ಕುಡಿದು ವಾಹನ ಓಡಿಸಿದರೆ ಭಾರೀ ದಂಡ, ಎಚ್ಚರ!
ನವದೆಹಲಿ, ಏಪ್ರಿಲ್ 03 : ಮದ್ಯ ಸೇವಿಸಿ ವಾಹನ ಚಲಾಯಿಸಿದ್ದು ವ್ಯಕ್ತಿಯ ಸಾವಿನಲ್ಲಿ ಪರ್ಯವಸಾನವಾದರೆ ಭಾರೀ ದಂಡವನ್ನು ಮಾತ್ರವಲ್ಲ ಜೈಲನ್ನೂ ಸೇರಬೇಕಾದೀತು, ಎಚ್ಚರ!
ಮೋಟಾರು ವಾಹನ ಕಾಯ್ದೆಗೆ ತಿದ್ದುಪಡಿ ತಂದ ನಂತರ ಈ ಹೊಸ ನಿಯಮಾವಳಿ ಜಾರಿಗೆ ಬರಲಿದೆ. ಮದ್ಯ ಸೇವಿಸಿ, ವಾಹನ ಚಲಾಯಿಸಿ ವ್ಯಕ್ತಿಯ ಸಾವಿಗೆ ಕಾರಣವಾದರೆ 10 ಸಾವಿರ ರುಪಾಯಿ ದಂಡ ಮತ್ತು 10 ವರ್ಷ ಜೈಲು ಶಿಕ್ಷೆ ಖಚಿತ.[ಶನಿವಾರ ರಾತ್ರಿ ಕುಡಿದು ಗಾಡಿ ಓಡಿಸಿದವರ ಲೆಕ್ಕ]
ಈ ಕಾಯ್ದೆಯಲ್ಲಿ ಇನ್ನಷ್ಟು ಬದಲಾವಣೆಗಳನ್ನು ಮಾಡಲಾಗಿದ್ದು, ನಿಮಯ ಉಲ್ಲಂಘಿಸಿದವರ ವಿರುದ್ಧ ಕಟ್ಟುನಿಟ್ಟಾಗಿ ಕ್ರಮ ಜರುಗಿಸಲು ಸೂಚನೆಗಳನ್ನು ನೀಡಲಾಗಿದೆ. ಅಲ್ಲದೆ, ಕುಡಿದು ವಾಹನ ಓಡಿಸಿದರೆ ಏನೇನು ಕ್ರಮ ಕೈಗೊಳ್ಳಲಾಗುವುದು ಎಂಬುದರ ಪಟ್ಟಿ ಕೆಳಗಿನಂತಿದೆ.[ಶನಿವಾರ ರಾತ್ರಿ ಕುಡಿದು ಗಾಡಿ ಓಡಿಸಿದವರ ಲೆಕ್ಕ]
* ಅಪ್ರಾಪ್ತ ವಯಸ್ಕ ವಾಹನ ಓಡಿಸಿ ಅಪಘಾತ ಮಾಡಿದರೆ, ವಾಹನದ ನೋಂದಣಿ ರದ್ದುಪಡಿಸಲಾಗುವುದು. ಜೈಲು ಶಿಕ್ಷೆ ಇರಲಿ ಇಲ್ಲದಿರಲಿ, ಆತನಿಗೆ ಅಥವಾ ಕುಟುಂಬದವರಿಗೆ 25 ಸಾವಿರ ರುಪಾಯಿ ದಂಡ ವಿಧಿಸಲಾಗುವುದು.
* ದ್ವಿಚಕ್ರ ವಾಹನದಲ್ಲಿ ಕುಳಿತುಕೊಳ್ಳುವ ನಾಲ್ಕು ವರ್ಷಕ್ಕಿಂತ ದೊಡ್ಡ ಮಕ್ಕಳು ಹೆಲ್ಮೆಟ್ ಧರಿಸಲೇಬೇಕು.
* ಹೆಲ್ಮೆಟ್ ಇಲ್ಲದೆ ವಾಹನ ಚಲಾಯಿಸಿದರೆ 1000 ರುಪಾಯಿ ದಂಡ ತೆರಬೇಕಾಗುತ್ತದೆ. ಮೂರು ವರ್ಷ ಲೈಸೆನ್ಸ್ ರದ್ದು ಮಾಡಲಾಗುತ್ತದೆ.
* ಮೇಲಿನ ದಂಡವನ್ನು ಸೀಟ್ ಬೆಲ್ಟ್ ಇಲ್ಲದೆ ವಾಹನ ಚಲಾಯಿಸಿದರೆ ಮತ್ತು ಸಿಗ್ನಲ್ ಜಂಪ್ ಮಾಡಿದರೆ ಕೂಡ ತೆರಬೇಕಾಗುತ್ತದೆ.
* ಕುಡಿದು ವಾಹನ ಓಡಿಸಿ ಸಿಕ್ಕಿಬಿದ್ದರೆ 5000 ರುಪಾಯಿ ದಂಡ ತೆತ್ತಬೇಕಾಗುತ್ತದೆ.