜನೆಯೊಂದು ಕಾಣುತ್ತಿದೆ.
ಫ್ಲಿಪ್ ಕಾರ್ಟ್ ತನ್ನ ಹೊಸ ವೀಡಿಯೋದಲ್ಲಿ, ಹೊಸ ತಲೆಮಾರಿನ ಮತದಾರರ ಮನಸ್ಥಿತಿಯನ್ನು ಬದಲಿಸುತ್ತಿದೆ ಮಾತ್ರವಲ್ಲ, ನೀವು ಮತ ಚಲಾಯಿಸಿದ ಬಳಿಕ ಏನೇನಾಗುತ್ತದೆ ಎಂಬುದರ ಪ್ರಜ್ಞೆಯನ್ನೂ ವೀಕ್ಷಕರಿಗೆ ನೀಡಲಿದೆ.
ಪ್ರತಿಯೊಬ್ಬರ ಮತದಾನದ ಮೌಲ್ಯವೂ ಒಂದೇ ಆಗಿರುವ ಕಾರಣ, ಯಾವುದೇ ವ್ಯಕ್ತಿಗಳ ನಡುವೆ ಯಾವ ಭಿನ್ನತೆಯೂ ಕಾಣದಂಥ ಏಕೈಕ ದಿನವೆಂದರೆ ಅದು ಚುನಾವಣೆಯ ದಿನ ಎಂಬುದನ್ನು ಫ್ಲಿಪ್ ಕಾರ್ಟ್ ಒತ್ತಿ ಹೇಳುತ್ತದೆ. ಈ ವೀಡಿಯೋವು ಹಲವರ ಮನ ಗೆದ್ದಿದ್ದು, ಇದು ಭಾರತದಲ್ಲಿನ ವೈವಿಧ್ಯತೆಯನ್ನು ಪ್ರತಿಬಿಂಬಿಸುತ್ತಿದೆ ಮಾತ್ರವಲ್ಲ, ಸಮಾನರ ದಿನ ಇನ್ನೂ ಜೀವಂತವಾಗಿದೆ ಎಂಬ ತತ್ವವನ್ನು ಸಂಕೇತಿಸುತ್ತದೆ.
ಸಮಾನರ ದಿನದ ಕುರಿತು ತಮ್ಮ ಅಭಿಪ್ರಾಯವನ್ನು ಮಂಡಿಸಿ ಮಾತನಾಡಿದ ಅಪೂರ್ವ ಸೇಥಿ(ಫ್ಲಿಪ್ ಕಾರ್ಟ್ ಬ್ರಾಂಡ್ ಮಾರ್ಕೆಟಿಂಗ್ ನಿರ್ದೇಶಕರು), "ಫ್ಲಿಪ್ ಕಾರ್ಟ್ ನಲ್ಲಿ ನಮಗೆ ಯಾವತ್ತೂ ಸಾಮಾಜಿಕವಾಗಿ ಪ್ರಾಮುಖ್ಯತೆ ಹೊಂದಿರುವ ಪ್ರಭಾವಶಾಲಿ ಸಂವಾದವನ್ನು ಸೃಷ್ಟಿಸುವಂತೆ ಉತ್ತೇಜನ ನೀಡಲಾಗುತ್ತದೆ.
ಈ ಹಿಂದೆ, ನಾವು ಲಿಂಗ ಸಮಾನತೆಯ ಕೂಗಿಗೆ ಧ್ವನಿಯಾದರೆ, ಈ ವರ್ಷ ನಾವು ದೇಶದ ಪ್ರಜಾಪ್ರಭುತ್ವದೊಳಗೆ ಸಮ್ಮಿಳಿತವಾಗಿರುವ ಸಮಾನತೆಯ ಆಶಯದ ಎಳೆಗಳನ್ನು ನೇಯಲು ಮುಂದಾಗಿದ್ದೇವೆ. ಈ ಅಭಿಯಾನದ ಮೂಲಕವಾಗಿ, ನಾವು ನಮ್ಮ ಗ್ರಾಹಕರೊಂದಿಗೆ ಸಂಪರ್ಕ ಹೊಂದುವ ಅಗತ್ಯತೆಯನ್ನು ಮನಗಂಡಿದ್ದೇವೆ. ಅಲ್ಲದೆ, ಚುನಾವಣೆಯನ್ನು ನಾವೆಲ್ಲರೂ ನಮ್ಮ ನಮ್ಮೊಳಗಿನ ಭಿನ್ನಾಭಿಪ್ರಾಯಗಳನ್ನು ಮರೆತು ಒಂದಾಗುವಂಥ ಪವಿತ್ರ ಸಮಯವೆಂಬಂತೆ ನೋಡಬೇಕೆಂದು ಪ್ರೇರೇಪಿಸುತ್ತಿದ್ದೇವೆ'' ಎಂದರು.
Click it and Unblock the Notifications
Sign in with Google